2 Korintofoɛ 4:6 - AHYERƐLƐ KRONGRON

⁶ Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

2 Korintofoɛ 4:6 Iomraidhean Croise

Gyenesise 1:3

Na Nyameɛ hane kyɛ, “Ɔ́ta hyireinn!” Na ɔtale hyireinn.

Edwein 63:2

Amba, manwu wɔ wɔ nekaa krongron berɛ, bɔ menea wɔ tumi ne w’animnyam ɔ.

Edwein 74:16

Alehyeleɛ te wɔ deɛ, yeɛ alesaleɛ koso te wɔ deɛ; ɛsraen ne eyia koso, wɔ yeɛ ɛfale bɛ tuatuale berɛ ɔ.

Edwein 90:16

Ma wɔ somvoɛ mɔ benwu wɔ nnwumaa, w’animnyam ne, ye ye ali kyire bɛ mma mɔ.

Yesaya 35:2

Ɔkɔbɔ nyerɛen pee, na ɔkɔfa anika kɔto dwein koli ahurusi. Bɛkɔfa Lebanon animnyam ne bɛkɔma ye, Kamɛl ne Saron nyemene ne, bɛ yeɛ bekonwu AWURADE animnyam ne, yɛ Nyameɛ tumi ne ɔ.

Yesaya 40:5

Na AWURADE animnyam ne kɔla ali, na anwoɔnaen amukoraa kɔbɔ nu konwu ye, ofikyɛ AWURADE noa dwirɛ ɛne.”

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yesaya 60:2

Tie, ɔwɔ nu kyɛ awosii kɔkata aseɛ so, ná awosii kabii amundu so ama so de, nakoso wɔ de, AWURADE kopukye wɔ so, na ye animnyam ne kɔla ye nwo ali wɔ wɔ so.

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 11:40

Yeɛ Yesu sele ye kyɛ, “Manga mangyire wɔ kyɛ, sɛ ede di a ekonwu Nyameɛ animnyam?”

Yohane 12:41

Yesaya hane sɔ, ofikyɛ onwuni ye animnyam, na ɔhane ye nwo dwirɛ.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

1 Korintofoɛ 12:8

Sunzum ne ma sona ko kã nworɛ dwirɛ, né Sunzum komapɛ ne ala abukye sona foforɛ adwene nu ama ye nimdeɛ.

2 Korintofoɛ 2:10

Na sona bɔ ɛmɔkɔfa ye nwo bɛkɔhyɛ ye ne, me koso mefa mekyɛ ye. Na sɛ mafa edwirɛ bie mahyɛ a, sona bɔ mva ngyɛle ye ne, ɔnate ɛmɔ ti yeɛ mafa mahyɛ ye wɔ Kristo nyunu ɔ;

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Ɛfesofoɛ 1:17

kyɛ y’Awurade Yesu Kristo Nyameɛ, bɔ ɔte animnyam Baba ne, ɔ́ma ɛmɔ nworɛ ne nyekyire sunzum wɔ ye nwo nimdeɛ nu,

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

Filipifoɛ 2:6

Ye bɔ ɔwɔ Nyameɛ tebea nu de, nakoso wambere wanyɛ ye nwo kyɛ ɔne Nyameɛ bɛte pɛ ɔ,

Kolosefoɛ 1:15

Ye yeɛ ɔte Nyameɛ bɔ anyeɛ onnwu ye ne ye sɛso ɔ, abɔdeɛ amukoraa nu farebae.

1 Tɛsalonikafoɛ 2:12

kyɛ ɛmɔbɔ bra bɔ ɔsɔ Nyameɛ bɔ wafrɛ ɛmɔ kyɛ ɛmɔɔnya kyɛfa wɔ ye Ahennie ne ye animnyam nu ne nye.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 6:4

Na ɔngɔhora ngɔwa kyɛ bɛ bɔ mmerɛ bie bɛwale kanea ne anu, bɔ benyane nyameɛso akyɛdeɛ ne, bɔ bɛ sa hane Sunzum Krongron ne bie,

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.