2 Korintofoɛ 10:3 - AHYERƐLƐ KRONGRON

³ Ofikyɛ ɔwɔ nu kyɛ yɛbɔ yɛ bra wɔ anwoɔnaen nu de, nakoso yɛngo anwoɔnaen nu koɛ.

2 Korintofoɛ 10:3 Iomraidhean Croise

Romanfoɛ 7:5

Mmerɛ bɔ né yɛwɔ anwoɔnaen nu ne de, yɛ bɔne akɔnnɔdeɛ bɔ mmeraa ne kanyane ye ne, ɔyɔle adwuma wɔ yɛ nwonaen akwaa nu osuli mmaa hɔle ewue.

Romanfoɛ 8:13

Ofikyɛ sɛ ɛmɔbɔ ɛmɔ bra kyɛbɔ anwoɔnaen ne kuro a, ɛmɔkowu. Nakoso sɛ ɛmɔfa Sunzum ne beku anwoɔnaen nnwumaa de a, ɛmɔkonya ngoa.

Romanfoɛ 8:4

amaa ɔnate so mmeraa ne nwo tenenee wawa nu wɔ yɛ nu, yɛ bɔ yɛnnate anwoɔnaen nu, na mmom yɛnate Sunzum nu ne.

2 Korintofoɛ 1:17

Nzusuleɛ he bɔ nyɛle ye, aso okyire kyɛ m’adwene yɛ me ndaa ndaa anaa? Aso meyɛ me nhyehyɛleɛ wɔ anwoɔnaen nu, bɔ mekã “Yoo” a, né mesa mekyire “Daabi” ɔ?

2 Korintofoɛ 10:4

Ofikyɛ y’akodeɛ bɔ yɛfa yɛko ne ɔtte anwoɔnaen nu akodeɛ, na mmom ɔte Nyameɛ tumi akodeɛ bɔ yɛfa yɛdwiri anwoserɛ afealeɛ mɔ yɛgua ɔ.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

1 Timoteo 1:18

Mma Timoteo, ahyɛdeɛ he yeɛ mefa mewura wɔ sa ɔ, kyɛbɔ ngɔm dwirɛ bɔ mmerɛ bie bɛhã bɛfale wɔ nwo ne ɔte ne, kyɛ ɔ́hyɛ wɔ nguraen, ná fa ko koɛ paa ne,

2 Timoteo 4:7

Koɛ paa ne, maho; amirika ne, matu mayie; gyidie ne, masɔ nu.

Hebrifoɛ 12:1

Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.