2 Korintofoɛ 3:12 - AHYERƐLƐ KRONGRON

¹² Na ɔnate kyɛ yanya sɔ anyelasoɛ ne ati, yɛkora yɛsi y’ahone yɛdwudwo.

2 Korintofoɛ 3:12 Iomraidhean Croise

Yohane 10:24

Yeɛ Yudafoɛ nemɔ bɛɛpɛle ye nwo beyiale, na bebisale ye kyɛ, “Ɛkɔmaa yɛkɔnwondɛ yɛkoodwu kyinzu? Sɛ wɔ ole Kristo ne a, kã ye pefee kyire yɛ.”

Yohane 16:25

“Mahã ɛhemɔ mahyire ɛmɔ wɔ anyandera nu; na mmerɛ bie ɔ́ba bɔ mengodwudwo ngohyire ɛmɔ wɔ anyandera nu ko ɔ, na mmom ngɔhã Baba ne nwo dwirɛ ngohyire ɛmɔ pefee.

Yohane 16:29

Yeɛ ye asuafoɛ nemɔ sele ye kyɛ, “Ehee, afei de, edwudwo pefee, na endwudwo anyandera nu.

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 9:27

Nakoso Banaba fale ye hɔle asomafoɛ nemɔ berɛ, na ɔmaa benwuni kyɛbɔ Sɔɔlo si nwuni Awurade wɔ atunu, ɔne kyɛ odwudwo hyirele ye ɔ, ɔne kyɛbɔ osili ye ahone hane nzɛmba ne wɔ Yesu dumaa nu wɔ Damasko ɔ.

Asomafoɛ 9:29

Asa koso, ɔhane bie hyirele Yudafoɛ bɔ bɛkã Hela dwudwolɛ; ɔne bɛ suli aporowaa, na bɛyɛle kyɛ bekohũ ye.

1 Korintofoɛ 14:19

Nakoso asɔre sua nu de, mekuro kyɛ ngɔfa m’adwene ngɔhã edwirɛ nnu bɔ ɔkɔyɛ ngyerɛkyerɛ kɔma ebiemɔ tra kyɛ ngɔhã edwirɛ apee buru edwudwolɛ bɔ ebie nde ye bo nu.

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 3:11

Na sɛ bɔ ogu so ɔpɛ nu kɔ ne nyane animnyam a, nzaade bɔ ɔwɔ berɛ afebɔɔ n’animnyam bo so koraa.

2 Korintofoɛ 4:13

Ɔnate kyɛ yɛ koso yɛle sɔ gyidie sunzum ne ala bie, kyɛbɔ wahyerɛ kyɛ, “Male mali, yiti madwudwo” ne, sɔ ala yeɛ yɛ koso yɛde yɛdi, yiti yɛdwudwo ɔ.

2 Korintofoɛ 7:4

Mede ɛmɔ medi paa, na mefa ɛmɔ mehoahoa me nwo koso paa. Me wora akyekye paa, na ɔwɔ nu kyɛ yɛfa amaneɛ nu de, nakoso m’anika abu afa so koraa.

Filipifoɛ 1:14

na ɔnate me kukunu nnaa ne ati, aliɛmaa nemɔ nu pee bɔ bɛwɔ Kristo nu ne banya nguraenhyɛ, na bɛkora besi bɛ hue bɛkã Nyameɛ dwirɛ ne bɔ benzuro hwee ɔ.

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

Kolosefoɛ 4:4

Ɛ́mɔsrɛ bɛ́ma me kyɛ ngyirekyire nu pefee kyɛbɔ ɔsɛ kyɛ mekyire nu ɔ.

1 Tɛsalonikafoɛ 2:2

Na ɔwɔ nu kyɛ yɛlili moa yɛnwuni amaneɛ, ná bɛbɔle yɛ alapaa wɔ Filipi, kyɛbɔ ɛmɔse ne, nakoso yɛsili y’ahone wɔ yɛ Nyameɛ nu kyɛ yɛkɔhã Nyameɛ nzɛmba ne yɛkohyire ɛmɔ, wɔ aberɛ bɔ bɛko betia yɛ ɔ.

1 Timoteo 3:13

Ofikyɛ bɛ bɔ bɛyɔ somvoɛ adwuma ne yé ne, benya dumaa paa ne nyinasoɛ pindinn wɔ gyidie bɔ ɔwɔ Kristo Yesu nu ne anu.

Filemɔn 1:8

Ɔnate ɛhe ati, ɔwɔ nu kyɛ ahaa mekora mesi m’ahone paa wɔ Kristo nu mehyɛ wɔ maa ɛyɔ bɔ odi kyɛ ɛyɔ ɔ,