2 Korintofoɛ 1:12 - AHYERƐLƐ KRONGRON

¹² Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 1:12 Iomraidhean Croise

2 Samuel 22:22

Ofikyɛ mali AWURADE dwirɛ so, na nnyɔle bɔne nngakyili me si mmmane Nyameɛ.

YOB NWOMAA NE 13:15

Sɛ oku me po a, ye yeɛ ɔte m’anyelasoɛ ɔ, nakoso me ne ye yɛkɔbɔ kuro.

Yesaya 38:3

“Ao AWURADE, mesrɛ wɔ ala, fa wɔ nye to kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ ɔ wɔ wɔ nyunu ne.” Na Hesekia suni hahii.

Asomafoɛ 23:1

Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

Romanfoɛ 9:1

Meka nahorɛ ne wɔ Kristo nu, membɛ ngondombo; na me tiboa koso di me adanzeɛ wɔ Sunzum Krongron nu.

1 Korintofoɛ 1:17

Ofikyɛ Kristo anzoma me kyɛ mmamɔ asu, na mmom ɔsomane me kyɛ mmanga nzɛmba ne, bɔ memva kuro sona nworɛ yeɛ mekã ɔ, amaa Kristo mmeamudua ne wanyɛ mbaen.

1 Korintofoɛ 12:8

Sunzum ne ma sona ko kã nworɛ dwirɛ, né Sunzum komapɛ ne ala abukye sona foforɛ adwene nu ama ye nimdeɛ.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 2:13

Bɔ yɛkã ne, yɛmva kuro sona nworɛ yeɛ yɛfa yɛkyirekyire ɔ, na mmom bɔ Sunzum Krongron ne okyirekyire ɔ; na yɛfa sunzum nu nningyein yɛtoto sunzum nu nningyein nwo.

1 Korintofoɛ 4:4

Ofikyɛ me tiboa mmua me foɛ, nakoso ɛhe ngyire kyɛ mendɔ sii. Na Awurade yeɛ obua me ndɛen ɔ.

1 Korintofoɛ 5:8

Yiti nnɛmɔma yɛfa mɔle harewaa daa ne, bɔ ɔte bɔne ne amumuyɛɛ yɛdi aluolue ne, na mmom ɛ́mɔma yɛfa mɔle kabrɛdi bɔ ɔte adwene bɔ nu te ɔne nahorɛlilɛ ne yeɛ yɛli ɔ.

2 Korintofoɛ 1:17

Nzusuleɛ he bɔ nyɛle ye, aso okyire kyɛ m’adwene yɛ me ndaa ndaa anaa? Aso meyɛ me nhyehyɛleɛ wɔ anwoɔnaen nu, bɔ mekã “Yoo” a, né mesa mekyire “Daabi” ɔ?

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

2 Korintofoɛ 8:8

Mendwudwo nhyɛsoɛ so, na mmom mefa ebiemɔ mmɔdenbɔlɛ metoto ɔdɔ bɔ ɛmɔle ye ne anwo menea kyɛ sɛ ɔte kaenn a.

Galatiafoɛ 6:4

Yiti ma oso ye bɔbɔ ye adwuma nea, na ɛhe kɔmaa ɔkɔfa nikyee bɔ ye bɔbɔ wayɔ kɔhoahoa ye nwo, na ɔngɔfa ebie deɛ.

Ɛfesofoɛ 6:14

Yiti ɛ́mɔgyina pindinn, ɛ́mɔfa nahorɛ bɛyɛ abɔsoɛ bɛbɔ ɛmɔ yaase, ná ɛ́mɔfa tenenee bɛyɛ buralɛ bɛkata ɛmɔ hue so,

Filipifoɛ 1:10

amaa ɛmɔahora banwu nningyein bɔ ɔte paa, ná ɛmɔayɛ mmenia bɔ ɛmɔ bra te sannwuu bɔ ngekalewa biala nne ɛmɔ nwo ɔ, maa waadwu Kristo kyẽa ne,

1 Tɛsalonikafoɛ 2:10

Ɛmɔdi adanzeɛ, Nyameɛ koso sɔ ala, kyɛ yɛ suban bɔ yɛyele ye ali yɛhyirele ɛmɔ bɔ bɛte agyidifoɛ ne, ɔte krongron, ye nwo te, na ngekalewa biala nne ye nwo.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

Tito 2:7

Na nningyein mukoraa nu, tu wɔ nwo sie berɛ yɛ yɔleɛ paa nwo nhwɛsoɛ: Wɔ ngyerɛkyerɛ nu, da nahorɛlilɛ ne ahoneserɛ ali,

Hebrifoɛ 13:18

Ɛmɔhɔ so bɛbɔ mbaeɛ bɛma yɛ; ofikyɛ yɛde yɛdi kyɛ yɛ tiboa mmua yɛ foɛ, na yɛkuro kyɛ daa yɛdi dwirɛ paa wɔ yɛ brabɔlɛ nu.

Yakobo 4:6

Nakoso adom bɔ ɔfa ma ne, ɔsone pee. Na ye sɔ ati yeɛ Ahyerɛlɛ ne kã kyɛ, “Nyameɛ nye sa anwomasoɛfoɛ, na ɔdo anwobrɛaseɛfoɛ.”

Yosua 24:14

“Yiti ɛ́mɔsuro AWURADE ná ɛ́mɔso ye ferengyemm ne nahorɛ nu. Na mmosoen bɔ ɛmɔ nana mɔ sole bɛ wɔ asue Yufreti asi dɔ, ɔne Misraim nen, ɛ́mɔgyi bégua ná ɛ́mɔso AWURADE.

1 Petro 3:16

Ɛ́mɔma ɛmɔ tiboa obua ɛmɔ be, amaa sɛ bɛto ɛmɔ soen a, bɛ bɔ bɛkekã ɛmɔ Kristo nu bra paa ne nwo dwirɛ tɛɛ ne, bɛ nyunu agua ase.

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.