2 Korintofoɛ 2:10 - AHYERƐLƐ KRONGRON

¹⁰ Na sona bɔ ɛmɔkɔfa ye nwo bɛkɔhyɛ ye ne, me koso mefa mekyɛ ye. Na sɛ mafa edwirɛ bie mahyɛ a, sona bɔ mva ngyɛle ye ne, ɔnate ɛmɔ ti yeɛ mafa mahyɛ ye wɔ Kristo nyunu ɔ;

2 Korintofoɛ 2:10 Iomraidhean Croise

Mateo 18:18

“Nahorɛ nu, mekã mekyire ɛmɔ kyɛ, nikyee biala bɔ ɛmɔkɔkyekye ye wɔ aseɛ ye aso nen, bɛkɔkyekye ye nyameɛso; yeɛ nikyee biala bɔ ɛmɔkɔsangye nu wɔ aseɛ ye aso nen, bɛkɔsangye nu nyameɛso.

Yohane 20:23

Bɛ bɔ ɛmɔfa bɛ bɔne bɛkyɛ bɛ ne, bafa bahyɛ bɛ; na bɛ bɔ ɛmɔmva bɛ bɔne ngyɛ bɛ ne, bɛmva bɛngyɛ bɛ.”

1 Korintofoɛ 5:4

Sɛ me sunzum ne ɛmɔ beyia nu wɔ y’Awurade Yesu Kristo dumaa nu, na y’Awurade Yesu Kristo tumi boka so a,

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

2 Korintofoɛ 6:6

anwotelɛ bra nu, nimdeɛ nu, animia nu, paayɛlɛ nu, Sunzum Krongron nu, ɔdɔ kaenn nu,

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.