2 Korintofoɛ 1:10 - AHYERƐLƐ KRONGRON

¹⁰ Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

2 Korintofoɛ 1:10 Iomraidhean Croise

Edwein 34:19

Teneneeniɛ amaneɛ ɔsone, nakoso AWURADE pepɛ de ye fi ye mukoraa nu.

Yesaya 46:3

“O Yakob awuro ama, yeɛ Yisrael awuro ama bɔ baha ne amukoraa, bɔ madodo ɛmɔ ofite ɛmɔ aworɛ nu, bɔ magyi ɛmɔ fi bɛ kunu ɔ, ɛ́mɔyɛ asoɛ bétie me!

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Asomafoɛ 26:21

Ɔnate ɛhe ati Yudafoɛ hyele me wɔ asɔneyɛɛ sua nu bɔ ahaa bɛpena kyɛ beku me ɔ.

Romanfoɛ 15:31

ná ɔpepɛ le me fi bɛ bɔ benne nni bɔ bɛwɔ Yudea ne bɛ sa nu, ná me dwumadie bɔ mekwaali ye wɔ Yerusalem ne wasɔ anwoteefoɛ nemɔ nye;

2 Korintofoɛ 1:9

Yɛ bɔbɔ ala yɛtele nga wɔ yɛ nu kyɛ yawu yayie, nakoso ɛhe maa yamva yɛ nwo yando yɛ nwo so; na mmom yɛfale yɛ nwo yɛtole Nyameɛ bɔ otingye awufoɛ ne so.

2 Korintofoɛ 6:9

bayɛ kyɛ bɛnze yɛ nakoso bɛse yɛ paa, yayɛ kyɛ yawu nakoso amba, yɛte ase, bɛhyɛ yɛ anyeborolɛ, nakoso behhuni yɛ;

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

1 Samuel 17:37

Na AWURADE bɔ olele me fili gyata sa nu, ɔne kwabrafo sa nu ne, okole me kofi sɔ Filistiniɛ he sa nu.” Yeɛ Sɔɔlo sele Dawide kyɛ, “Kɔ, na mesrɛ kyɛ AWURADE ogyina wɔ si!”

1 Samuel 7:12

Afei Samuel fale nyɔboɛ penane Misepa ne Sɛn b’afia, ɔfrɛle nyɔboɛ ne Ebenesa, na ɔhane kyɛ, “Ɛwa yeɛ AWURADE waboka yɛ waadwu ɔ.”