2 Korintofoɛ 4:8 - AHYERƐLƐ KRONGRON

⁸ Yɛnwu amaneɛ wɔ nikyee biala nu, nakoso ommu y’abasa nu; yɛ nwo ahyere yɛ, nakoso yɛle anyelasoɛ.

2 Korintofoɛ 4:8 Iomraidhean Croise

Edwein 129:2

Ofi me ngwadaa nu, mmerɛ pee yeɛ bafa koɛ baateta me ɔ, nakoso bangora banni me so ngonim.

Edwein 37:33

AWURADE ngɔyakyi teneneeniɛ ngowura bɔnefoɛ sa; yeɛ bedi teneneeniɛ dwirɛ a, ɔngɔma bengobua ye fɔ.

Anyandera 14:26

Bɛ bɔ besuro AWURADE ne, bɛ wora wura ye nu pindinn, na ɔbɔ bɛ mma nwo waen.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Habakuku 3:17

Ɔwɔ nu kyɛ borɔdoma mmɔ nyerɛen, bobe nemɔ benzu mmaa, olive sulɛ wali ngasi, eboo mɔ bɛngye aleɛ, mmoaen nemɔ bɛ boso ayera wɔ tuin ne anu, yeɛ nandwie biala nne tuin nemɔ anu,

Yohane 14:18

“Mengɔyakyi ɛmɔ nyisiaafoɛ, ngɔwa ɛmɔ berɛ.

1 Korintofoɛ 10:13

Nzɔhwɛ biala nne berɛ bɔ wato ɛmɔ bɔ sona nnwuni bie le ɔ. Nakoso ɔnate kyɛ Nyameɛ di nahorɛ ne ati, ɔngɔma ate ngɔma nzɔhwɛ bɔ ɔbo ɛmɔ anwoserɛ so ngɔto ɛmɔ. Na mmom, okohyire ɛmɔ atee bɔ ɛmɔkɔfa so bekɔnwati bekofi nzɔhwɛ ne anu ɔ, amaa ɛmɔahora bagyina ye noa.

2 Korintofoɛ 12:10

Na ɔnate Kristo ti, me nye gye wɔ mmerɛyɛlɛ nu, alapaa bɔ bɛbɔ me nu, anwokyere nu, ndaneanyeɛ nu, aworabɔlɛ nu; ofikyɛ sɛ meyɛ mmerɛ a, yeɛ me nwo yɛ se ɔ.

2 Korintofoɛ 6:12

Yahyire kyɛ ɛmɔbata y’ahone nwo, nakoso ɛmɔ de ɛmɔngyire kyɛ yɛbata ɛmɔ ahone nwo.

2 Korintofoɛ 6:4

Na mmom yɛye yɛ nwo ali yekyire kyɛ yɛte Nyameɛ asomvoɛ wɔ atee biala so: wɔ aboterɛ pee nu, amaneɛ nu, anwokyere nu, ateetee nu;

2 Korintofoɛ 7:5

Mmerɛ bɔ yɛhɔle Makedonia nen, yɛfɛle yɛ nwonaen nu paa, na ɛhawo wale yɛ so wɔ nekaa biala: ngondii pɛle yɛ nwo yiale, na yɛ bɔbɔ yɛ nu koso ɛserɛ hane yɛ.

Galatiafoɛ 4:20

Ɔhale me ngome a, ahaa nwɔ ɛmɔ berɛ kekesaala ye, na manwu kyɛbɔ nzi nga ye ɔ, ofikyɛ m’adwene nzi me pi wɔ ɛmɔ nwo!

1 Samuel 28:15

Afei Samuel bisale Sɔɔlo kyɛ, “Nzu ati yeɛ agyegye me amaa mafi ɛborɔ dɔ mawa ɔ”? Na Sɔɔlo buale kyɛ, “Edwirɛ piri paa ato me, ofikyɛ Filistifoɛ afa koɛ batoa me. Nakoso Nyameɛ ayakyi me nu, na ɔmva ngɔmhyɛlɛfoɛ so anaa laleɛ nu mmua me ko. Yiti yeɛ mafrɛ wɔ kyɛ eehyire me bɔ nyɔ ɔ.”

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.

1 Samuel 31:4

Na Sɔɔlo sele ye somvoɛ bɔ otira ye akodeɛ ne kyɛ, “Twe wɔ ngrandɛ ne fa wɔ me. Anyɔ a, mmenia hemɔ bɔ bɛmbɛ bɛ bienzua ye, bɛkɔɔfa bie bɛkɔwɔ me ná bagoro me nwo.” Nakoso ye somvoɛ bɔ otira ye akodeɛ ne ambene so kyɛ ɔkɔyɔ sɔ ɔ, ofikyɛ ɛserɛ piri hane ye. Yiti Sɔɔlo fale ye bɔbɔ ye ngrandɛ ne, na ɔtole ye nwo yele so huni ye nwo.