2 Korintofoɛ 11:4 - AHYERƐLƐ KRONGRON

⁴ Ofikyɛ sɛ ebie ba ɛmɔ berɛ bakã Yesu foforɛ bie nwo dwirɛ bɔ yɛhhane, anaakyɛ sɛ ɛmɔnya sunzum foforɛ bɔ ɔne bɔ ɛmɔlili moa benyane ye ne bɛtte ko, anaakyɛ nzɛmba foforɛ bɔ ɔne bɔ ɛmɔale bato nu ne bɛtte ko a, naa ɛmɔfa anika bɛsɔ nu!

2 Korintofoɛ 11:4 Iomraidhean Croise

Marko 7:9

Na osa sele bɛ kyɛ, “Ɛmɔafa nworɛ atee so bapo Nyameɛ ahyɛdeɛ ne, kyɛbɔ ɔkɔyɛ bɔ ɛmɔkoli ɛmɔ bɔbɔ b’amammerɛ so ɔ!

Asomafoɛ 4:12

Na ngoalelɛ nne ebiala nu; ofikyɛ dumaa biala nne nyameɛso bo bɔ bafa bama wɔ adasa mmaa nu bɔ ɔsɛ kyɛ bede yɛ ngoa wɔ nu ɔ.”

Romanfoɛ 8:15

Ofikyɛ ɛmɔannya ngoaayɛlɛ sunzum bɔ ɔkɔmaa ɛmɔkosa bekosuro ɔ; na mmom baayɛlɛ Sunzum yeɛ ɛmɔanya ɔ, bɔ ɔmaa yɛtea nu kyɛ: “Abba! Baba!”

1 Korintofoɛ 3:11

Ofikyɛ Yesu Kristo ole fapem bɔ bali moa bato ye dada ne, na ebiala ngora ndo fapem foforɛ ko.

2 Korintofoɛ 11:1

Sɛ ɛmɔfa me ngwaseasɛm ne sɔ ala ma me a, ahaa mekuro. Mesrɛ ɛmɔ ala ɛmɔfa ye sɔ!

2 Korintofoɛ 2:12

Mmerɛ bɔ ngɔle Troase kyɛ mekwaahã Kristo nzɛmba nen, Awurade bukyele atee mane me.

Galatiafoɛ 3:2

Edwirɛ he yeɛ mepena kyɛ ɛmɔye ye noa ɔ: ɔnate mmeraa ne aso lilɛ so yeɛ ɛmɔnyane Sunzum ne, anaakyɛ ɔnate nzɛmba bɔ ɛmɔtele ná ɛmɔle belili ne aso?

1 Timoteo 1:3

Mmerɛ bɔ né mekɔ Makedonia nen, nzrɛle wɔ kyɛ ɛtena Ɛfeso, ná etu mmenia biemɔ foɛ kyɛ nnɛmaa bekyirekyire ngyerɛkyerɛ foforɛ,

1 Timoteo 2:5

Ofikyɛ Nyameɛ te komapɛ twe, na Nyameɛ ne adasa mmaa b’afia ndamgyinaniɛ te komapɛ, bɔ ye ole Kristo Yesu;