2 Korintofoɛ 3:5 - AHYERƐLƐ KRONGRON

⁵ nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

2 Korintofoɛ 3:5 Iomraidhean Croise

Gyenesise 41:16

Yosef buale Faro kyɛ, “Nana, me de mengora ye bo kyire, na mmom Nyameɛ yeɛ ɔkɔma Faro nyeanoɛ paa ɔ.”

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Luka 24:49

Na ɛ́mɔtie, ngɔsoma me Baba bɔhyɛ ne maa ɔkɔwa ɛmɔ so; nakoso ɔsɛ kyɛ ɛmɔnwondɛ wɔ Yerusalem kuro ye anu, kodwu mmerɛ bɔ bɛkɔma ɛmɔ anwoserɛ bekofi anwuro ɔ.”

Yohane 15:5

“Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Romanfoɛ 15:18

Mengosi me hue mengɔhã nikyee biala nwo dwirɛ, sana bɔ Kristo nate me so wayɔ bɔ ɔma Amaenmaensofoɛ bɛyɛ sotie wɔ bɛ dwirɛ ne bɛ nnwumaa nu,

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 3:10

Ɔnate kyɛ Nyameɛ ama me adom ne ati, ndole fapem kyɛ suasilɛniɛ nimdeɛniɛ, na sona foforɛ koso ɔ́to bie toa so. Na ebiala bɔ ɔto bie toa so ne, ɔnea kyɛ ɔkɔto ye yé ɔ.

1 Korintofoɛ 3:6

Me de nnuale, yeɛ Apolo wora oguaguale so nzue ɔ, nakoso Nyameɛ yeɛ ɔmaa onyini ɔ.

2 Korintofoɛ 12:9

Nakoso obuale me kyɛ, “M’adom ne ala sone ma wɔ, ofikyɛ sona mmerɛyɛlɛ nu yeɛ me tumi ne ye ye nwo ali paa paa ɔ.” Yiti ngɔfa anika piri paa ngɔhoahoa me nwo wɔ me mmerɛyɛlɛ nu, amaa Kristo tumi ne wawura me nu.

2 Korintofoɛ 2:16

Sɔ ayirefona ne te ewue pambaen bɔ ɔkɔ wue nu ma ebiemɔ; nakoso ebiemɔ de, ɔte ngoa fona bɔ ɔkɔ ngoa nu ɔ. Na nwa yeɛ ɔfata ɛhemɔ ɔ?

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

2 Timoteo 2:2

Na bɔ ɛte fili me berɛ wɔ adanzefoɛ pee bɛ nyunu ne, fa wura mmenia bɔ bedi nahorɛ bɔ bɛkɔhora bekohyirehyire ebiemɔ koso ɔ bɛ sa.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.