2 Korintofoɛ 11:3 - AHYERƐLƐ KRONGRON

³ Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

2 Korintofoɛ 11:3 Iomraidhean Croise

Gyenesise 3:1

Né ewoo te kanda tra eburo kaka biala bɔ AWURADE Nyameɛ ayɔ ɔ. Na obisale braa ne kyɛ, “Yiti Nyameɛ aha kyɛ, ‘Nnɛma ɛmɔdi turo ye anu bakaammaa biala bie’?”

Gyenesise 3:13

Na AWURADE Nyameɛ bisale braa ne kyɛ, “Nzikyɛ nikye yeɛ ayɔ ye?” Na braa ne buale kyɛ, “Ewoo ne yeɛ ɔlakalakale me maa nnili ɔ.”

Gyenesise 3:20

Na biaa ne tole ɔye ne dumaa Hawa, ofikyɛ ɔte teasefoɛ mukoraati bɛ ni.

Gyenesise 3:4

Nakoso ewoo ne sele braa ne kyɛ, “Ɛmɔngowu biala.

Edwein 119:53

Ɔnate bɔnefoɛ bɔ bɛpo wɔ mmeraa ne ati, m’ahone ahu paa.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Romanfoɛ 12:8

sɛ ɔte nguraenhyɛlɛ a, ɛmɔma yɛhyɛ. Sɛ ebie yɛ adɔeɛ a, maa ɔye ye kunu ɔyɛ; ebiala bɔ ɔnea mmenia so ne, maa ɔyere ye nwo; na bɔ ɔse anwumvoin ne, maa ɔte ye nyunu yɔ.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 11:20

Na sɛ ebie fa ɛmɔ yɛ ngoaa, anaa odi ɛmɔ aminɛ, anaa osisi ɛmɔ, anaa ɔmoma ye nwo so, anaa ɔpakye ɛmɔ nye so po a, ɛmɔnya ye nwo aboterɛ.

2 Korintofoɛ 11:29

Nwa yeɛ ɔyɛ mmerɛ a, ná me wora nnyɛle mmerɛ ɔ? Nwa yeɛ bɛmaa ɔkɔ bɔne nu a memvɛ yaa ɔ?

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

Galatiafoɛ 1:6

Ɔyɛ me nwanwa kyɛ wangyɛ biala yeɛ ɛmɔtwe ɛmɔ nwo befi ye nwo ɔ, ye bɔ ɔfrɛle ɛmɔ wale Kristo adom ne anu, ná ɛmɔkwaali nzɛmba foforɛ si ɔ.

Galatiafoɛ 2:4

Na aliɛmaa mɔ ngondombofoɛ bɛfeafeale bɛ nwo bɛwale berɛ bie kyɛ bɛbaatetɛ bɛpena yɛ fawɔnwodi bɔ yanya ye wɔ Kristo Yesu nu ne nwo ate, na bamaa yaawura ngoaasolɛ nu.

Galatiafoɛ 3:1

O Galatiafoɛ bɔ ɛmɔndwene ɔ! Nwa yeɛ odwumvale ɛmɔ sɔa ye; (bɔ ɔmaa ɛmɔnne nahorɛ ne nni ɔ?) Aso nna ɛmɔ nyunu yeɛ behyirehyirele nu pefee kyɛ bɛbɔle Yesu Kristo mmeamudua nu ɔ?

Galatiafoɛ 4:11

Mesuro kyɛ ebiaa ɛmɔ nwo fɛɛ bɔ mafɛ ne ayɛ mbaen.

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

Ɛfesofoɛ 4:22

Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Ɛfesofoɛ 6:24

Bɛ bɔ befi b’ahone nu bekuro y’Awurade Yesu Kristo dwirɛ amukoraa ne, adom ɔyɛ bɛ deɛ.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Kolosefoɛ 2:4

Meka ɛhe kyɛbɔ ebie ngɔbobɔ ye noa nu ngɔfa ngɔlakalaka ɛmɔ ɔ.

Kolosefoɛ 2:8

Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

1 Tɛsalonikafoɛ 3:5

Ɔnate ɛhe ati, mmerɛ bɔ né mesɔ nu a ɔnzɔ ne, nzomane ye kyɛ ɔɔnea kyɛbɔ ɛmɔ gyidie si gyi ɔ; na mesuro kyɛ ebiaa né abɔnzam aso ɛmɔ anea ama y’adwuma bɔ yɛyɔle ne wayɛ mbaen.

1 Timoteo 1:3

Mmerɛ bɔ né mekɔ Makedonia nen, nzrɛle wɔ kyɛ ɛtena Ɛfeso, ná etu mmenia biemɔ foɛ kyɛ nnɛmaa bekyirekyire ngyerɛkyerɛ foforɛ,

1 Timoteo 2:14

Nna Adam yeɛ bɛlakalakale ye ɔ; na mmom brasua ne yeɛ bɛlakalakale ye maa ɔtone mmeraa ɔ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

Tito 1:10

Ofikyɛ mmeni pee wɔ berɛ bɔ bɛte asoserɛfoɛ, nzekurebɔlɛfoɛ, nnakannakafoɛ, nganga bienzuapɛlɛfoɛ nemɔ,

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

2 Petro 3:17

Yiti aliɛmaa mɔ, ɛmɔse ɛhemɔ dada, yiti ɛ́mɔla ɛmɔ nwo so, ná mmeraatolɛfoɛ mvomsoɛ ne wandwetwe ɛmɔ wangɔ, ná ɛmɔamvi ase bamvi nekaa bɔ ɛmɔatindim ne.

2 Petro 3:3

Na ɔsɛ kyɛ ɛmɔdi moa bɛte ɛhe bo, kyɛ, ngyẽa bɔ oli nziɛ ye anu, ngorohoɛfoɛ kodwɔso, na bekoli bɛ bɔbɔ b’akɔnnɔ si bekoli ngorohoɛ;

1 Yohane 2:18

Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

Nyekyire 12:15

Na ewoo ne puli ye noa nu nzue bɔ ɔte kyɛ asue ɔ olili braa ne si, kyɛ asue ne fa ye hɔ.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 20:2

Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,