1 Yohane 5:10 - AHYERƐLƐ KRONGRON

¹⁰ Yiti ebiala bɔ ode Nyameɛ Awa ne di ne, ole sɔ adanzeɛ ne wɔ ye ahone nu. Nakoso ebiala bɔ onne Nyameɛ nni ne, ɔma Nyameɛ yɛ ngondomboniɛ, ofikyɛ onne adanzeɛ bɔ Nyameɛ wali wafa Ɔwa ne nwo nni.

1 Yohane 5:10 Iomraidhean Croise

YOB NWOMAA NE 24:25

Sɛ nna sɔ yeɛ ɔte hɔ a, nwa yeɛ ɔkɔhora kɔha kyɛ nde ngondomboniɛ ɔ, bɔ ɔkɔhora kohyire kyɛ nahorɛ nne me dwirɛ ne anu ɔ?”

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Anyandera 3:32

Ofikyɛ sona bɔ ɔte kanda ne, ɔte AWURADE akyiwadeɛ, nakoso teneneeniɛ de, AWURADE kã ye ti anu dwirɛ kyire ye.

Yesaya 53:1

Edwirɛ bɔ yahã ne, nwa yeɛ wale wali ɔ? Nwa yeɛ AWURADE tumi ne wala ali wahyire ye ɔ?

Yeremia 15:18

Nzu ati yeɛ m’amaneɛnwunɛ ye bo ɔmbɛ ye, bɔ me kena ɔngɔ ye, bɔ wayɛ koangɔ ye? Aso ɛ́yɛ kyɛ nnakannakaniɛ ma me, ɛ́yɛ kyɛ abura bɔ odi ngasi ɔ?

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 3:18

Ebiala bɔ ode ye di ne, bemmua ye foɛ; nakoso bɔ onne nni ne de, babua ye foɛ dada, ofikyɛ onne Nyameɛ Awa komapɛ ne dumaa nni.

Yohane 3:33

Ebiala bɔ ode ye adanzeɛ ne to nu ne, osi ye pi kyɛ Nyameɛ te nahorɛniɛ.

Yohane 5:38

yeɛ ɛmɔmma ye dwirɛ ne ndena ɛmɔ nu, ofikyɛ bɔ ɔsomane ye ne, ɛmɔnne ye benni.

Asomafoɛ 8:37

[Na Filipo buale kyɛ, “Sɛ ede di bɔkɔɔ wɔ w’ahone nu de a, bɛbɔ wɔ asu a ɔyɛ yee.” Na ye koso obuale ye kyɛ, “Mede medi kyɛ Yesu Kristo ole Nyameɛ Awa ne.”]

Romanfoɛ 8:16

Sunzum ne bɔbɔ ɔne yɛ sunzum bedi adanzeɛ kyɛ yɛte Nyameɛ mma.

Galatiafoɛ 4:1

Ɛhe yeɛ mekyire ɔ: mmerɛ bɔ koliagyaa ne te akwadaa ne de, nzonzoleɛ biala nne ye ne akoaa bɛ nu, nakoso agyapadeɛ ne amukoraa te ye deɛ.

Galatiafoɛ 4:6

Na ɔnate kyɛ ɛmɔte mmaa ne ati, Nyameɛ asoma Ɔwa ne Sunzum maa waatena ɛmɔ ahone nu, bɔ ɔtea nu kyɛ “Abba! Baba!”

Kolosefoɛ 3:3

Ofikyɛ ɛmɔawu, na bafa ɛmɔ ngoa ne Kristo basie Nyameɛ nu.

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.

1 Yohane 1:10

Na sɛ yɛkã kyɛ yɛyyɔle bɔne a, né yama wayɛ ngondomboniɛ, yeɛ ye dwirɛ ne koso ɔtte yɛ nu.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.

Nyekyire 12:17

Afei sasrabɔnzam ne fɛle braa ne so yaa, na ɔɔfale koɛ toale ye bosofoɛ ngaa bɔ bedi Nyameɛ ahyɛdeɛ so, ná betira Yesu Kristo adanzeɛ nu ne.

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 2:28

Na ngɔfa Ngyerɛmɔ Nzramaa ne ngɔma ye.