2 Korintofoɛ 4:7 - AHYERƐLƐ KRONGRON

⁷ Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

2 Korintofoɛ 4:7 Iomraidhean Croise

YOB NWOMAA NE 10:9

Kaye kyɛ ɛfale nnɛterɛ yeɛ ɛnwone me ɔ; na ɛkɔmaa ngosa ngɔkakyi nnɛterɛ anaa?

YOB NWOMAA NE 33:6

Nea, Nyameɛ nyunu de, nde kyɛ wɔ ala, me koso nnɛterɛ yeɛ ɔfa nwone me ɔ.

YOB NWOMAA NE 4:19

né nzaade, dasaniɛ bɔ bɛfale nnɛterɛ bɛnwone ye, bɔ ofi mvuture nu, bɔ betia ye so bɛbɛtɛ ye kyɛ mvrɔlɔ ne, ye de ogyi ye sɛ?

Awuye 4:2

Sion mma mmienzua titire, bɔ bɛfa bɛ bɛtoto esikaa kɔkorɛ paa nwo ɔ, ɔwale ye sɛ bɔ bebu bɛ kyɛ ngukue bɔ bafa nnɛterɛ banwo ɔ, bɔ ɔte ngukuenwonɛniɛ ye sa noa adwuma ɔ!

Mateo 13:44

“Nyameɛso ahennie ne, ɔte kyɛ agyapadeɛ bie bɔ bafa bafea fie bie aso, bɔ ebie oonwuni ye fa feale, ná ye fɛɛ bɔ ɔyɛle ye ne ati, ɔɔtɔnene ye agyapadeɛ amukoraa fa tɔle fie ne ɔ.

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

1 Korintofoɛ 1:28

na ewiase nningyein bɔ ye nwo olle mvasoɛ, ɔne bɔ bemmu ye ne yeɛ Nyameɛ waneanea nu waye ɔ, yeɛ nningyein bɔ ɔnne berɛ ɔ, kyɛ ɔfa sɛkye bɔ ewiase bu ye kyɛ ye nwo hia ne,

2 Korintofoɛ 10:10

ofikyɛ mmenia kekã kyɛ, “Ye ngrataa te anwunanwuna na nu sa yɛ se, nakoso sɛ ɔba wa a, ye noa yɛ mmerɛ, yeɛ ye noa dwirɛ koso mbɛ asue.”

2 Korintofoɛ 13:4

Ɔwɔ nu kyɛ bɛbɔle ye mmeamudua nu wɔ mmerɛyɛlɛ nu de, nakoso ɔnate Nyameɛ tumi so ɔte ase. Yɛ koso, yɛyɛ mmerɛ wɔ ye nu, nakoso yɛnate Nyameɛ tumi so yɛne ye kɔtena ase.

2 Korintofoɛ 4:1

Ye sɔ ti, kyɛ Nyameɛ wanwu yɛ anwumvoin wafa ɛsom he wawura yɛ sa ye, yɛngɔpa aba.

2 Korintofoɛ 5:1

Na yɛse kyɛ sɛ yɛ aseɛ ye aso ɛtena sua ne sɛkye a, yɛkonya awuro bɔ ofi Nyameɛ berɛ, bɔ nna sona yeɛ osili ɔ, bɔ ɔwɔ nyameɛso afebɔɔ.

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

Ɛfesofoɛ 2:5

wama yɛ bɔ ahaa yɛte awufoɛ wɔ mvomsoɛ nu ne yɛne Kristo yanya ngoa, (adom yeɛ bafa bale ɛmɔ ngoa ɔ.)

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 2:12

Besiele ɛmɔ ne Kristo wɔ asubɔlɛ nu, na ɔnate ɛmɔ gyidie wɔ Nyameɛ tumi dwumadie bɔ ɔfa tingyele ye fili ewue nu ne ati, batingye ɛmɔ ne ye koso.

Kolosefoɛ 2:3

Na ye nu yeɛ bafa nworɛ ne nimdeɛ agyapadeɛ mukoraa basie ɔ.

1 Tɛsalonikafoɛ 1:5

Ofikyɛ, nna yɛ noa dwirɛ ngome so yeɛ yɛnate yɛfale nzɛmba ne yɛbrɛle ɛmɔ ɔ; na mmom yɛnate tumi ne Sunzum Krongron koso so yeɛ yɛfa yɛbrɛle ɛmɔ ɔ, na yɛse ye pefee kyɛ nzɛmba ne te nahorɛ. Na ɛmɔse kyɛbɔ ɔnate ɛmɔ ti yɛsi yɛbɔle yɛ bra wɔ mmerɛ bɔ né yɛwɔ ɛmɔ berɛ ne ɔ.

1 Tɛsalonikafoɛ 4:4

kyɛ ɛmɔ nu biala konwu kyɛ okogya ɔye wɔ anwotelɛ ne anidie nu,

2 Timoteo 2:20

Nna esikaa kɔkorɛ ne ɛdwetɛ nningyein ngome yeɛ bɛwɔ awuro piri nu ɔ, na mmom mmakaa ne ɛfaa deɛ koso wɔ nu bie. Bɛfa anidie bɛma bɛ nu biemɔ, yeɛ ebiemɔ de bɛmva anidie bɛmma bɛ.

Maenbulɛfoɛ 7:2

Na AWURADE sele Gideon kyɛ, “Koɛhonɛfoɛ bɔ bɛboka wɔ so bɔ mepena kyɛ mefa Midianfoɛ mewura bɛ sa ne, bɛsone soma. Ɔba ye sɔ a, Yisrael kɔhoahoa ye nwo kohyire me, ná waha kyɛ, ‘Me bɔbɔ m’anwoserɛ yeɛ wapepɛ wale me ɔ.’