2 Korintofoɛ 4:9 - AHYERƐLƐ KRONGRON

⁹ Bɛtane yɛ nye, nakoso Nyameɛ de ɔppole yɛ; babɔ yɛ bɛto ase, nakoso bɛsɛkyele yɛ.

2 Korintofoɛ 4:9 Iomraidhean Croise

YOB NWOMAA NE 22:29

Sɛ ɔbrɛ ebiemɔ ase a, ɛnwa anwomasoɛ ti ɔ, ofikyɛ ɔpepɛ de anwobrɛaseɛniɛ.

Edwein 129:2

Ofi me ngwadaa nu, mmerɛ pee yeɛ bafa koɛ baateta me ɔ, nakoso bangora banni me so ngonim.

Edwein 22:1

Me Nyameɛ, me Nyameɛ, nzu ati yeɛ apo me ye? Nzu ati yeɛ mepene mepena mmokalɛ, nakoso aye wɔ nye afi me so ye?

Edwein 37:28

Ofikyɛ AWURADE kuro ndɛenbualɛ turoloo, na ɔngɔpo ye anwoteefoɛ. Ɔkɔbɔ anwoteefoɛ nwo waen afebɔɔ, nakoso bɔnefoɛ boso ama de, bɛ boso konua.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 42:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 9:10

Na bɛ bɔ bɛse wɔ dumaa ne, bɛfa bɛ wora bewura wɔ nu, ofikyɛ wɔ, ao AWURADE, bɛ bɔ bɛpena wɔ si atee ne, anye wɔ sa amvi bɛ bo.

Anyandera 24:16

ofikyɛ, teneneeniɛ kɔhora kofĩ ase pɛen nzoo, nakoso osa dwɔso, nakoso bɔnefoɛ de, musue to ye ma ye ayieleɛ yie ye.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Yesaya 62:4

Bɛngɔfrɛ wɔ “Bɔ bapo ye ɔ” ko, yeɛ bɛngɔfrɛ w’aseɛ ne “Kurofoen” ko; na mmom bɛkɔfrɛ wɔ Hefesiba, yeɛ w’aseɛ ne koso bɛkɔfrɛ ye Bewela; ofikyɛ ɛla AWURADE ahone nwo, na okogya w’aseɛ ne.

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.

Habakuku 3:17

Ɔwɔ nu kyɛ borɔdoma mmɔ nyerɛen, bobe nemɔ benzu mmaa, olive sulɛ wali ngasi, eboo mɔ bɛngye aleɛ, mmoaen nemɔ bɛ boso ayera wɔ tuin ne anu, yeɛ nandwie biala nne tuin nemɔ anu,

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Romanfoɛ 8:35

Nwa yeɛ ɔkɔte yɛ kofi Kristo ɔdɔ ne anwo ɔ? Amaneɛnwunɛ anaa anwokyere anaa ndaneanyeɛ anaa ɛhɔen anaa kwaterekwa anaa amaneɛnwunɛ anaa ngrandɛ?

2 Korintofoɛ 7:6

Nakoso Nyameɛ bɔ ɔkyekye bɛ bɔ bɛ wora abɔ wora ne, ɔfale Tito walɛ ne aso kyekyele yɛ wora.

2 Timoteo 3:12

Amba, sona biala bɔ ɔpena kyɛ ɔbɔ bra bɔ ɔsɔ anyeɛ wɔ Kristo Yesu nu ne, bɛkɔtane ye nye.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”