2 Korintofoɛ 2:4 - AHYERƐLƐ KRONGRON

⁴ Mvale ahometrɛ ne aworabɔlɛ worawora nu, ɔne me nye moenporolɛ pee yeɛ ngyerɛle ɛmɔ ɔ. Manyɛ kyɛ mema ɛmɔ wora bɔ, na mmom né mepena kyɛ ɛmɔnwu kyɛ mekuro ɛmɔ dwirɛ soma.

2 Korintofoɛ 2:4 Iomraidhean Croise

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

2 Korintofoɛ 12:15

Na me de, ɔkɔyɛ me fɛ kyɛ ɔnate ɛmɔ kra ti ngɔhwere me nikyee biala, ɔne me bɔbɔ me mumua ne. Na sɛ mekuro ɛmɔ dwirɛ pee sɔa a, né nzu ati yeɛ ɛmɔ de ɛmɔkuro me dwirɛ kãa bie ɔ?

2 Korintofoɛ 2:9

Na ɛhe ati yeɛ ɔmaa ngyerɛle krataa ye ɔ, amaa ɔnate so maso ɛmɔ manea sɛ ɛmɔayɛ sotie wɔ nningyein mukoraa nu a.

2 Korintofoɛ 7:12

Nna bɔ wayɔ ebie tɛɛ, anaa bɔ ebie ayɔ ye tɛɛ ti yeɛ ngyerɛle krataa ne mmrɛle ɛmɔ ɔ; na mmom ngyerɛ mmrɛle ɛmɔ, kyɛbɔ ɔkɔyɛ ná mmɔden bɔ ɛmɔbɔ wɔ yɛ nwo ne ala ali ama ɛmɔ wɔ Nyameɛ nyunu.

Filipifoɛ 3:18

Mali moa mahã edwirɛ he mahyire ɛmɔ pee paa, na kekesaala ye koso, nne me nye moen mesi so bieku kyɛ, mmenia pee wɔ berɛ bɔ bɛ brabɔlɛ maa bɛyɛ Kristo mmeamudua ne pɔfoɛ ɔ.