2 Korintofoɛ 5:1 - AHYERƐLƐ KRONGRON

¹ Na yɛse kyɛ sɛ yɛ aseɛ ye aso ɛtena sua ne sɛkye a, yɛkonya awuro bɔ ofi Nyameɛ berɛ, bɔ nna sona yeɛ osili ɔ, bɔ ɔwɔ nyameɛso afebɔɔ.

2 Korintofoɛ 5:1 Iomraidhean Croise

Gyenesise 3:19

Mvifire kosongyi wɔ ti anwo koraka né anya aleɛ ali, kɔpem kyɛ ekosa kɔhɔ nnɛterɛ nu ɔ; ofikyɛ nnɛterɛ nu yeɛ nyele wɔ mvili ɔ, ɛte nnɛterɛ, na nnɛterɛ nu ala yeɛ ekosa kɔhɔ ɔ.”

YOB NWOMAA NE 30:22

Ɛpagya me sie mvrama so maa ɔfa me kɔ, na ɛfa me kyinikyini wɔ mvrama piri nu.

YOB NWOMAA NE 4:19

né nzaade, dasaniɛ bɔ bɛfale nnɛterɛ bɛnwone ye, bɔ ofi mvuture nu, bɔ betia ye so bɛbɛtɛ ye kyɛ mvrɔlɔ ne, ye de ogyi ye sɛ?

Edwein 56:9

Na afei kyẽa bɔ ngosu ngɔfrɛ wɔ ne, me pɔfoɛ mɔ bɛkɔtete bekosa. Mese ye sɔ, ofikyɛ Nyameɛ gyi me si.

Yesaya 38:12

Batutu m’atenaleɛ ne abo bafi me nwo bahɔ, kyɛ mmoaenneafoɛ ɛtena sua; kyɛbɔ sona bɔ ɔnwo ɛtena ɔ ɔyɔ ne, sɔ ala yeɛ mabobɔ me ngoa o; wate me wafi bakaa bɔ bɛnwo ɛtena wɔ so ne anwo; na ɛma me ngoa ohi fi alehyeleɛ kodwu alesaleɛ.

Marko 14:58

“Yɛtele kyɛ ɔka kyɛ, ‘Ngobubu asɔneyɛɛ sua he bɔ bafa asaa yeɛ basi ne, na ngɔfa ɛlɛsa ngosi foforɛ bɔ nna asaa yeɛ bɛfa besili ɔ.’ ”

Asomafoɛ 7:48

Nakoso Nyameɛ bɔ ɔwɔ anwuro anwuro ne, ɔndena sua bɔ kuro sona wafa ye sa wasi ɔ nu, kyɛbɔ ngɔmhyɛlɛniɛ ne kã kyɛ,

1 Korintofoɛ 3:9

Ofikyɛ yɛ de, yɛte Nyameɛ adwumayɔlɛfoɛ, bɔ yɛ ne ye bɔ nu yɛyɔ adwuma ɔ; na ɛmɔte ye boo, Nyameɛ sua.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

2 Korintofoɛ 5:4

Ofikyɛ mmerɛ bɔ yɛwɔ ɛtena sua he anu ye de, yɛpene. Nna kyɛ ebiaa yɛpena kyɛ bepuro befi yɛ nwo ɔ, na mmom yɛpena kyɛ bɛfa nyameɛso deɛ ne bepuro so, amaa ngoa abungam bɔ owu so bɔkɔɔ.

Kolosefoɛ 2:11

Na ye nu koso yeɛ bapɛ ɛmɔ bienzua bɔ bamva bɛ sa yeɛ bɛpɛle ɔ; na bɔ ɔwɔ anwoɔnaen nipadua nu bɔ bapuro bagua berɛ ne, bapuro bagua wɔ Kristo bienzuapɛlɛ nu.

2 Timoteo 1:12

Na ɔnate ɛhe ati yeɛ menwu amaneɛ hemɔ ye, nakoso ɔnyɛ me nya; ofikyɛ mese bɔ male ye mali ne, na mede medi kyɛ ɔkora ɔbɔ bɔ mafa mawura ye sa ne nwo waen maa okoodwu Kyẽa ne.

Hebrifoɛ 11:10

Ɔnate kyɛ, né ɔnwondɛ kuro bɔ Nyameɛ akyekye ná wahyehyɛ bɔ ye fapem gyi berɛ pindinn ne.

Hebrifoɛ 9:11

Nakoso Kristo de, wawa kyɛ nningyein paa bɔ ɔbaawa ne nwo sɔfo panyi paa, na wafa ɛtena sua bɔ ɔte titire na odi mu tra so ɔ nu. Ɛhe de, nna kuro sona yeɛ osili ɔ, yeɛ ɔbboka ewiase abɔdeɛ so koso,

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

1 Petro 1:4

maa yanya agyapadeɛ bɔ ɔmborɔ, bɔ ngekalewa nne ye nwo, bɔ ɔmbɛ nu ngɔ, bɔ bafa basie nyameɛso bama ɛmɔ

2 Petro 3:11

Na sɛ sɔ yeɛ sɔ nningyein ne amukoraa bɛkɔsɛkye a, nzaade nzikyɛ mmenia yeɛ ɔsɛ kyɛ ɛmɔyɛ ɔ? Ɔsɛ kyɛ ɛmɔtira bra krongron ne nyamesom paa nu,

1 Yohane 3:14

Yɛse kyɛ yɛfi ewue nu yawa ngoa nu, ofikyɛ yɛkuro aliɛmaa nemɔ dwirɛ. Na bɔ onguro oliɛma dwirɛ ne tɛte ewue nu.

1 Yohane 3:19

Ɛhe yeɛ ɔmaa yɛnwu ye kyɛ nahorɛ ne wɔ yɛ nu ɔ, amaa y’ahone atɔ yɛ kunu wɔ ye nyunu:

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.