1 Yohane 4:7 - AHYERƐLƐ KRONGRON

⁷ Aliɛmaa mɔ, ɛ́mɔma yɛhurohuro yɛ nwo dwirɛ, ofikyɛ ɔdɔ fi Nyameɛ berɛ, na ebiala bɔ ole ɔdɔ ne te Nyameɛ awa, na ɔse Nyameɛ.

1 Yohane 4:7 Iomraidhean Croise

Yohane 13:34

Ahyɛdeɛ foforɛ yeɛ mefa mema ɛmɔ ɔ, kyɛ ɛmɔhurohuro ɛmɔ nwo dwirɛ; na kyɛbɔ mahuro ɛmɔ dwirɛ nen, sɔ ala yeɛ ɛmɔ koso ɛmɔhurohuro ɛmɔ nwo dwirɛ ɔ!

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

1 Korintofoɛ 8:3

Na sona bɔ okuro Nyameɛ dwirɛ nen, ye yeɛ Nyameɛ se ye ɔ.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Galatiafoɛ 4:9

Nakoso kekesaala ye bɔ ɛmɔanwu Nyameɛ ye, anaa Nyameɛ anwu ɛmɔ ye de, nzu ati yeɛ ɛmɔsa bɛ si bieku bɛkɔ sunzum mɔ bɔ bɛyɛ mmerɛ na bɛ nwo anwumvoin berɛ, na ɛmɔpena kyɛ ɛmɔkɔyɛ bɛ ngoaa bieku ɔ?

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

2 Timoteo 1:7

ofikyɛ Nyameɛ amma yɛ esurolɛ sunzum, na mmom tumi ne ɔdɔ ne anwohyɛsoɛ sunzum.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Yohane 2:10

Sona bɔ okuro oliɛma dwirɛ ne te kanea ne anu, na nikye fee nne ye nu bɔ ɔto ebie sundidua ɔ.

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

1 Yohane 2:3

Sɛ yɛdi ye ahyɛdeɛ so a, yeɛ okyire kyɛ yɛse ye ɔ.

1 Yohane 2:4

Na sona bɔ ɔkã kyɛ, “Mese ye”, nakoso onni ye ahyɛdeɛ so ne, ɔte ngondomboniɛ, na nahorɛ nne ye nu.

1 Yohane 2:7

Aliɛmaa mɔ, nna ahyɛdeɛ foforɛ, na mmom ahyɛdeɛ daa ne ala bɔ ahyɛaseɛ ne ɛmɔnyane ye ne yeɛ mekyerɛ mebrɛ ɛmɔ ɔ. Na sɔ ahyɛdeɛ daa ne ole edwirɛ bɔ ɛmɔate fite ahyɛaseɛ ne.

1 Yohane 3:9

Ebiala bɔ Nyameɛ awo ye ne, ɔnyɔ bɔne, ofikyɛ ye sue ne te ye nu, na ɔngora nyɔ bɔne, ofikyɛ Nyameɛ yeɛ wawo ye ɔ.

1 Yohane 4:11

Aliɛmaa mɔ, sɛ sɔ yeɛ Nyameɛ kuro yɛ dwirɛ a, ye de odi kyɛ yɛ koso yɛkurokuro yɛ nwo dwirɛ.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.

1 Yohane 4:16

Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.

1 Yohane 4:20

Na sɛ ebie kã kyɛ “Mekuro Nyameɛ dwirɛ”, nakoso ɔpɔ oliɛma a, né ɔte ngondomboniɛ, ofikyɛ sɛ ebie nguro oliɛma bɔ onwu ye ne dwirɛ a, ɔkɔyɛ sɛɛ ná wahora wahuro Nyameɛ bɔ onnwu ye ne dwirɛ?

1 Yohane 4:8

Nakoso ebiala bɔ olle ɔdɔ ne, ɔnze Nyameɛ, ofikyɛ Nyameɛ te ɔdɔ.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.

2 Yohane 1:5

Yiti afei, bra panyi, mesrɛ wɔ kyɛ ɛ́mɔma yɛhurohuro yɛ nwo dwirɛ; nna kyɛ mmeraa foforɛ yeɛ mekyerɛ mebrɛ ɛmɔ ɔ, na mmom mmeraa bɔ yɛnyane ye fili ahyɛaseɛ ne ala ɔ.