2 Korintofoɛ 3:1 - AHYERƐLƐ KRONGRON

¹ Aso yɛsa yɛhyɛ ye bo yɛkamvo yɛ nwo yɛkyire anaa? Anaa ohia kyɛ yɛfa krataa bɔ odi yɛ nwo adanzeɛ yɛbakyire ɛmɔ, anaakyɛ yɛde bie yɛfi ɛmɔ berɛ, kyɛbɔ ebiemɔ de bɛyɔ ne?

2 Korintofoɛ 3:1 Iomraidhean Croise

Asomafoɛ 18:27

Na Apolo yɛle ye adwene kyɛ ɔkɔ Akaia nen, aliɛmaa nemɔ bɛhyɛle ye nguraen, na bɛhyerɛle krataa bɛɛmane asuafoɛ nemɔ kyɛ bele ye bɛto nu nyemene so. Oodwuli ne, ɔbokale bɛ bɔ bɛnate adom so bayɛ agyidifoɛ ne paa.

Romanfoɛ 16:1

Medi y’eliɛma brasua Fobi bɔ ɔte asɔre somvoɛ wɔ Kɛnkrea ne mekyire ɛmɔ,

1 Korintofoɛ 10:33

kyɛbɔ mebɔ mmɔden kyɛ ngɔsɔ mmenia mukoraa nye wɔ nikyee biala nu ne. Membena me ngome me yeeyɛlɛ, na mmom mmeni soma yeeyɛlɛ, kyɛbɔ bekonya daa ngoa ɔ.

1 Korintofoɛ 16:3

Sɛ meba a, mmenia bɔ ɛmɔkɔye bɛ kɔma bɛ adanzeɛ krataa ne, ngɔsoma bɛ maa bɛkɔfa ɛmɔ akyɛdeɛ ne bɛkɔhɔ Yerusalem.

1 Korintofoɛ 3:10

Ɔnate kyɛ Nyameɛ ama me adom ne ati, ndole fapem kyɛ suasilɛniɛ nimdeɛniɛ, na sona foforɛ koso ɔ́to bie toa so. Na ebiala bɔ ɔto bie toa so ne, ɔnea kyɛ ɔkɔto ye yé ɔ.

1 Korintofoɛ 4:15

Na sɛ ɛmɔle foɛtulɛfoɛ apee buru wɔ Kristo nu po a, ɛmɔ baba mɔ de, bɛnzone, ofikyɛ ɔnate nzɛmba ne aso mayɛ ɛmɔ baba wɔ Yesu Kristo nu.

2 Korintofoɛ 10:12

Ɔnzɛ kyɛ yɛfa yɛ nwo yɛsusu, anaa yɛtoto ebiemɔ bɔ bɛkamvo bɛ bɔbɔ bɛ nwo ne, ofikyɛ mmenia bɔ bɛfa bɛ nwo besusu bɛ nwo bɛ nwo, na basa bafa batoto bɛ nwo bɛ nwo ne, bɛnze nworɛ.

2 Korintofoɛ 10:18

Ofikyɛ nna sona bɔ ɔkamvo ye nwo ne yeɛ ɔsɔ Awurade nye ɔ, na mmom bɔ Awurade kamvo ye ne yeɛ ɔsɔ ye nye ɔ.

2 Korintofoɛ 10:8

Awurade tumi bɔ ɔfa mane yɛ kyɛ yɛma ɛmɔnya ngɔsoɛ, na nna kyɛ yɛsɛkye ɛmɔ ne, sɛ mefa yɛ tumi ne mehoahoa me nwo maa ɔbo so kãa po a, ɔnyɛ me nya.

2 Korintofoɛ 12:11

Mayɛ kwaseaa mahoahoa me nwo, nakoso ɛmɔ yeɛ bamaa mayɛ sɔ ɔ, ofikyɛ ɛmɔ yeɛ ɔsɛ kyɛ ɛmɔkamvo me bekyire ɔ. Na sɛ nnde huu po a, sɔ “asomafoɛ atitire” nemɔ de bɛndra me wɔ atee biala so.

2 Korintofoɛ 12:19

Ɛmɔdwene kyɛ yɛ noa yeɛ yɛye yɛkyire ɛmɔ ɔ? Daabi. Yɛdwudwo Kristo dumaa nu wɔ Nyameɛ nyunu; na aliɛmaa mɔ, ɛmɔ ngɔsoɛ ti yeɛ ɔmaa yɛkã ɛhe amukoraa ɔ.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

2 Korintofoɛ 5:12

Yɛngamvo yɛ nwo ngyire ɛmɔ ko, na mmom yɛma ɛmɔnya atee ɛmɔfa yɛ bɛhoahoa ɛmɔ anwo, amaa ɛmɔanya nyeanoɛ bama mmenia bɔ bɛmva bɔ ɔwɔ ahone nu, na mmom bɛfa bɛ nye so nikyee bɛhoahoa bɛ nwo ne.