2 Korintofoɛ 2:7 - AHYERƐLƐ KRONGRON

⁷ Yiti ohia kyɛ ɛmɔfa ye nwo bɛkyɛ ye ná ɛmɔkyekye ye wora, amaa aworabɔlɛ ne ammu ye kɔme anu.

2 Korintofoɛ 2:7 Iomraidhean Croise

Edwein 124:3

mmerɛ bɔ b’ahone huli yɛ so paa ne, ahaa bɛmemene yɛ anyekaenn so;

Edwein 21:9

Sɛ ɛye wɔ nwo ali a, ɛkɔmaa bɛkɔyɛ kyɛ foonoo nu see. AWURADE kohũhũ bɛ wɔ ye yaafɛlɛ ne anu, na see kɔyera bɛ.

Edwein 57:3

Ɔkɔsoma kofi nyameɛso kɔɔpepɛ kole me, na bɛ bɔ bɛpena me beku me ne, okogua bɛ nyunu ase. Sela Nyameɛ kɔsoma ye ɔdɔ bɔ onni ngasi ne, ɔne ye nahorɛlilɛ ne.

Anyandera 1:12

maa yɛhu bɛ anyekaenn so kyɛbɔ asieleɛ ɔme sona ɔ, maa yɛsie bɛ mumua ne kyɛbɔ mmenia kɔda ɛborɔ kumaa nu ɔ;

Anyandera 17:22

Sona nye gye a, ɔte ayire paa, nakoso aworabɔlɛ de, ɔkweekwee mmowue nu.

Yesaya 28:7

Sɔ mmenia hemɔ koso, bɛfa nzaa bebia, na nzaa serɛ maa bɛnate fofalifofali: Asɔfo mɔ ne ngɔmhyɛlɛfoɛ bɛfa nzaa serɛ bebia, nzaa ama b’adwene ayɛ nwunyaenn, nzaa serɛ maa bɛnate fofalifofali, bɛyɛ mvomsoɛ wɔ nyekyire nu, na bɛ ndɛenbualɛ ɔtte mayee.

1 Korintofoɛ 15:54

Yiti sɛ nipadua he bɔ ɔporɔ ne fa nipadua bɔ ɔmborɔ ne wura, na nipadua he bɔ owu ne fa nipadua bɔ onwu ne wura a, afei yeɛ né bɔ bahyerɛ ne awa nu kyɛ, “Basɛkye ewue bali ye so ngonim bɔkɔɔ!

2 Korintofoɛ 2:8

Mesrɛ ɛmɔ ala kyɛ ɛmɔhɔ so behuro ye dwirɛ.

2 Korintofoɛ 5:4

Ofikyɛ mmerɛ bɔ yɛwɔ ɛtena sua he anu ye de, yɛpene. Nna kyɛ ebiaa yɛpena kyɛ bepuro befi yɛ nwo ɔ, na mmom yɛpena kyɛ bɛfa nyameɛso deɛ ne bepuro so, amaa ngoa abungam bɔ owu so bɔkɔɔ.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Filipifoɛ 2:27

Amba, ewue anwonyerɛ bɔle ye. Nakoso Nyameɛ nwuni ye anwumvoin; nna ye ngome, na me koso onwuni me anwumvoin bie, na wamma me wora ammɔ somaa.

Kolosefoɛ 3:13

Ɛ́mɔnya aboterɛ bɛmoma ɛmɔ nwo; ɛ́mɔfa ɛmɔ abiɛngo mvomsoɛ bɛhyɛ ye. Na sɛ ebie ne obiɛngo benya edwudwolɛ a, ɛ́mɔfa bɛhyehyɛ bɛ nwo, kyɛbɔ Awurade afa ahyɛ ɛmɔ ne.

1 Tɛsalonikafoɛ 4:13

Aliɛmaa mɔ, yɛkuro kyɛ ɛmɔnwu nahorɛ bɔ ɔfa bɛ bɔ balela nemɔ anwo, ná ɛmɔ wora ammɔ kyɛ mmenia bɔ baha bɔ belle anyelasoɛ ne.

2 Tɛsalonika 3:6

Aliɛmaa mɔ, yɛle y’Awurade Yesu Kristo dumaa yɛhyɛ ɛmɔ kyɛ, aliɛmaa biala bɔ ɔnatenate basabasa ná onni ngyerɛkyerɛ bɔ onya fili yɛ berɛ ne aso ne, ɛmɔhwe ɛmɔ nwo befi ye nwo.