2 Korintofoɛ 11:2 - AHYERƐLƐ KRONGRON

² Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

2 Korintofoɛ 11:2 Iomraidhean Croise

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Hesekiel 44:22

Onni kyɛ begya kunaniɛ brasua anaa brasua bɔ ebie ayira ye ɔ; na mmom Yisrael awuro ama bɛ bosoniɛ brasua bɔ onnwuni biaa le ɔ, anaa kunaniɛ brasua bɔ né ohu te ɔsɔfo yeɛ bɛkora begya ye ɔ.

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

Romanfoɛ 7:4

Aliɛmaa mɔ, sɔ ala yeɛ ɛmɔ koso bɛnate Kristo nipadua so ɛmɔawu bama mmeraa ne ɔ, bɔ ɔnate so ebiala te obiɛngo deɛ ɔ, bɔ ɛmɔte bɔ batingye ye bafi ewue nu ne deɛ ɔ, kyɛbɔ ɔkɔyɛ bɔ yɛkosu mmaa yɛkɔma Nyameɛ ɔ.

1 Korintofoɛ 4:15

Na sɛ ɛmɔle foɛtulɛfoɛ apee buru wɔ Kristo nu po a, ɛmɔ baba mɔ de, bɛnzone, ofikyɛ ɔnate nzɛmba ne aso mayɛ ɛmɔ baba wɔ Yesu Kristo nu.

2 Korintofoɛ 4:14

Ofikyɛ yɛse kyɛ, bɔ otingyele Awurade Yesu fili ewue nu ne kotingye yɛ kɔboka Yesu so, ná wafa ɛmɔ ne yɛ wahɔ ye nyunu.

Galatiafoɛ 4:11

Mesuro kyɛ ebiaa ɛmɔ nwo fɛɛ bɔ mafɛ ne ayɛ mbaen.

Filipifoɛ 1:8

Nyameɛ di me adanzeɛ, kyɛ Kristo Yesu nu ɔdɔ yeɛ ngyi so bɔ me wora dɔ ɛmɔ amukoraa ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

1 Tɛsalonikafoɛ 2:11

Ɛmɔse kyɛ yɛtuli ɛmɔ nu biala foɛ, yɛkyekyele ɛmɔ wora kyɛbɔ seɛ si yɛ ye mma ɔ, na yɛhyɛle ɛmɔ nguraen,

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.