2 Korintofoɛ 10:4 - AHYERƐLƐ KRONGRON

⁴ Ofikyɛ y’akodeɛ bɔ yɛfa yɛko ne ɔtte anwoɔnaen nu akodeɛ, na mmom ɔte Nyameɛ tumi akodeɛ bɔ yɛfa yɛdwiri anwoserɛ afealeɛ mɔ yɛgua ɔ.

2 Korintofoɛ 10:4 Iomraidhean Croise

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Yesaya 30:25

Na mmenia hunɛ kyẽa piri ne, bɔ abandenden mɔ kobubu kogua ne, asue mɔ ne asue ba mɔ bɛkɔtengyɛ wɔ bokaa tendenn biala ne pambaa tendenn biala so.

Yeremia 1:10

Tie, ɛnɛ kyẽa ye, mama wɔ tumi wɔ maen maen ne ahennie mɔ so, kyɛ etutu bɛ bo ná edwiri bɛ gua ase, kyɛ ɛsɛkye bɛ ná ɛhã bɛ gua, kyɛ esi ná elua.”

Yeremia 23:29

Me dwirɛ ne, aso ɔtte kyɛ see? AWURADE noa dwirɛ ɛne. Anaa ɔtte kyɛ bɔsobaka bɔ obubu nyɔbotaen nu ɔ?

Asomafoɛ 7:22

Bɛfale Misraim nworɛ amukoraa yeɛ bɛtetele Mose ɔ, na onyane nimdeɛ wɔ ye dwudwolɛ ne ye brabɔlɛ nu.

Romanfoɛ 13:12

Aleɛ sane ɔ ahyɛ, na alehyeleɛ apingye. Yiti ɛ́mɔma yɛgyi awosii nu yɔleɛ nemɔ yɛgua, ná yɛfa kanea nu akodeɛ yɛwura.

Romanfoɛ 6:13

Afei, nnɛma ɛmɔfa ɛmɔ nipadua akwaa biala bɛma bɔne ná wamva wanyɔ amumuyɛɛ, na mmom ɛ́mɔfa ɛmɔ nwo bɛ́ma Nyameɛ kyɛ bɛ bɔ befi ewue nu bahɔ ngoa nu ɔ. Ɛ́mɔfa ɛmɔ nwo amukoraa bɛ́ma ye, ná ɔfa yɔ tenenee nnwumaa.

1 Korintofoɛ 2:5

amaa ɛmɔ gyidie wanggyina sona nworɛ so, na mmom wagyina Nyameɛ tumi so.

1 Korintofoɛ 9:7

Nwa yeɛ ɔkɔ koɛ ná ye bɔbɔ yeɛ otua ye nwo kerɛ ɔ? Nwa yeɛ ɔyɔ mmakaammaa boo bɔ onni ye mma ne bie ɔ? Anaakyɛ nwa yeɛ ɔnea nandwie so ná ɔnno bɛ nyɔfonesue ne bie ɔ?

2 Korintofoɛ 10:8

Awurade tumi bɔ ɔfa mane yɛ kyɛ yɛma ɛmɔnya ngɔsoɛ, na nna kyɛ yɛsɛkye ɛmɔ ne, sɛ mefa yɛ tumi ne mehoahoa me nwo maa ɔbo so kãa po a, ɔnyɛ me nya.

2 Korintofoɛ 13:10

Yiti mekyerɛ krataa he mebrɛ ɛmɔ wɔ mmerɛ bɔ nne ɛmɔ berɛ ɔ, amaa sɛ meba a, Awurade tumi bɔ wafa wama me ne, mamva so me ne ɛmɔ yanni ye weewee. Ofikyɛ nna ɛmɔ asefinɛ, na mmom ɛmɔ ngɔsoɛ ti yeɛ nyane sɔ tumi ne ɔ.

2 Korintofoɛ 3:5

nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

2 Korintofoɛ 6:7

nahorɛ dwirɛ hanɛ nu, Nyameɛ tumi nu, yeɛ tenenee akodeɛ wɔ yɛ bɛen ne famaa so.

1 Tɛsalonikafoɛ 5:8

Nakoso ɔnate kyɛ yɛte alehyeleɛ mma ne ati, ɛ́mɔma yɛ nye la berɛ ná yɛfa gyidie ne ɔdɔ yɛyɛ koɛ buralɛ yɛkata yɛ hue so, na yɛfa ngoalelɛ nwo anyelasoɛ yɛyɛ koɛ buralɛ kyerɛ yɛwura.

1 Timoteo 1:18

Mma Timoteo, ahyɛdeɛ he yeɛ mefa mewura wɔ sa ɔ, kyɛbɔ ngɔm dwirɛ bɔ mmerɛ bie bɛhã bɛfale wɔ nwo ne ɔte ne, kyɛ ɔ́hyɛ wɔ nguraen, ná fa ko koɛ paa ne,

2 Timoteo 2:3

Na wɔ koso, mia wɔ nye nwu amaneɛ kyɛ Kristo Yesu sraaniɛ paa.

Hebrifoɛ 11:30

Ɔnate gyidie so yeɛ Yeriko fasue ne, bɛpɛle ye nwo bɛbra beyiale ɛlɛsoo ne, odwiri guale ɔ.

Yosua 6:20

Yiti mmenia ne bɔle ese, na asɔfo nemɔ huli totorobɛndo nemɔ. Mmerɛ bɔ mmenia ne tele kyɛ bahu totorobɛndo nemɔ pɛ, bɛbɔle ese serɛserɛ, na fasue ne bu guale gyirigorɔɔ. Na mmenia ne amukoraa hɔle bɛ nyunu tee beewura kuro ne anu, na belili so ngonim.