1 Yohane 4:18 - AHYERƐLƐ KRONGRON

¹⁸ Esuronyi nne ɔdɔ nu, na mmom ɔdɔ bɔ odi mu ne, otutu esuronyi bo, ofikyɛ esuronyi ne asohwenɛ nwo ahunundetelɛ yeɛ bɛnate ɔ, na ebiala bɔ osuro ne, ye ɔdɔ nni mu.

1 Yohane 4:18 Iomraidhean Croise

YOB NWOMAA NE 15:21

Ahunundetelɛ ma ye so anu ndɔ ye, na ye asomdwee mmerɛ nu po, sɛkyefoɛ ne ba ye so.

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 73:19

Nea, b’ayieleɛ yie bɛ mvum nu, bɔ amaneɛ ama bɛ boso anua koraa!

Mateo 9:34

Nakoso Farasiifoɛ nemɔ hane kyɛ, “Sunzummɔne mɔ panyi ye tumi yeɛ ɔfa tutu sunzummɔne mɔ ɔ.”

Romanfoɛ 8:15

Ofikyɛ ɛmɔannya ngoaayɛlɛ sunzum bɔ ɔkɔmaa ɛmɔkosa bekosuro ɔ; na mmom baayɛlɛ Sunzum yeɛ ɛmɔanya ɔ, bɔ ɔmaa yɛtea nu kyɛ: “Abba! Baba!”

2 Timoteo 1:7

ofikyɛ Nyameɛ amma yɛ esurolɛ sunzum, na mmom tumi ne ɔdɔ ne anwohyɛsoɛ sunzum.

Hebrifoɛ 12:28

Na ɔnate kyɛ yanya Ahennie bɔ ɔnwoso ne ati, ɛ́mɔma yɛ́fa asennaa yɛma Nyameɛ ná yɛfa esuronyi ne ebuo yɛsɔne ye kyɛbɔ ɔsɔ anyeɛ ɔ,

Yakobo 2:19

Yeɛ ede di kyɛ Nyameɛ te komapɛ? Ayɔ nikye, sunzummɔne mɔ po bede bedi, na bɛ nwo wosowoso bɛ.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.