1 Yohane 4:9 - AHYERƐLƐ KRONGRON

⁹ Kyɛbɔ Nyameɛ yele ye dɔ ne ali wɔ yɛ nu ɛhe: Nyameɛ somane Ɔwa komapɛ twe ne maa ɔwale wiase, amaa ɔnate ye so yanya ngoa.

1 Yohane 4:9 Iomraidhean Croise

Gyenesise 22:2

Na Nyameɛ sele kyɛ, “Fa ɛwa ne, ɛwa komapɛ twe Yisake, bɔ ɔla w’ahone nwo ne, kɔ Moria aseɛ so, ná fa ye bɔ naen yeralɛ afɔleɛ wɔ berɛ, wɔ mmokaa nemɔ nu ko bɔ ngohyire wɔ ne aso.”

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Marko 12:6

Afei né waha ye sona ko: ɔte ɔwa bɔ ɔla ye ahone nwo ɔ. Nziɛ ye, ɔsomane ye bɛ berɛ, na osele kyɛ, ‘Mma ne de, bɛkɔfa anidie bɛkɔma ye.’

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Yohane 10:10

Awueniɛ ne ɔmma, sana ɔbaawua, ná oku, ná ɔsɛkye; nakoso me de, mmale kyɛ bekonya ngoa, ná banya ye mmorosoɛ ɔ.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 3:18

Ebiala bɔ ode ye di ne, bemmua ye foɛ; nakoso bɔ onne nni ne de, babua ye foɛ dada, ofikyɛ onne Nyameɛ Awa komapɛ ne dumaa nni.

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Yohane 6:29

Na Yesu buale bɛ kyɛ, “Bɔ ɔte Nyameɛ adwuma ɛhe, kyɛ ɛmɔkole bɔ wasoma ye ne bekoli ɔ.”

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

Yohane 6:57

Kyɛbɔ Baba teasefoɛ ne ɔsomane me nen, sɔ ala yeɛ Baba ne ati nde ase ɔ; yiti ebiala bɔ odi me nwonaen nen, me ti ɔkɔtena ase.

Yohane 8:29

Na bɔ ɔsomane me ne, ɔboka me so; ɔyyakyili me ngome nu, ofikyɛ meyɔ bɔ ɔsɔ ye nye mmerɛ biala.”

Yohane 8:42

Yeɛ Yesu buale bɛ kyɛ, “Sɛ ɛmɔ Baba ole Nyameɛ a, ahaa ɛmɔkohuro me dwirɛ, ofikyɛ Nyameɛ nu yeɛ mvi mmale ɔ. Mamva me bɔbɔ me tumi so yeɛ mmale ɔ, na ye yeɛ ɔsomane me ɔ.

Yohane 9:3

Na Yesu buale kyɛ, “Nna biaa he, anaa ye awofoɛ yeɛ bɛyɔle bɔne ɔ; na mmom kyɛ Nyameɛ nnwumaa kɔla ali wɔ ye nu ti ɔ.

Romanfoɛ 8:32

Sɛ wamva ye bɔbɔ Ɔwa wammɔ atianuserɛ, na mmom yɛ mukoraa yɛ ti ɔyele ye mane a, ɔkɔyɛ sɛɛ bɔ ɔngɔfa nningyein mukoraa ngɔboka ye so ngɔma yɛ ɔ?

Hebrifoɛ 1:5

Ɔnate kyɛ, abɔfo mɔ nu beni yeɛ Nyameɛ ahã ahyire ye le kyɛ, “Ɛte Mma, na ɛnɛ mayɛ wɔ Baba” ɔ? Anaakyɛ, “Ngɔyɛ ye Baba, na ye wora wayɛ Mma” ɔ?

1 Yohane 3:16

Na ɛhe yeɛ ɔmaa yɛnwu kyɛbɔ ɔdɔ si te ɔ: Kristo fale ye ngoa tole berɛ mane yɛ, na yɛ koso odi kyɛ yɛfa yɛ ngoa yɛto berɛ yɛma aliɛmaa nemɔ.

1 Yohane 4:10

Bɔ okyire ɔdɔ ɛhe: nna kyɛ yɛ yeɛ yɛhurole Nyameɛ dwirɛ ɔ, na mmom ye yeɛ ohurole yɛ dwirɛ ná ɔsomane Ɔwa ne maa ɔɔyɛle yɛ bɔne nwo mbata ɔ.

1 Yohane 4:16

Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.

1 Yohane 5:11

Adanzeɛ ne ɛhe: Nyameɛ ama yɛ daa ngoa, na sɔ ngoa ne wɔ Ɔwa ne anu.

1 Yohane 5:13

Mekyerɛ ɛhemɔ mebrɛ ɛmɔ bɔ ɛmɔde Nyameɛ Awa ne dumaa bedi ne, amaa ɛmɔanwu kyɛ ɛmɔle daa ngoa, na ɛmɔahɔ so bale Nyameɛ Awa ne dumaa bali.