2 Korintofoɛ 10:5 - AHYERƐLƐ KRONGRON

⁵ Yɛfa yɛdi ngonim wɔ aporowaasulɛ nu ne nikyee biala bɔ ɔma ye nwo so tia Nyameɛ nwo nimdeɛ so, na yɛkakyi sona biala adwene maa ɔyɛ sotie ma Kristo.

2 Korintofoɛ 10:5 Iomraidhean Croise

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

2 Ahemvo 19:22

‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa ye? Yisrael Krongronniɛ ne yeɛ ayɔ ɛhe atia ye ɔ!

2 Ahemvo 19:28

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me kaa ngosina wɔ bonyi anu, ná matofi wɔ noa nu mafa me nyamaa mawura nu; na ngɔmaa ɛkɔkakyi wɔ nye, ɛkɔfa atee bɔ ɛnate so wale ne aso ekosa kɔhɔ.

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Edwein 139:2

Ɛse m’asetenalɛ ne me dwɔsolɛ mmerɛ; na enwu me ti anu adwene fi dedeede.

Edwein 18:27

Ɛpepɛ de anwobrɛaseɛfoɛ, nakoso anwomasoɛfoɛ de, ɛbrɛ bɛ ase.

Edwein 18:44

Bɛtele me nga pɛ yeɛ bɛyɛle sotie bɛmane me ɔ. Maen maen so ama wale bɛɛkotole me.

Ɛksadɔso 5:2

Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!”

Anyandera 15:26

Bɔnefoɛ bɛ porɛ bɔ bɛbɔ ne, ɔte AWURADE akyiwadeɛ, nakoso anwoteefoɛ de, bɛ dwirɛ nwo te.

Anyandera 24:9

Ngwaseasɛm nwo adwene falɛ te bɔne, yeɛ ngorohoɛniɛ te mmenia akyiwadeɛ.

Yesaya 2:17

Bɛkɔbrɛ sona ye ahandaen ase, yeɛ bekogua mmenia b’anwomasoɛ nyunu ase, na AWURADE angome yeɛ bɛkɔma ye so sɔ kyẽa ne ɔ.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yesaya 59:7

Bɛ gya tutu amirika kɔyɔ bɔne, na bɛngyɛ ye nwo ná bahã mogya bɔ odi be ɔ bagua; amumuyɛɛ nwo adwene ali bɛ ti, na nzɛmmɔne ne nningyein sɛkyelɛ yeɛ ɔwɔ b’atee nu ɔ.

Yesaya 60:14

Na bɛ bɔ bɛhyɛle wɔ so ne, bɛ boso ama kɔwa bɛkɔɔkoto wɔ; yeɛ ebiala bɔ obuli wɔ animtia ne, okoobu ndwerɛ wɔ wɔ gya bo; bɛkɔfrɛ wɔ AWURADE Kuro, Yisrael Krongronniɛ ne, ye Sion.

Yeremia 23:29

Me dwirɛ ne, aso ɔtte kyɛ see? AWURADE noa dwirɛ ɛne. Anaa ɔtte kyɛ bɔsobaka bɔ obubu nyɔbotaen nu ɔ?

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Hesekiel 17:24

Eburo mmakaa mukoraa bekonwu kyɛ me, AWURADE, me yeɛ mema bakaa tendenn yɛ tikaa, ná mesa mema bakaa tikaa yɛ tendenn ɔ; me yeɛ mema bakaa monɛ yɛ wuruwaa, ná mesa mema bakaa wuruwaa fefɛ ɔ. Me, AWURADE, me yeɛ mahã ɔ, na ngɔyɔ.”

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Luka 1:51

Wafa ye basa wayɔ nningyein mbiri mbiri, na wapanzam ahandaenfoɛ b’adwene nzusuleɛ nu.

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

Romanfoɛ 1:5

bɔ ɔnate ye so yeɛ yanya adom ne asomafoɛ adwuma bɔ yɛfa yɛma amaen maen mukoraa bɛyɛ sotie wɔ gyidie ne dumaa ne anwo,

Romanfoɛ 16:26

nakoso afei de bala ye ali, na bɛnate bɔ ngɔmhyɛlɛfoɛ bɛhyerɛle ne aso bala ye ali bahyire maen amukoraati, kyɛbɔ Ɛdangama Nyameɛ ye ahyɛdeɛ te ne, amaa ɔnate so maen maen amukoraa bale bali ná bayɛ sotie bama ye.

Romanfoɛ 7:23

Nakoso menwu mmeraa foforɛ bie wɔ me nwonaen akwaa nu, bɔ ɔko tia mmeraa bɔ ɔwɔ m’adwene nu ɔ, bɔ ɔkye me nnure ma bɔne mmeraa bɔ ɔwɔ me nwonaen akwaa nu ɔ.

1 Korintofoɛ 1:19

Ofikyɛ bahyerɛ kyɛ, “Ngɔsɛkye nworɛfoɛ nworɛ ne, na mama nimdeɛfoɛ ndeaseɛ ayɛ mbaen.”

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

2 Korintofoɛ 11:20

Na sɛ ebie fa ɛmɔ yɛ ngoaa, anaa odi ɛmɔ aminɛ, anaa osisi ɛmɔ, anaa ɔmoma ye nwo so, anaa ɔpakye ɛmɔ nye so po a, ɛmɔnya ye nwo aboterɛ.

2 Korintofoɛ 9:13

Sɔ mmokalɛ he di ɛmɔ nwo adanzeɛ, na ɔkɔmaa bɛkɔhyɛ Nyameɛ animnyam wɔ ɛmɔ sotie wɔ Kristo nzɛmba ne nwo, ɔne mmokalɛ bɔ ɛmɔfa boka bɛ ne mmenia mukoraa nwo,

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Filipifoɛ 4:7

Na Nyameɛ asomdwee bɔ ɔbo ndeaseɛ amukoraa so ne, ɔkɔnea ɛmɔ ahone ne ɛmɔ adwene so wɔ Kristo Yesu nu.

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

2 Tɛsalonika 2:8

Na ɛhe asi ye yeɛ bɛkɔma amumuyɛɛniɛ ne nwo kɔla ali ɔ. Na Awurade Yesu kɔfa ye noa nu nwomeɛ kohũ ye, ná afei wafa ye animnyam walɛ ne wasɛkye ye bɔkɔɔ.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.