2 Korintofoɛ 12:2 - AHYERƐLƐ KRONGRON

² Mese ebie wɔ Kristo nu, na afoɛ buru ne nna ɛhe yeɛ behwimini ye bɛhɔle nyameɛso bɔ ɔtɔ so nza ne aso ɔ. Sɛ ɛhe sili wɔ anwoɔnaen nu oo, sɛ nna anwoɔnaen nu ahɔ oo, me de menze, Nyameɛ yeɛ ɔse ɔ.

2 Korintofoɛ 12:2 Iomraidhean Croise

1 Ahemvo 18:12

Sɛ menya mefi wɔ nwo wa mekɔ pɛ, AWURADE Sunzum kɔfa wɔ kɔhɔ nekaa bie bɔ menze ɔ. Na sɛ mekã mekyire Ahabo maa ɔba, ná sɛ wannwu wɔ a, okohu me, ɔwɔ nu kyɛ w’akoaa, ofi me ngwadaa nu yeɛ masuro AWURADE ɔ.

1 Ahemvo 8:27

Nakoso Nyameɛ, aso ɛkɔtena aseɛ ye aso amba? Eh! Nyameɛso ne nyameɛso anwuro anwuro po, ɔte kãa ma wɔ, ná wayɛ kyɛ sua he bɔ masi ye!

2 Ahemvo 2:16

Besele ye kyɛ, “Tie, wɔ somvoɛ mɔ, mmienzua anwoserɛfoɛ aburannu wɔ yɛ nu. Yɛsrɛ wɔ, maa bɛhɔ bɛɛpena wɔ mene. Ebiaa, AWURADE Sunzum ama ye so waato bokaa bie aso, anaa bɔnza bie anu.” Na obuale kyɛ, “Daabi, nnɛmɔmaa bɛkɔ.”

Edwein 148:4

Ɛmɔ, nyameɛso anwuro anwuro, ɛ́mɔye ye ayɛ, yeɛ ɛmɔ, nzue nzue bɔ ɛmɔwɔ ewienu anwuro ɔ, ɛmɔ koso sɔ ala.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Hesekiel 11:24

Yeɛ Sunzum ne mane me so, na ɔnate Nyameɛ Sunzum so, wɔ nyekyire nu, ɔfale me hɔle mmenia bɔ bahye bɛ nnure bahɔ Kaldea nemɔ berɛ. Na afei nyekyire bɔ nwuni ye ne, ofili me so hɔle anwuro.

Hesekiel 43:5

Yeɛ Sunzum ne mane me so, na ɔfale me hɔle awuro ne kunu dɔ aluo berɛ; na yieee, AWURADE animnyam yili awuro ne anu tɛkyɛ.

Luka 24:51

Na ɔwale kyɛ ogu so bɔ oyirayira bɛ nen, ɔne bɛ lili ndetemuɛ, [na Nyameɛ mane ye so hɔle nyameɛso.

Yohane 6:56

Ebiala bɔ odi me nwonaen ná ɔno me mogya nen, ɔte me nu, na me koso nde ye nu.

Asomafoɛ 14:6

Na bɛtele sɔ dwirɛ nen, bɛnwati bɛhɔle Lisetra ne Dɛɛbi bɔ bɛwɔ Likaonia, ɔne nguraa mɔ bɔ bɛwɔ berɛ nemɔ aso,

Asomafoɛ 22:17

“Na ɔwale kyɛ nza male Yerusalem ná mebɔ mbaeɛ wɔ asɔneyɛɛ sua nu ne, ngɔle nyekyire tebea nu.

Romanfoɛ 16:10

Ɛ́mɔbisa Apele bɔ bale ye bato nu kyɛ odi nahorɛ ma Kristo ne ahye bɛ́ma me. Ɛ́mɔbisa Aristobulo abusuafoɛ ahye bɛ́ma me.

Romanfoɛ 16:3

Ɛ́mɔbisa Prisika ne Akwila ahye bɛ́ma me, bɛte nniɛma adwumayɔlɛfoɛ wɔ Kristo Yesu nu;

Romanfoɛ 16:7

Ɛ́mɔbisa Androniko ne Yunia bɔ bɛte m’abusuafoɛ ne mmiɛngo kukunufoɛ ɔ ahye bɛ́ma me; bele dumaa wɔ asomafoɛ nemɔ nu, na belili moa bɛyɛle Akristofoɛ bɛyakyili me.

Romanfoɛ 16:9

Ɛ́mɔbisa Yubano, bɔ ɔte yɛ biɛngo adwumayɔlɛniɛ wɔ Kristo nu, ɔne me dɔfo Setaki ahye bɛ́ma me.

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 11:11

Nzu ati ɔ? Aso menguro ɛmɔ dwirɛ hɔ ɔ? Nyameɛ yeɛ ɔse ɔ.

2 Korintofoɛ 13:5

Ɛ́mɔneanea ɛmɔ ahone nu bɛnea sɛ ɛmɔtɛtira gyidie ne anu a. Ɛ́mɔso ɛmɔ nwo bɛnea. Aso ɛmɔnnwu ye kyɛ Yesu Kristo te ɛmɔ nu anaa? Sana ebiaa né ɛmɔabɔ ase wɔ gyidie nu.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 1:22

Né Kristo asɔre mɔ bɔ bɛwɔ Yudea ne bennwuni me nyunu le.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Ɛfesofoɛ 4:10

Na bɔ odwu wale ne, ye ala yeɛ ɔfo hɔle anwuro trale nyameɛso amukoraa ne, amaa wayi nningyein amukoraa nu tɛkyɛ.)

Deuteronomi 10:14

Ɔwɔ nu kyɛ anwuro ne nyameɛso anwuro anwuro, yeɛ aseɛ ne nu nningyein amukoraati te AWURADE wɔ Nyameɛ deɛ de,

1 Tɛsalonikafoɛ 4:17

na afei yɛ bɔ yɛte ase, bɔ yaha ne, ɔne bɛ koso, bɛkɔfa yɛ munungum nu maa yɛkooyia Awurade wɔ ewienu, na sɔ yeɛ yɛne Awurade kɔtena daa ɔ.

Hebrifoɛ 4:14

Ɛmɔma yɛsɔ yɛ gyidie nu serɛ, ofikyɛ yɛle ɔsɔfo panyi paa, Nyameɛ Awa Yesu bɔ wafa ewienu wahɔ nyameɛso ɔ.

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,

Nyekyire 12:5

Ɔwole baa bienzua, bɔ ye yeɛ ɔbaafa buralɛ pɔmaa di maen maen amukoraa so ɔ. Na ɔwa ne, behwimini ye bɛhɔle Nyameɛ ne ye ahennie bia ne nwo.

Nyekyire 4:2

Na berɛ ne ala, né nwɔ Sunzum nu. Na yieee, né ahennie bia bie gyi nyameɛso, bɔ ebie te ahennie bia ne aso ɔ.