2 Korintofoɛ 3:9 - AHYERƐLƐ KRONGRON

⁹ Na sɛ ɛsom bɔ obua mmenia foɛ ne le animnyam a, nzaade ɛsom bɔ ɔma mmenia yɛ tenenee n’animnyam kɔbo so koraa!

2 Korintofoɛ 3:9 Iomraidhean Croise

Yesaya 46:13

Mama me tenenee ne apingye, ɔnne dede koraa, me ngoalelɛ ne, ɔngɔhyɛ né wawa. Ngɔma ngoalelɛ kɔwa Sion, na ngɔma m’animnyam kɔwa Yisrael so.”

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Romanfoɛ 4:11

Na bɛpɛle ye bienzua maa ɛhe yɛle sɛngyerɛnneɛ ne nzorɛhyɛlɛ bɔ ɔnate gyidie so onyane ye wɔ mmerɛ bɔ né bennya bɛppɛle ye bienzua ɔ. Na ɛhe kyire kyɛ, ebiala bɔ ɔte gyidiniɛ bɔ bennya bɛppɛle ye bienzua ne, Abraham te ye nana, amaa ɔnate so babu bɛ tenenee.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 15:41

Eyia animnyam ngome, yeɛ ɛsraen animnyam koso ngome. Nzramaa mɔ koso b’animnyam gua ahoroɔ, ofikyɛ asora nzramaa biala ne ye animnyam.

2 Korintofoɛ 3:8

ye de ɔkɔyɛ sɛɛ bɔ Sunzum nu ɛsom ne ngonya animnyam bɔ ɔtra so ɔ?

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 3:10

Na ebiala bɔ mmeraa ne aso lilɛ so yeɛ ɔfa ye nwo to ne, ye yaakɔ! Ofikyɛ bahyerɛ kyɛ, “Ebiala bɔ onni nikyee biala so kyɛbɔ bahyerɛ ye wɔ mmeraa nwomaa ne anu, ná ɔnyɔ ne, ye yaakɔ!.”

Deuteronomi 27:26

“ ‘Musue tó sona biala bɔ onne mmeraa he anu dwirɛ ndo nu kyɛ okoli so ɔ.’ Na mmenia ne amukoraa kosuro so kyɛ, ‘Amen!’

Filipifoɛ 3:9

amaa wanwu me wɔ ye nu, kyɛ me de, nnne me bɔbɔ me tenenee bɔ ofi mmeraa ne anu ɔ, na mmom bɔ ɔnate Kristo nu gyidie so ɔba ɔ, tenenee bɔ ofi Nyameɛ berɛ, bɔ ɔnate gyidie so ɔ.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.