2 Korintofoɛ 2:9 - AHYERƐLƐ KRONGRON

⁹ Na ɛhe ati yeɛ ɔmaa ngyerɛle krataa ye ɔ, amaa ɔnate so maso ɛmɔ manea sɛ ɛmɔayɛ sotie wɔ nningyein mukoraa nu a.

2 Korintofoɛ 2:9 Iomraidhean Croise

Ɛksadɔso 16:4

Na AWURADE sele Mose kyɛ, “Ɛ́mɔtie, ngɔma aleɛ kɔtɔ kofi anwuro kogua ase kɔma ɛmɔ. Ɛlɛho biala mmenia ne kofite kɔɔsesa bɔ ɔkɔso bɛ di sɔ kyẽa ne ɔ. Na ɛhe kɔmaa ngonwu ye sɛ bekoli me mmeraa so anaakyɛ bengoli so a.

2 Korintofoɛ 10:6

Na yasiesie yɛ nwo kyɛ sɛ ɛmɔ sotieyɛlɛ di mu bɔkɔɔ a, yɛkotua asoserɛ biala so kerɛ.

2 Korintofoɛ 2:3

Na ɛhe ati yeɛ ɔmaa ngyerɛle ɛmɔ krataa hene ɔ, amaa sɛ meba a, mmenia bɔ ɔsɛ kyɛ bɛgyegye me nye ne, bamma me wora ammɔ. Ofikyɛ mede ɛmɔ amukoraa medi kyɛ sɛ me nye gye a, né ebiala nye agye.

2 Korintofoɛ 2:4

Mvale ahometrɛ ne aworabɔlɛ worawora nu, ɔne me nye moenporolɛ pee yeɛ ngyerɛle ɛmɔ ɔ. Manyɛ kyɛ mema ɛmɔ wora bɔ, na mmom né mepena kyɛ ɛmɔnwu kyɛ mekuro ɛmɔ dwirɛ soma.

2 Korintofoɛ 2:8

Mesrɛ ɛmɔ ala kyɛ ɛmɔhɔ so behuro ye dwirɛ.

2 Korintofoɛ 8:2

B’anwokyere ne nzɔhwɛ kandinga ne asi, benyane anika mmorosoɛ wɔ bɛ hiaa ne anu maa bɛyele bɛ kunu bɛyɔle adɔeɛ kandinga paa.

2 Korintofoɛ 8:24

Yiti ɛ́mɔye ɔdɔ ali behyire bɛ, na ɛ́mɔma ɔyɛ adanzeɛ wɔ asɔre nemɔ nyunu kyɛ m’anwohoahoa wɔ ɛmɔ nwo ne te nahorɛ.

Deuteronomi 13:3

ye de nnɛtie sɔ ngɔmhyɛlɛniɛ anaa sɔ sona bɔ ɔnate laleɛ so hyɛ ngɔm ne dwirɛ. Ofikyɛ AWURADE ɛmɔ Nyameɛ óso ɛmɔ nea onwu ye kyɛ, aso ɛmɔ ahone mukoraati ne ɛmɔ kra mukoraati yeɛ ɛmɔfa bekuro AWURADE ɛmɔ Nyameɛ dwirɛ ne a.

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

Filipifoɛ 2:12

Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

Filipifoɛ 2:22

Nakoso ɛmɔ de, kyɛbɔ ɛmɔdi ye nwo adanzeɛ ne, ɛmɔse kyɛbɔ yasi yayɛ kyɛ seɛ ne baa bɔ yɛso wɔ nzɛmba ne nwo ɔ.

2 Tɛsalonika 3:14

Na sɛ ebie ngotie bɔ yahã ye wɔ krataa ye anu a, ɛmɔhyɛ sɔ sona ne nzorɛ, na nnɛma ɛmɔ ne ye bɛbɔ afɛ, ná ɛ́mɔma ɔfɛre.

Filemɔn 1:21

Mede wɔ medi kyɛ ekotie me ti yeɛ mekyerɛ wɔ krataa ye ɔ, na mese kyɛ bɔ mebisa wɔ ye, ɛkɔyɔ maa ɔkɔbo so po.