2 Korintofoɛ 1:9 - AHYERƐLƐ KRONGRON

⁹ Yɛ bɔbɔ ala yɛtele nga wɔ yɛ nu kyɛ yawu yayie, nakoso ɛhe maa yamva yɛ nwo yando yɛ nwo so; na mmom yɛfale yɛ nwo yɛtole Nyameɛ bɔ otingye awufoɛ ne so.

2 Korintofoɛ 1:9 Iomraidhean Croise

YOB NWOMAA NE 40:14

Sɛ ɛkora sɔ yɔ a, me bɔbɔ ngɔbɔ w’aba so, kyɛ wɔ bɔbɔ w’anwoserɛ kora de wɔ ngoa.

Edwein 22:29

Amba, ye yeɛ aseɛ ye aso anwomasoɛfoɛ amukoraa bɛkɔkoto ye ɔ; adasa mukoraa, bɛ bɔ bɛngora bɛmma bɛ nwo ngoa ɔ, ye yeɛ bɛkɔkoto ye ɔ.

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Anyandera 28:26

Ebiala bɔ ɔfa ye nwo to ye nworɛ so ne, ɔte kwaseaa, nakoso ebiala bɔ ɔfa nworɛ to ye brabɔlɛ nwo ne, okonya ngoa.

Yesaya 38:10

Mmerɛ bɔ me ngoa hale kaaba bie ne, ngane kyɛ: Mebaafi wa, mebaahɔ ɛborɔ dɔ pambim ne anu, m’afoɛ bɔ waha ne, béde béfi me sa nu.

Hesekiel 33:13

Sɛ mekã mekyire teneneeniɛ kyɛ, amba, okonya ngoa, ná sɛ ɔfa ye nwo to ye tenenee so, ná ɔbɔ amumuyɛɛ bra a, mengɔkaye ye tenenee bra ne anu biala, na mmom ye amumuyɛɛ bra ne anu ala yeɛ okowu ɔ

Luka 18:9

Na ebiemɔ bɔ bɛfa bɛ nwo bɛto bɛ bɔbɔ bɛ nwo so kyɛ bɛtengyɛ, ná bebu bɛ mmango animtia ne, obuli bɛ anyandera he:

Romanfoɛ 8:36

Ofikyɛ bahyerɛ kyɛ, “Ɔnate wɔ ti beku yɛ daa biala; na bebu yɛ kyɛ mmoaen bɔ bɛkwaahũ bɛ ɔ.”

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

2 Korintofoɛ 1:8

Aliɛmaa mɔ, kyɛbɔ yɛ nwo si hyerele yɛ wɔ Asia nen, yɛmbena kyɛ yɛfa yɛsie ɛmɔ, ofikyɛ yɛ nwo hyerele yɛ paa maa ɔbole yɛ so, na afei yɛ ngoa nwo anyelasoɛ mukoraa tu minini.

2 Korintofoɛ 3:5

nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

Hebrifoɛ 11:19

Na Abraham nyane adwene kyɛ Nyameɛ kora tingye sona fi awufoɛ nu po, yiti sɛ ɛfa ye anyandera nu a, ye sa hane Yisake fili ewue nu kyɛ awufoɛ bɔ Nyameɛ tingye bɛ ne ala.