2 Korintofoɛ 3:3 - AHYERƐLƐ KRONGRON

³ na ɔda ali pefee kyɛ ɛmɔte Kristo krataa bɔ ɔnate yɛ dwumadie so wahyerɛ ɔ. Wamva ayirebire, na mmom ɔfale Nyameɛ teasefoɛ Sunzum yeɛ ɔhyerɛle ɔ. Nna nyɔboɛ poen so, na mmom sona ahone poen so yeɛ ɔhyerɛle ɔ.

2 Korintofoɛ 3:3 Iomraidhean Croise

Edwein 40:8

Ao me Nyameɛ, bɔ mekuro ole kyɛ ngɔyɔ w’apɛdeɛ ɔ; wɔ mmeraa ne wɔ me ti anu.”

Edwein 42:2

Me kra wora dɔ Nyameɛ, ye wora dɔ Nyameɛ teasefoɛ ne. Kyinzu yeɛ ngɔwa ngoodwu Nyameɛ nyunu ɔ?

Edwein 84:2

Amba, me kra tena a ɔndena, na ye wora dɔ AWURADE awuro aluo berɛ ne; m’ahone ne me nwonaen bɛto Nyameɛ teasefoɛ ne anwo anigye dwein.

Ɛksadɔso 24:12

Na AWURADE sele Mose kyɛ, “Fo bra me nwo faen wɔ bokaa ye aso, ná kɔnwondɛ berɛ. Na ngɔfa nyɔboɛ taataa ne, ɔne mmeraa ne mmeraa dwirɛ bɔ mahyerɛ kyɛ bɛfa behyirehyire bɛ ne ngɔma wɔ.”

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 32:15

Yiti Mose kakyili ye nwo, na ɔfale Adanzeɛ nyɔboɛ taataa nyɔ ne tirale ye sa nu torotorole bokaa ne dwuli ase: nyɔboɛ taataa bɔ bahyerɛ ye bue nyɔ ne aso ne, bɔ bahyerɛ ye nyunu ne ye si ne.

Ɛksadɔso 34:1

AWURADE sele Mose kyɛ, “Se nyɔboɛ taataa nyɔ bɔ ɔte kyɛ daa deɛ ne ala, na edwirɛ bɔ ɔwɔ daa deɛ bɔ ebubuli ye ne aso ne, ngɔhyerɛ ngogua so.

Anyandera 3:3

Nnɛma pɛpɛɛpɛyɛlɛ ne nahorɛlilɛ bɛpa wɔ nwo, kyekye fa ya wɔ kɔme, ná kyerɛ ye wɔ w’ahone nu.

Anyandera 7:3

kyekye fa bɔ wɔ sa mmɛseka, ná kyerɛ ye wɔ w’ahone nu.

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Yeremia 17:1

Bafa buralɛ pɛn yeɛ bahyerɛ Yuda bɔne ɔ. Bafa pɛn ne noa bɔ ɔte dɛngyɛmmoɛ ne yeɛ bakurukyire ye wɔ b’ahone poen so ɔ, ɔne b’afɔleɛ mmokyea mmɛen nemɔ aso ɔ;

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Hesekiel 11:19

Na ngɔma bɛ ahone ko, ngɔfa sunzum foforɛ ngowura bɛ nu, ngɔye nyɔboɛ ahone ne ngofi bɛ nwonaen nu, na ngɔma bɛ anwoɔnaen ahone,

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

1 Korintofoɛ 3:5

Pɔɔlo te nzu? Apolo te nzu? Yɛte Nyameɛ ngoaa bɔ ɛmɔnate yɛ so bele belili ɔ, na yɛ nu ko biala le adwuma kyɛbɔ Awurade afa awura ye sa ɔ.

2 Korintofoɛ 3:6

Ye yeɛ wamaa yafata kyɛ yɛyɛ apam foforɛ ne nwo asomvoɛ ɔ, nna mmeraa bɔ bahyerɛ ɔ nu, na mmom Sunzum nu, ofikyɛ bɔ bahyerɛ ne ma ewue, nakoso Sunzum ne de ɔma ngoa.

2 Korintofoɛ 3:7

Ewue nwo ɛsom bɔ bɛhyerɛ beguale nyɔboɛ so ne mane animnyam kandinga ma yiti Yisraelfoɛ bangora bannea Mose nyunu ɔnate kyɛ né ɔta hyireinn ne, ɔwɔ nu kyɛ né sɔ animnyam ne okyikyi. Sɛ ye sɔ de a,

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Hebrifoɛ 10:16

“Awurade nwa nyoo: Sɛ sɔ ngyẽa ne pɛ nu a, apam bɔ me ne bɛ kɔhyehyɛ hɔ ɛhe: Ngɔfa me mmeraa ngowura b’ahone nu, na mahyerɛ ye wɔ b’adwene nu.”

Hebrifoɛ 8:10

Na sɔ ngyẽa ne asi ne, apam bɔ me ne Yisrael awuro ama yɛkɔhyehyɛ hɔ ɛhe, Awurade noa dwirɛ ɛne: Ngɔfa me mmeraa ngowura b’adwene nu, na mahyerɛ ye wɔ b’ahone nu, ngɔyɛ bɛ Nyameɛ, na bɛ wora bayɛ me mmenia.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Nyekyire 2:12

“Kyerɛ kɔma Pɛgamɔm asɔre ne anu abɔfo ne kyɛ, ‘Bɔ otira sɛpɔ nnaennaen ne, ye noa dwirɛ ɛhe:

Nyekyire 2:18

“Kyerɛ kɔma Tiatira asɔre ne anu abɔfo ne kyɛ, ‘Nyameɛ Awa ne, bɔ ye nye mmaa te kyɛ see bɔ ogye, bɔ ye gya nwo te kyɛ ayaa bɔ bahwi ye nwo nyemenenyemene ne, ye noa dwirɛ ɛhe:

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 3:1

“Kyerɛ kɔma Sadise asɔre ne anu abɔfo ne kyɛ: Bɔ ole Nyameɛ Sunzum nzoo ne nzramaa nzoo ne, ye noa dwirɛ ɛhe: Mese wɔ nnwumaa; ale dumaa kyɛ ɛte ase, nakoso awu.

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe:

Nyekyire 3:22

Bɔ ole asoɛ ne, maa otie bɔ Sunzum ne kã kyire asɔre nemɔ ne.

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”