2 Korintofoɛ 4:10 - AHYERƐLƐ KRONGRON

¹⁰ Daa biala, yɛsoa Awurade Yesu wue ne wɔ yɛ nipadua nu, amaa ɔnate so Yesu sue ne koso ala ali wɔ yɛ nipadua nu.

2 Korintofoɛ 4:10 Iomraidhean Croise

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Romanfoɛ 6:5

Sɛ yɛne ye ayɛ ko wɔ ye wue nu de a, sɔ ala yeɛ yɛne ye kɔyɛ ko wɔ ye wutingyelɛ nu ɔ.

Romanfoɛ 6:8

Yiti sɛ yɛne Kristo awu de a, nzaade yɛde yɛdi kyɛ yɛne ye kɔtena ngoa nu koso.

Romanfoɛ 8:36

Ofikyɛ bahyerɛ kyɛ, “Ɔnate wɔ ti beku yɛ daa biala; na bebu yɛ kyɛ mmoaen bɔ bɛkwaahũ bɛ ɔ.”

2 Korintofoɛ 1:5

Na kyɛbɔ yɛnwu Kristo amaneɛ worawora ne bie ne, sɔ ala yeɛ yɛnate Kristo so yɛnya aworakyekyerɛ mmorosoɛ ɔ.

2 Korintofoɛ 1:9

Yɛ bɔbɔ ala yɛtele nga wɔ yɛ nu kyɛ yawu yayie, nakoso ɛhe maa yamva yɛ nwo yando yɛ nwo so; na mmom yɛfale yɛ nwo yɛtole Nyameɛ bɔ otingye awufoɛ ne so.

2 Korintofoɛ 13:4

Ɔwɔ nu kyɛ bɛbɔle ye mmeamudua nu wɔ mmerɛyɛlɛ nu de, nakoso ɔnate Nyameɛ tumi so ɔte ase. Yɛ koso, yɛyɛ mmerɛ wɔ ye nu, nakoso yɛnate Nyameɛ tumi so yɛne ye kɔtena ase.

2 Korintofoɛ 4:11

Ofikyɛ mmerɛ bɔ yɛte ase ye de, ɔnate Yesu ti daa biala bɛma ewue di yɛ mvanvando, amaa ɔnate so Yesu ngoa ne koso ala ali wɔ yɛ nwonaen bɔ owu ne anu.

Galatiafoɛ 6:17

Ofi ɛnɛ bɔ ɔkɔ ɔ, nnɛma ebiala ha me; ofikyɛ manya Yesu etwa wɔ me nipadua nwo.

Kolosefoɛ 1:24

Na afei, ɔnate ɛmɔ ti me nye gye wɔ m’amaneɛnwunɛ nu; na menya Kristo amaneɛnwunɛ ne anu kyɛfa wɔ me nwonaen nu mema ye nipadua ne, bɔ ɔte asɔre ne.

2 Timoteo 2:11

Nahorɛ dwirɛ ɛhe: “Sɛ yɛne ye yawu a, yɛne ye yɛkɔtena ase koso;

1 Petro 4:13

Na mmom, ɛ́mɔma ɔyɛ ɛmɔ fɛ kyɛ ɛmɔnwu Kristo amaneɛ ne bie ɔ, amaa sɛ bɛye ye animnyam ne ali a, ɛmɔ koso ɛmɔali ahurusi ná ɛmɔ nye agye.

1 Petro 4:14

Na sɛ ɔnate Kristo dumaa ti bɛbɔ ɛmɔ alapaa a, ɔte saleɛ ma ɛmɔ; ofikyɛ animnyam sunzum, Nyameɛ sunzum ne, ɔwɔ ɛmɔ so.

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,