1 Yohane 4:16 - AHYERƐLƐ KRONGRON

¹⁶ Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.

1 Yohane 4:16 Iomraidhean Croise

Edwein 31:19

Ao, wɔ lolɛ bɔ ahyehyɛ ato berɛ ama bɛ bɔ besuro wɔ ne, ɔyɛ nwanwa soma! Bɛ bɔ bɛnwati bɛbafea wɔ nu ne, ye yeɛ ɛfa bɔ bɛ nwo waen bɔ adasa bɛ nye tua ɔ!

Yesaya 64:4

Ofi tetetete yeɛ mmenia bennya bɛttele, anaa ɔppɛle bɛ so anu ɔ, yeɛ anyeɛ biala koso onnwuni Nyameɛ bɔ ɔte kyɛ wɔ bɔ ɔko ma bɛ bɔ bɛ wora wura ye nu kyɛ wɔ ɔ.

Yohane 6:69

na yale yali, na yanwu ye kyɛ wɔ ole Nyameɛ ye Krongronniɛ ne.”

Yohane 9:3

Na Yesu buale kyɛ, “Nna biaa he, anaa ye awofoɛ yeɛ bɛyɔle bɔne ɔ; na mmom kyɛ Nyameɛ nnwumaa kɔla ali wɔ ye nu ti ɔ.

1 Korintofoɛ 2:9

Nakoso bahyerɛ kyɛ, “Bɔ anyeɛ nnwuni ye, anaa bɔ asoɛ ɔttele ye le, anaa bɔ ebiala ɔddwenene ye nwo le ne, yeɛ ɔte nikyee bɔ Nyameɛ asiesie ama bɛ bɔ bekuro ye dwirɛ ɔ.”

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.

1 Yohane 3:16

Na ɛhe yeɛ ɔmaa yɛnwu kyɛbɔ ɔdɔ si te ɔ: Kristo fale ye ngoa tole berɛ mane yɛ, na yɛ koso odi kyɛ yɛfa yɛ ngoa yɛto berɛ yɛma aliɛmaa nemɔ.

1 Yohane 3:24

Na ebiala bɔ odi Nyameɛ ahyɛdeɛ so ne, ɔte ye nu, na ye koso ɔte ye nu. Na bɔ ɔmaa yɛnwu kyɛ ɔte yɛ nu ole Sunzum ne bɔ wafa wama yɛ ne.

1 Yohane 4:7

Aliɛmaa mɔ, ɛ́mɔma yɛhurohuro yɛ nwo dwirɛ, ofikyɛ ɔdɔ fi Nyameɛ berɛ, na ebiala bɔ ole ɔdɔ ne te Nyameɛ awa, na ɔse Nyameɛ.