2 Korintofoɛ 2:3 - AHYERƐLƐ KRONGRON

³ Na ɛhe ati yeɛ ɔmaa ngyerɛle ɛmɔ krataa hene ɔ, amaa sɛ meba a, mmenia bɔ ɔsɛ kyɛ bɛgyegye me nye ne, bamma me wora ammɔ. Ofikyɛ mede ɛmɔ amukoraa medi kyɛ sɛ me nye gye a, né ebiala nye agye.

2 Korintofoɛ 2:3 Iomraidhean Croise

1 Korintofoɛ 4:21

Beni yeɛ ɛmɔkuro ɔ? Kyɛ ngɔfa mbire, anaakyɛ ngɔfa ɔdɔ ne anwobrɛaseɛ ngɔwa ɛmɔ berɛ ɔ?

2 Korintofoɛ 1:15

Ɔnate kyɛ m’adwene si pi wɔ ɛhe anwo ne ati, nyɛle m’adwene kyɛ medi moa meba ɛmɔ berɛ, amaa ɛmɔanya saleɛ mmɔhoɛ.

2 Korintofoɛ 1:23

Na afei mefrɛ Nyameɛ kyɛ oli me adanzeɛ; né membena kyɛ mebɔ ɛmɔ wora ti yeɛ manza mamma Korinto ɔ.

2 Korintofoɛ 12:11

Mayɛ kwaseaa mahoahoa me nwo, nakoso ɛmɔ yeɛ bamaa mayɛ sɔ ɔ, ofikyɛ ɛmɔ yeɛ ɔsɛ kyɛ ɛmɔkamvo me bekyire ɔ. Na sɛ nnde huu po a, sɔ “asomafoɛ atitire” nemɔ de bɛndra me wɔ atee biala so.

2 Korintofoɛ 12:21

Ebiaa meba bieku a, me Nyameɛ kɔbrɛ me ase wɔ ɛmɔ nyunu maa ngoli ɛmɔ nu pee nwo aworabɔlɛ wɔ mmenia somaa bɔ daa bayɔ bɔne, ná kekesaala ye bɛtɛyɔ ná banzakyera b’adwene wɔ brabɔlɛ fiɛ, adwamanbɔlɛ ne ahuhubra nwo ti.

2 Korintofoɛ 13:10

Yiti mekyerɛ krataa he mebrɛ ɛmɔ wɔ mmerɛ bɔ nne ɛmɔ berɛ ɔ, amaa sɛ meba a, Awurade tumi bɔ wafa wama me ne, mamva so me ne ɛmɔ yanni ye weewee. Ofikyɛ nna ɛmɔ asefinɛ, na mmom ɛmɔ ngɔsoɛ ti yeɛ nyane sɔ tumi ne ɔ.

2 Korintofoɛ 2:9

Na ɛhe ati yeɛ ɔmaa ngyerɛle krataa ye ɔ, amaa ɔnate so maso ɛmɔ manea sɛ ɛmɔayɛ sotie wɔ nningyein mukoraa nu a.

2 Korintofoɛ 7:12

Nna bɔ wayɔ ebie tɛɛ, anaa bɔ ebie ayɔ ye tɛɛ ti yeɛ ngyerɛle krataa ne mmrɛle ɛmɔ ɔ; na mmom ngyerɛ mmrɛle ɛmɔ, kyɛbɔ ɔkɔyɛ ná mmɔden bɔ ɛmɔbɔ wɔ yɛ nwo ne ala ali ama ɛmɔ wɔ Nyameɛ nyunu.

2 Korintofoɛ 7:16

Yiti ɔyɛ me fɛ kyɛ manya gyidie wɔ ɛmɔ nu wɔ nikyee biala nu ɔ.

2 Korintofoɛ 7:6

Nakoso Nyameɛ bɔ ɔkyekye bɛ bɔ bɛ wora abɔ wora ne, ɔfale Tito walɛ ne aso kyekyele yɛ wora.

2 Korintofoɛ 7:8

Sɛ mvale me krataa ne mmamɔle ɛmɔ wora po a, nnuni me nwo, nakoso kekesaala ye de nnnuni me nwo. Ofikyɛ manwu kyɛ sɔ krataa ne mane ɛmɔ wora bɔle wɔ mmerɛ kãa bie ala.

2 Korintofoɛ 8:22

Na yɛ́soma y’eliɛma bɔ yanwu ye atee pee so kyɛ ɔbɔ mmɔden wɔ nningyein pee nu ne maa ɔboka bɛ so. Na kekesaala ye de po, okuro kyɛ ɔboka paa, ofikyɛ wanya gyidie piri paa wɔ ɛmɔ nu.

Galatiafoɛ 5:10

Mede ɛmɔ medi wɔ Awurade nu kyɛ ɛmɔngonya adwene foforɛ biala. Na mmom ebiala bɔ ɔha ɛmɔ nen, sɛ ɔte nzikyɛ sona po a, okonya ye nwo akatuaa.

2 Tɛsalonika 3:4

Na y’adwene si pi wɔ ɛmɔ nwo wɔ Awurade nu, kyɛ edwirɛ bɔ yɛfale ye nwo ahyɛdeɛ yɛmane ɛmɔ ne, ɛmɔdi so, na ɛmɔkɔhɔ so bekoli so.

Filemɔn 1:21

Mede wɔ medi kyɛ ekotie me ti yeɛ mekyerɛ wɔ krataa ye ɔ, na mese kyɛ bɔ mebisa wɔ ye, ɛkɔyɔ maa ɔkɔbo so po.