2 Korintofoɛ 3:6 - AHYERƐLƐ KRONGRON

⁶ Ye yeɛ wamaa yafata kyɛ yɛyɛ apam foforɛ ne nwo asomvoɛ ɔ, nna mmeraa bɔ bahyerɛ ɔ nu, na mmom Sunzum nu, ofikyɛ bɔ bahyerɛ ne ma ewue, nakoso Sunzum ne de ɔma ngoa.

2 Korintofoɛ 3:6 Iomraidhean Croise

Yeremia 31:31

“Tie, mmerɛ bie ɔ́ba bɔ me ne Yisrael awuro ama ne Yuda awuro ama yɛkɔyɛ apam foforɛ, AWURADE noa dwirɛ ɛne.

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Marko 14:24

Na osele bɛ kyɛ, “Ɛhe te me mogya bɔ ɔte apam foforɛ mogya bɔ mmenia pee ti béhwie bégua ɔ.

Luka 22:20

Sɔ ala yeɛ bedidili beyiele ne, ɔfale kulie, na ɔhane kyɛ, “Kulie he bɔ ɛmɔ ti béhwie bégua ye, ɔte apam foforɛ wɔ me mogya nu.

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Yohane 6:63

Sunzum ne yeɛ ɔma ngoa ɔ; na anwoɔnaen ne de, ɔtte huu. Edwirɛ bɔ mahã mahyire ɛmɔ ne, ɔte sunzum ne ngoa.

Romanfoɛ 1:5

bɔ ɔnate ye so yeɛ yanya adom ne asomafoɛ adwuma bɔ yɛfa yɛma amaen maen mukoraa bɛyɛ sotie wɔ gyidie ne dumaa ne anwo,

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Romanfoɛ 4:15

Mmeraa ne twetwe ahonehulɛ piri ne ba, na nekaa bɔ mmeraa nne berɛ nen, mmeraatolɛ nne berɛ.

Romanfoɛ 4:17

kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana.

Romanfoɛ 7:6

Na afei de, bale yɛ bafi mmeraa ne abo, ofikyɛ bɔ daa ne ɔfale yɛ yɛle ngoaa nen, kekesaala ye de olle yɛ so tumi ko. Yiti yɛwwura daa mmeraa bɔ bɛhyerɛle ne abo ko, na mmom yɛwura Sunzum nu ngoa foforɛ ne abo.

Romanfoɛ 8:2

Ofikyɛ Kristo Yesu nu ngoa Sunzum mmeraa ne, wapepɛ wale me wafi bɔne ne ewue mmeraa ne anu.

1 Korintofoɛ 11:25

Sɔ ala yeɛ bedidi beyiele nen, ɔfale kulie ne, na ɔhane kyɛ, “Kulie he te apam foforɛ me mogya nu; mmerɛ biala bɔ ɛmɔkɔno ne, ɛ́mɔyɔ he bɛ́fa bɛ́kaye me.”

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

1 Korintofoɛ 15:45

Ofikyɛ bahyerɛ kyɛ, “Adam bɔ oli moa ne ɔɔyɛle ɛkra teasefoɛ;” na Adam bɔ oli nziɛ ne ɔɔyɛle sunzum bɔ ɔma ngoa ɔ.

1 Korintofoɛ 3:10

Ɔnate kyɛ Nyameɛ ama me adom ne ati, ndole fapem kyɛ suasilɛniɛ nimdeɛniɛ, na sona foforɛ koso ɔ́to bie toa so. Na ebiala bɔ ɔto bie toa so ne, ɔnea kyɛ ɔkɔto ye yé ɔ.

1 Korintofoɛ 3:5

Pɔɔlo te nzu? Apolo te nzu? Yɛte Nyameɛ ngoaa bɔ ɛmɔnate yɛ so bele belili ɔ, na yɛ nu ko biala le adwuma kyɛbɔ Awurade afa awura ye sa ɔ.

2 Korintofoɛ 11:23

Bɛte Kristo asomvoɛ anaa? Medwudwo kyɛ ebiaa nnne adwene de oo, metra bɛ: mayɔ adwuma serɛ matra bɛ, mala kuku nu somaa matra bɛ, babo me pee batra bɛ, yeɛ ewue ato afo me pee atra bɛ.

2 Korintofoɛ 3:14

Nakoso b’adwene lili naakye, bɔ ɛnɛ ne ɛnɛ ye po sɛ bɛkenga apam daa ne a, ngatanyunu komapɛ ne ala tɛwɔ berɛ bɔ bennya bɛyyele ɔ, ofikyɛ sana Kristo nu angome yeɛ ngatanyunu ne ye fi berɛ ɔ.

2 Korintofoɛ 3:3

na ɔda ali pefee kyɛ ɛmɔte Kristo krataa bɔ ɔnate yɛ dwumadie so wahyerɛ ɔ. Wamva ayirebire, na mmom ɔfale Nyameɛ teasefoɛ Sunzum yeɛ ɔhyerɛle ɔ. Nna nyɔboɛ poen so, na mmom sona ahone poen so yeɛ ɔhyerɛle ɔ.

2 Korintofoɛ 3:7

Ewue nwo ɛsom bɔ bɛhyerɛ beguale nyɔboɛ so ne mane animnyam kandinga ma yiti Yisraelfoɛ bangora bannea Mose nyunu ɔnate kyɛ né ɔta hyireinn ne, ɔwɔ nu kyɛ né sɔ animnyam ne okyikyi. Sɛ ye sɔ de a,

2 Korintofoɛ 3:9

Na sɛ ɛsom bɔ obua mmenia foɛ ne le animnyam a, nzaade ɛsom bɔ ɔma mmenia yɛ tenenee n’animnyam kɔbo so koraa!

Galatiafoɛ 3:21

Aso ɛhe kyire kyɛ mmeraa ne tia Nyameɛ bɔhyɛ nemɔ anaa? Dabida! Ofikyɛ sɛ bɛmane sona mmeraa bie bɔ ɔkora ma daa ngoa de a, nzaade ahaa ɔte amba kyɛ sona nate mmeraa so yeɛ ɔyɛ tenenee ɔ.

Ɛfesofoɛ 2:1

Na ɛmɔ de, ahaa ɛmɔte awufoɛ wɔ mvomsoɛ ne bɔne nu,

Ɛfesofoɛ 2:5

wama yɛ bɔ ahaa yɛte awufoɛ wɔ mvomsoɛ nu ne yɛne Kristo yanya ngoa, (adom yeɛ bafa bale ɛmɔ ngoa ɔ.)

Ɛfesofoɛ 3:7

Na nzɛmba he anwo yeɛ bayɛ me somvoɛ ɔ, kyɛbɔ Nyameɛ adom akyɛdeɛ bɔ ɔnate ye tumi adwumayɔlɛ so wafa walo me ne ɔte ne.

Deuteronomi 27:26

“ ‘Musue tó sona biala bɔ onne mmeraa he anu dwirɛ ndo nu kyɛ okoli so ɔ.’ Na mmenia ne amukoraa kosuro so kyɛ, ‘Amen!’

1 Timoteo 4:6

Sɛ ɛfa sɔ ngyerɛkyerɛ hemɔ ekyire aliɛmaa nemɔ a, ɛkɔyɛ Kristo Yesu somvoɛ paa bɔ bafa gyidie nwo dwirɛ ne ngyerɛkyerɛ paa bɔ eli ye si ne batete ye ɔ.

2 Timoteo 1:11

Na nzɛmba he ati yeɛ babɔ me dumaa bayɛ me nzɛmbahanɛniɛ ne somafoɛ ne kyerɛkyerɛniɛ ɔ.

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

Hebrifoɛ 7:22

Na ɛhe ma Yesu di apam bɔ odi mu tra so ɔ nu agyinamuɛ.

Hebrifoɛ 8:13

Na sɛ Nyameɛ kã kyɛ “Apam foforɛ” a, né obu bɔ oli moa ne kyɛ wayɛ daa; yeɛ nikyee biala bɔ ye mmerɛ ogu so ɔpɛ nu ná ɔyɛ daa nen, ɔngyɛ né watu wamini.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;