2 Korintofoɛ 3:7 - AHYERƐLƐ KRONGRON

⁷ Ewue nwo ɛsom bɔ bɛhyerɛ beguale nyɔboɛ so ne mane animnyam kandinga ma yiti Yisraelfoɛ bangora bannea Mose nyunu ɔnate kyɛ né ɔta hyireinn ne, ɔwɔ nu kyɛ né sɔ animnyam ne okyikyi. Sɛ ye sɔ de a,

2 Korintofoɛ 3:7 Iomraidhean Croise

Gyenesise 3:21

Na AWURADE Nyameɛ fale nwomaa pombale ɛtena mane Adam ne ɔye maa bɛherale.

Nehemia 9:13

Edwu wale Sinai bokaa ne aso, na ɛne bɛ dwudwole fili nyameɛso, na ɛmane bɛ tenenee nhyehyɛleɛ, mmeraa turoloo, yeɛ ahyɛdeɛ ne mmeraa dwirɛ bɔ ɔte paa ɔ.

Edwein 119:174

Ao AWURADE, me wora adɔ wɔ ngoalelɛ ne, ofikyɛ wɔ mmeraa yeɛ ɔte m’anigye ɔ.

Edwein 119:97

Ao, kyɛbɔ mesi mekuro wɔ mmeraa ne ɔ! Ye nwo yeɛ medwenedwene daa ɔ.

Ɛksadɔso 24:12

Na AWURADE sele Mose kyɛ, “Fo bra me nwo faen wɔ bokaa ye aso, ná kɔnwondɛ berɛ. Na ngɔfa nyɔboɛ taataa ne, ɔne mmeraa ne mmeraa dwirɛ bɔ mahyerɛ kyɛ bɛfa behyirehyire bɛ ne ngɔma wɔ.”

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 32:19

Mmerɛ bɔ Mose pingyele asikyeleɛ ne, ná onwuni nandwie ba ne ne abiliegolɛ pɛ, ye ahone huli paa, na ogyili nyɔboɛ taataa (nyɔ) bɔ otira ye ne guale bokaa ne nye abo berɛ maa nu bubuli.

Ɛksadɔso 34:1

AWURADE sele Mose kyɛ, “Se nyɔboɛ taataa nyɔ bɔ ɔte kyɛ daa deɛ ne ala, na edwirɛ bɔ ɔwɔ daa deɛ bɔ ebubuli ye ne aso ne, ngɔhyerɛ ngogua so.

Asomafoɛ 6:15

Badwafoɛ ne amukoraa neane Setefano haa, na benwuni kyɛ ye nyunu ayɛ kyɛ abɔfo nyunu.

Romanfoɛ 10:4

Na ɔnate kyɛ Kristo di mu tra mmeraa ne ati, amaa ɔnate so ebiala bɔ ode di ne babua ye be.

Romanfoɛ 4:15

Mmeraa ne twetwe ahonehulɛ piri ne ba, na nekaa bɔ mmeraa nne berɛ nen, mmeraatolɛ nne berɛ.

Romanfoɛ 5:20

Mmeraa ne de ɔwale maa bɔne trɛle, nakoso nekaa bɔ bɔne trɛle nen, Nyameɛ adom ne trɛle maa ɔbole so.

Romanfoɛ 7:10

Afei mmeraa bɔ ɔsɛ kyɛ ɔfa ngoa ba ne, ɔfale ewue brɛle me.

Romanfoɛ 7:22

Ofikyɛ me nye gye Nyameɛ mmeraa nwo wɔ me nu paa.

Romanfoɛ 7:5

Mmerɛ bɔ né yɛwɔ anwoɔnaen nu ne de, yɛ bɔne akɔnnɔdeɛ bɔ mmeraa ne kanyane ye ne, ɔyɔle adwuma wɔ yɛ nwonaen akwaa nu osuli mmaa hɔle ewue.

1 Korintofoɛ 13:10

nakoso bɔ odi mu ne ba a, bɔ onni mu ne kotu komini.

2 Korintofoɛ 3:3

na ɔda ali pefee kyɛ ɛmɔte Kristo krataa bɔ ɔnate yɛ dwumadie so wahyerɛ ɔ. Wamva ayirebire, na mmom ɔfale Nyameɛ teasefoɛ Sunzum yeɛ ɔhyerɛle ɔ. Nna nyɔboɛ poen so, na mmom sona ahone poen so yeɛ ɔhyerɛle ɔ.

2 Korintofoɛ 3:6

Ye yeɛ wamaa yafata kyɛ yɛyɛ apam foforɛ ne nwo asomvoɛ ɔ, nna mmeraa bɔ bahyerɛ ɔ nu, na mmom Sunzum nu, ofikyɛ bɔ bahyerɛ ne ma ewue, nakoso Sunzum ne de ɔma ngoa.

2 Korintofoɛ 3:8

ye de ɔkɔyɛ sɛɛ bɔ Sunzum nu ɛsom ne ngonya animnyam bɔ ɔtra so ɔ?

Galatiafoɛ 3:10

Na ebiala bɔ mmeraa ne aso lilɛ so yeɛ ɔfa ye nwo to ne, ye yaakɔ! Ofikyɛ bahyerɛ kyɛ, “Ebiala bɔ onni nikyee biala so kyɛbɔ bahyerɛ ye wɔ mmeraa nwomaa ne anu, ná ɔnyɔ ne, ye yaakɔ!.”

Galatiafoɛ 3:21

Aso ɛhe kyire kyɛ mmeraa ne tia Nyameɛ bɔhyɛ nemɔ anaa? Dabida! Ofikyɛ sɛ bɛmane sona mmeraa bie bɔ ɔkora ma daa ngoa de a, nzaade ahaa ɔte amba kyɛ sona nate mmeraa so yeɛ ɔyɛ tenenee ɔ.

Deuteronomi 4:13

Na ye apam, bɔ ye ole mmeraa dwirɛ buru ne, ɔha hyirele ɛmɔ. Ɔhyɛle ɛmɔ kyɛ ɛmɔli so, na ɔhyerɛle bɛ guale nyɔboɛ taataa nyɔ so.

Deuteronomi 4:8

Aso maen titire foforɛ bie wɔ berɛ, bɔ ole ahyɛdeɛ ne nhyehyɛleɛ bɔ ɔtengyɛ kyɛ sɔ mmeraa he amukoraa bɔ méfa méma ɛmɔ ɛnɛ ye ɔ?

Deuteronomi 5:22

Sɔ dwirɛ hemɔ, AWURADE fale komviɛ piri dwudwo hyirele ɛmɔ maen ye amukoraa wɔ see ne anu, wɔ munungum ne anu, ɔne awosii kabii ne anu wɔ bokaa ne aso; na wamva edwirɛ biala wammoka so. Ɔhyerɛle bɛ guale nyɔboɛ taataa nyɔ so yeɛ ɔfa mane me ɔ.

Deuteronomi 9:15

Yiti ngakyili me nwo ndwu mvili bokaa ne aso male ase. Né see la bokaa ne anu, na né ndira apam nyɔboɛ taataa nyɔ ne wɔ me sa nyɔ nu.

Hebrifoɛ 12:18

Nna bokaa bɔ bɛfa bɛ sa bɛkã ye ne anwo yeɛ ɛmɔawa ɔ: bokaa bɔ né ogye see ne, nekaa bɔ né awosii kabii ne munungum ne mvrama piri wɔ ne,

Hebrifoɛ 3:3

Na kyɛbɔ suasilɛfoɛ le animnyam paa tra sua nen, sɔ ala koso yeɛ Yesu le animnyam tra Mose ɔ.

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.