2 Korintofoɛ 10:1 - AHYERƐLƐ KRONGRON

¹ Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 10:1 Iomraidhean Croise

Edwein 45:4

Kɔ so di ngonim wɔ w’ahennie animnyam nu, ɔnate nahorɛlilɛ, anwobrɛaseɛ ne tenenee ti; wɔ nningyein suronyisuronyi nemɔ, ma wɔ sa famaa ne ohyirehyire wɔ.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Mateo 21:5

“Ɛmɔhã behyire Sion awa brasua ne kyɛ: Nea, wɔ hene ɔ́ba wɔ berɛ, odwo, na ɔte afunum so, ɔne afunum akrɔngrɔma so, bɔ ɔte afunum beleɛ ɔ.”

Asomafoɛ 8:32

Né ɔkenga Ahyerɛlɛ ne anu dwirɛ he: “Bɛfale ye bɛhɔle kyɛ boaen bɔ bɛ́fa ye bɛkɔ akumyɛɛ ɔ, anaakyɛ boaen ba bɔ watɔ mumu wɔ sona bɔ ɔpepɛ ye nwiaa nyunu ɔ, wammukye ye noa.

Romanfoɛ 10:20

Afei Yesaya sili ye ahone hane kyɛ, “Bɛ bɔ bambena me si atee ne, banwu me, na maye me nwo ali mahyire bɛ bɔ bammisa me boso ɔ.”

Romanfoɛ 12:1

Yiti aliɛmaa mɔ, ngyi Nyameɛ anwumvoinnwunɛ so mesrɛ ɛmɔ, kyɛ ɛ́mɔtu ɛmɔ nipadua bésie berɛ kyɛ afɔleɛ bɔ ɔte ase ɔ, bɔ ɔte krongron ná ɔsɔ Nyameɛ nye ɔ, na ɛhe yeɛ ɔte ɛmɔ nyamesom bɔ ɔfata ɔ.

Romanfoɛ 15:15

Nakoso atee bie aso de, masi m’ahone mahyerɛ mabrɛ ɛmɔ, kyɛ mefa mebɔ ɛmɔ ngayeɛ; ɔnate adom bɔ Nyameɛ wafa walo me ne ati,

1 Korintofoɛ 2:3

Na mvale anwobrɛaseɛ ne esuronyi ne anwopopolɛ yeɛ me ne ɛmɔ yɛtenane ɔ.

1 Korintofoɛ 4:10

Kristo ti yayɛ ngwaseafoɛ, nakoso ɛmɔ de, ɛmɔayɛ nworɛfoɛ wɔ Kristo nu! Yɛyɛ mmerɛ, nakoso ɛmɔ de, ɛmɔ nwo yɛ se. Ɛmɔ de, bedi ɛmɔ nni, nakoso yɛ de, bemmu yɛ.

1 Korintofoɛ 4:21

Beni yeɛ ɛmɔkuro ɔ? Kyɛ ngɔfa mbire, anaakyɛ ngɔfa ɔdɔ ne anwobrɛaseɛ ngɔwa ɛmɔ berɛ ɔ?

2 Korintofoɛ 10:10

ofikyɛ mmenia kekã kyɛ, “Ye ngrataa te anwunanwuna na nu sa yɛ se, nakoso sɛ ɔba wa a, ye noa yɛ mmerɛ, yeɛ ye noa dwirɛ koso mbɛ asue.”

2 Korintofoɛ 10:2

Mesrɛ ɛmɔ kyɛ sɛ meba ɛmɔ berɛ a, nnɛmɔyɛ maa meye m’ahoneserɛ ne ali; ofikyɛ mede medi kyɛ mekora mefa m’ahoneserɛ ne mekɔ mmenia biemɔ bɔ bebu yɛ kyɛ yɛnate anwoɔnaen nu atee so ne, bɛ so.

2 Korintofoɛ 10:7

Ɛ́mɔma yɛnea bɔ yɛ nye tua ɔ: sɛ ebie bu ye nwo kyɛ ɔte Kristo deɛ a, maa ɔdwene ye nwo bieku kyɛ, kyɛbɔ ɔte Kristo deɛ ne, sɔ ala yeɛ yɛ wora yɛte Kristo deɛ ɔ.

2 Korintofoɛ 11:21

Ɔyɛ me nya kyɛ mekã kyɛ yɛ de yɛbrɛle yɛ nwo ase soma ɔ. Nakoso bɔ ebie kora fa hoahoa ye nwo ne, medwudwo kyɛ ebiaa nnne adwene de oo, me wora mekora mefa mehoahoa me nwo bie.

2 Korintofoɛ 11:30

Na sɛ odi kyɛ mehoahoa me nwo a, nningyein bɔ okyire kyɛ meyɛ mmerɛ yeɛ ngɔfa ngɔhoahoa me nwo ɔ.

2 Korintofoɛ 12:5

Sɔ sona ne yeɛ ngɔfa ye ngɔhoahoa me nwo ɔ, nakoso me bɔbɔ me nwo de mengɔhoahoa; sana me mmerɛyɛlɛ nwo yeɛ ngɔhoahoa me nwo ɔ.

2 Korintofoɛ 3:12

Na ɔnate kyɛ yanya sɔ anyelasoɛ ne ati, yɛkora yɛsi y’ahone yɛdwudwo.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

2 Korintofoɛ 7:4

Mede ɛmɔ medi paa, na mefa ɛmɔ mehoahoa me nwo koso paa. Me wora akyekye paa, na ɔwɔ nu kyɛ yɛfa amaneɛ nu de, nakoso m’anika abu afa so koraa.

Galatiafoɛ 4:13

Ɛmɔse kyɛ né me nwo mva me ti yeɛ ɔmaa nnili moa ngane nzɛmba ne ngyirele ɛmɔ ɔ.

Galatiafoɛ 5:2

Ɛ́mɔtie! Me, Pɔɔlo, mekã mekyire ɛmɔ kyɛ sɛ ɛmɔmaa bɛpɛ ɛmɔ bienzua a, Kristo nwo ngɔwa mvasoɛ biala ngɔma ɛmɔ.

Ɛfesofoɛ 3:1

Ɔnate ɛhe ati, me Pɔɔlo, nde Kristo Yesu kukununiɛ mema ɛmɔ Amaenmaensofoɛ.

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Filipifoɛ 4:5

Ɛ́mɔma mmenia amukoraa bénwu ɛmɔ animia ne. Awurade apingye!

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

2 Tɛsalonika 3:17

Me bɔbɔ, Pɔɔlo, me sa noa ahyerɛlɛ yeɛ mefa mebisa ɛmɔ bisabisa ɔ, na ɛhe hyɛ me krataa biala bɔ mekyerɛ ne nzorɛ: kyɛbɔ mekyerɛ hɔ ɛne.

Filemɔn 1:19

Me Pɔɔlo, me bɔbɔ me sa noa ahyerɛlɛ ɛhe: Ngotua wɔ kerɛ bɔ ɔma wɔ ɔ; na ahaa menguro kyɛ mefa me noa mebɔ so kyɛ wɔ sona mumua ne po ɔma me kerɛ.

Filemɔn 1:9

nakoso ɔnate ɔdɔ ti, mekuro kyɛ mesrɛ wɔ mmom, me Pɔɔlo bɔ mayɛ akoraa, bɔ kekesaala ye nza nde Yesu Kristo kukununiɛ ɔ.

1 Petro 2:11

Adɔfo mɔ, mesrɛ ɛmɔ, ɛmɔte ɛwɔfoɛ ne amanvrafoɛ, yiti anwoɔnaen akɔnnɔ bɔ ɔko tia ɛmɔ kra ne, ɛmɔhwe ɛmɔ nwo befi ye nwo.

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.