2 Korintofoɛ 4:4 - AHYERƐLƐ KRONGRON

⁴ Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

2 Korintofoɛ 4:4 Iomraidhean Croise

1 Ahemvo 22:22

Na AWURADE bisale ye kyɛ: Ɛyɛ sɛɛ né alakalaka ye?’ Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔpɛ anoanu.’ Yeɛ AWURADE sele kyɛ, ‘Kɔ na kɔlakalaka ye, na wɔ sa kɔhã yeɛ kɔ na kɔyɔ ye sɔ ala.’

Edwein 50:2

Sion bɔ ye anwonyemene di mu ne, Nyameɛ ta hyireinn fi berɛ.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 12:31

Afei ewiase ndɛenbualɛ ne wadwu; bɔ odi wiase he aso ne, bekye yeɛ bɛbaaye ye befi berɛ ɔ.

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 12:40

“Wasi bɛ nye, na wama b’adwene ala, ná bamva bɛ nye bannwu nikye, ná bamva b’adwene bande ye bo, na banza bamma ma manza bɛ anwonyerɛ.”

Yohane 12:45

Na ebiala bɔ onwu me ne, onwu bɔ ɔsomane me ne.

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 16:11

ndɛenbualɛ nwo, ofikyɛ Nyameɛ abua bɔ odi wiase he aso ne ndɛen dada.

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Asomafoɛ 26:23

kyɛ Kristo ne konwu amaneɛ okoli moa kodwɔso kofi awufoɛ nu ná wabɔ kanea ne nwo dawure wahyire Yudafoɛ ne Amaenmaensofoɛ.”

1 Korintofoɛ 10:20

Mekyire kyɛ aleɛ bɔ bosoensolɛfoɛ bɛfa bɛbɔ afɔleɛ ne, bɛfa bɛma sunzummɔne mɔ, na bɛmva bɛmma Nyameɛ; yiti menguro kyɛ ɛmɔ ne sunzummɔne mɔ kɔbɔ afɛ ɔ.

2 Korintofoɛ 2:11

amaa Abɔnzam anni yɛ aminɛ, ofikyɛ yɛse ye atee bɔ ɔnate so ɔ.

2 Korintofoɛ 2:12

Mmerɛ bɔ ngɔle Troase kyɛ mekwaahã Kristo nzɛmba nen, Awurade bukyele atee mane me.

2 Korintofoɛ 3:11

Na sɛ bɔ ogu so ɔpɛ nu kɔ ne nyane animnyam a, nzaade bɔ ɔwɔ berɛ afebɔɔ n’animnyam bo so koraa.

2 Korintofoɛ 3:14

Nakoso b’adwene lili naakye, bɔ ɛnɛ ne ɛnɛ ye po sɛ bɛkenga apam daa ne a, ngatanyunu komapɛ ne ala tɛwɔ berɛ bɔ bennya bɛyyele ɔ, ofikyɛ sana Kristo nu angome yeɛ ngatanyunu ne ye fi berɛ ɔ.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Filipifoɛ 2:6

Ye bɔ ɔwɔ Nyameɛ tebea nu de, nakoso wambere wanyɛ ye nwo kyɛ ɔne Nyameɛ bɛte pɛ ɔ,

Kolosefoɛ 1:15

Ye yeɛ ɔte Nyameɛ bɔ anyeɛ onnwu ye ne ye sɛso ɔ, abɔdeɛ amukoraa nu farebae.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

1 Timoteo 1:11

kyɛbɔ saleɛ Nyameɛ animnyam nzɛmba bɔ bafa bawura me sa ne ɔte ne.

Tito 2:13

wɔ mmerɛ bɔ yɛnwondɛ anyelasoɛ bɔ ɔte saleɛ, bɔ ɔte yɛ Nyameɛ piri ne yɛ Ngoadefoɛ Yesu Kristo animnyam walɛ ne ɔ.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 6:4

Na ɔngɔhora ngɔwa kyɛ bɛ bɔ mmerɛ bie bɛwale kanea ne anu, bɔ benyane nyameɛso akyɛdeɛ ne, bɔ bɛ sa hane Sunzum Krongron ne bie,

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.

1 Yohane 2:11

Nakoso ebiala bɔ ɔpɔ oliɛma ne te awosii nu, ɔnate awosii nu, na ɔnze nekaa bɔ ɔkɔ ɔ, ofikyɛ awosii ne ama ye nye asi.

1 Yohane 2:8

Nakoso ɛnea a, ahyɛdeɛ foforɛ yeɛ mekyerɛ mebrɛ ɛmɔ ɔ, na ɔte nahorɛ wɔ ye nu ne ɛmɔ nu; ofikyɛ awosii ne gu so ɔpɛ nu kɔ, na nahorɛ kanea ne ata dada.

1 Yohane 5:19

Yɛse kyɛ yɛte Nyameɛ deɛ, yeɛ ewiase amukoraa wura bɔnefoɛ ne bo.