2 Korintofoɛ 1:4 - AHYERƐLƐ KRONGRON

⁴ bɔ ɔkyekye yɛ wora wɔ y’amaneɛnwunɛ mukoraa nu, amaa yɛ koso yahora yafa aworakyekyerɛ bɔ Nyameɛ fa kyekye yɛ wora ne yakyekye bɛ bɔ benwu amaneɛ ahoroɔ ɔ bɛ wora.

2 Korintofoɛ 1:4 Iomraidhean Croise

Edwein 32:5

Afei ngane me bɔne ngyirele wɔ, na mangata m’amumuyɛɛ so. Ngane kyɛ, “Ngɔhã me mmeraatolɛ ngohyire AWURADE,” na ɛfale me bɔne nwo foɛlilɛ hyɛle me. Sela

Edwein 32:7

Wɔ yeɛ ɛte m’afealeɛ ɔ, wɔ yeɛ ɛbɔ me nwo waen fi amaneɛ nu ɔ; ɛfa wɔ ngoalelɛ dwein ɛpɛ me nwo yia. Sela

Edwein 66:16

Ɛmɔ amukoraa bɔ ɛmɔsuro Nyameɛ ɔ, ɛmɔbra beetie, na bɔ wayɔ wama me ne, ngɔhã ngohyire ɛmɔ.

Edwein 86:17

Kyire me wɔ ɛlolɛ ne nwo sɛngyerɛnneɛ, amaa ɔnate so me pɔfoɛ mɔ banwu ye ná bafɛre, ofikyɛ AWURADE, wɔ yeɛ aboka me akyekye me wora ɔ.

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Yesaya 40:1

Ɛmɔ Nyameɛ nwa nyoo, “Ɛ́mɔkyekye, ɛ́mɔkyekye me maen wora.

Yesaya 49:10

Ɛhɔen anaa nzuhɔen ngohũ bɛ, mvrama hyerɛhyerɛ ne eyia ngɔbɔ bɛ, ofikyɛ, bɔ onwu bɛ anwumvoin ne, ɔkɔyɛ bɛ taataa, na mbombonzue nwo yeɛ okoli bɛ nyunu kɔfa bɛ kɔhɔ ɔ.

Yesaya 51:12

“Me, me yeɛ mekyekye ɛmɔ wora ɔ, na wɔ, nzikyɛ sona ole wɔ, bɔ esuro kuro sona bɔ owu ɔ, ɔne sona awa bɔ bɛyɔle ye kyɛ ndire ɔ;

Yesaya 51:3

AWURADE kɔkyekye Sion wora, ɔkɔkyekye ye kurofoen amukoraa wora, ye ɛserɛ ne, ɔkɔkakyi ye maa ɔkɔyɛ kyɛ Eden, ɔne ye aseɛ pralaa ne kyɛ AWURADE turo, na bekonwu anika ne anigye wɔ nu, yeɛ asennaa ne edweintolɛ.

Yesaya 52:9

Yerusalem dandue mɔ, ɛ́mɔbɔ nu bɛ́to dwein; ofikyɛ AWURADE akyekye ye maen wora, na waapɔ Yerusalem wale ye.

Yohane 14:16

Na me de, ngobisa Baba ne, na ɔkɔma ɛmɔ Aworakyekyerɛniɛ foforɛ, ná ɔne ɛmɔ baatena daa,

Yohane 14:18

“Mengɔyakyi ɛmɔ nyisiaafoɛ, ngɔwa ɛmɔ berɛ.

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

2 Korintofoɛ 7:13

Ye sɔ ne ati, yɛ wora akyekye. Nna yɛ wora ngome yeɛ wakyekye ɔ, na Tito anika ne koso ama yɛ anika mmorosoɛ; ofikyɛ ɛmɔ amukoraa bɛbokale maa onyane aworakyekyerɛ.

2 Korintofoɛ 7:4

Mede ɛmɔ medi paa, na mefa ɛmɔ mehoahoa me nwo koso paa. Me wora akyekye paa, na ɔwɔ nu kyɛ yɛfa amaneɛ nu de, nakoso m’anika abu afa so koraa.

Filipifoɛ 1:14

na ɔnate me kukunu nnaa ne ati, aliɛmaa nemɔ nu pee bɔ bɛwɔ Kristo nu ne banya nguraenhyɛ, na bɛkora besi bɛ hue bɛkã Nyameɛ dwirɛ ne bɔ benzuro hwee ɔ.

1 Tɛsalonikafoɛ 4:18

Yiti ɛ́mɔfa edwirɛ hemɔ bɛ́kyekye ɛmɔ wora.

1 Tɛsalonikafoɛ 5:11

Yiti ɛ́mɔtutu ɛmɔ nwo foɛ, ná ɛ́mɔbokaboka ɛmɔ nwo, kyɛbɔ ɛmɔyɔ ne ala.

Hebrifoɛ 12:12

Yiti ɛ́mɔma ɛmɔ sa bɔ nu agoho, ɔne ɛmɔ nangoroma bɔ nu ayɛ hodwoo ne anu yɛ se.