1 Yohane 5:7 - AHYERƐLƐ KRONGRON

⁷ Adanzefoɛ nza yeɛ bɛwɔ berɛ ɔ:

1 Yohane 5:7 Iomraidhean Croise

Edwein 33:6

AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 18:16

Nakoso sɛ wandie a, fa sona ko anaa nyɔ boka wɔ nwo so, kyɛbɔ ɔkɔyɛ bɔ mmenia nyɔ anaa nza kɔyɛ edwirɛ ne nwo adanzefoɛ ɔ.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Yohane 1:1

Ahyɛaseɛ ne, né Edwirɛ ne wɔ berɛ, né Edwirɛ ne ne Nyameɛ yeɛ bɛwɔ berɛ ɔ, na Edwirɛ ne ala yeɛ ɔte Nyameɛ ɔ.

Yohane 10:30

Me ne Baba ne yɛte ko.”

Yohane 12:28

Baba, hyɛ wɔ dumaa animnyam!” Yeɛ komviɛ bie fili nyameɛso wale kyɛ, “Mahyɛ ye animnyam dada, na ngɔhyɛ ye animnyam bieku.”

Yohane 14:17

bɔ ye ole nahorɛ Sunzum bɔ ewiase ngora nne ye ndo nu ne; ofikyɛ onnwu ye, yeɛ ɔnze ye. Nakoso ɛmɔ de, ɛmɔse ye, ofikyɛ ɔne ɛmɔ yeɛ bɛte ɔ, na ɔkɔtena ɛmɔ nu.

Yohane 15:26

“Na Aworakyekyerɛniɛ ne, nahorɛ Sunzum bɔ ofi Baba ne berɛ, bɔ ngɔsoma ye ngɔbrɛ ɛmɔ ngofi Baba ne berɛ ne, sɛ ɔba a, ye yeɛ okoli me nwo adanzeɛ ɔ;

Yohane 5:26

Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ;

Yohane 8:18

Medi me bɔbɔ me nwo adanzeɛ, yeɛ Baba ne bɔ ɔsomane me ne koso odi me nwo adanzeɛ.”

Yohane 8:54

Na Yesu buale kyɛ, “Sɛ mehyɛ me nwo animnyam a, m’animnyam ne ɔtte huu. Me Baba bɔ ɛmɔnwa ɔte ɛmɔ Nyameɛ nen, ye yeɛ ɔhyɛ me animnyam ɔ.

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 5:32

Na yɛne Sunzum Krongron ne bɔ ɔte Nyameɛ akyɛdeɛ ma bɛ bɔ bɛyɛ sotie bɛma Nyameɛ ne yɛte edwirɛ he nwo adanzefoɛ.”

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

Deuteronomi 6:4

“Yisrael, tie, AWURADE yɛ Nyameɛ ne ole AWURADE komapɛ ne.

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

1 Yohane 5:6

Yesu Kristo yeɛ ole bɔ bafa nzue ne mogya bali ye walɛ ne nwo adanzeɛ ne. Nna nzue ngome, na mmom nzue ne mogya. Na Sunzum ne yeɛ odi adanzeɛ ɔ, ofikyɛ Sunzum ne ole nahorɛ ne.

1 Yohane 5:8

Sunzum ne, nzue ne, yeɛ mogya ne, na bɛ mmɛsa b’adanzeɛ ne te ko.

Nyekyire 19:13

Né owura ataadeɛ bie bɔ bafa bawura mogya nu ɔ, na ye dumaa li “Nyameɛ Dwirɛ.”