1 Yohane 4:1 - AHYERƐLƐ KRONGRON

¹ Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

1 Yohane 4:1 Iomraidhean Croise

1 Ahemvo 13:18

Yeɛ ngɔmhyɛlɛniɛ aworowaa ne sele ye kyɛ, “Me koso nde ngɔmhyɛlɛniɛ kyɛ wɔ ala. Na abɔfo nate AWURADE dwirɛ so wahã wahyire me kyɛ, ‘Kɔhã kyire ye maa osa ye si ɔbra w’awuro wa oodidi na ɔno nzue.’ ” Nakoso né ngɔmhyɛlɛniɛ aworowaa ne ɔlakalaka ye.

Anyandera 14:15

Sona bɔ ye adwene te kãa ne, ode edwirɛ biala di, nakoso badwemma de, ɔdwene ye agyirɛtulɛ nwo yé.

Yeremia 14:14

Na AWURADE sele me kyɛ, “Ngɔmhyɛlɛfoɛ nemɔ bɛfa me dumaa bɛhyɛ ngɔndorɔ. Nnzomane bɛ, mmmane bɛ ahyɛdeɛ biala, yeɛ nngane edwirɛ biala nngyirele bɛ. Ngondombo nyekyire, ngonyaayelɛ, edwirɛ mbaen mbaen ne bɛ bɔbɔ bɛ ti anu dwirɛ yeɛ bɛhyɛ ye nwo ngɔm bekyire ɛmɔ ɔ.

Yeremia 23:16

Bɔ Asafo AWURADE kã ɛhe: Ngɔmhyɛlɛfoɛ bɔ bɛhyɛ ngɔm bekyire ɛmɔ ne, nnɛma ɛmɔtie bɛ, na bɛlakalaka ɛmɔ. Bɛbɔ bɛ bɔbɔ bɛ ti anu bɛkã nyekyire bɔ nna AWURADE noa dwirɛ ahɔ ɔ.

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Marko 13:21

“Na sɛ ebie kã kyire ɛmɔ kyɛ, ‘Nea, Kristo ne wɔ wa!’ anaakyɛ, ‘Nea, ye yeɛ ɔwɔ dɔ ne!’ a, nnɛma ɛmɔde bedi.

Luka 12:57

“Na nzu ati yeɛ ɛmɔ bɔbɔ ɛmɔmmu bɔ ɔtengyɛ nwo ndɛen ɔ?

Luka 21:8

Yeɛ Yesu buale kyɛ, “Ɛ́mɔla ɛmɔ nwo so ná bannakalaka ɛmɔ; ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ ɔne kyɛ ‘Mmerɛ ne adwu!’ Yiti nnɛma ɛmɔdi bɛ si.

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

Asomafoɛ 20:29

Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa.

1 Korintofoɛ 12:10

Sunzum ne ma sona ko anwanwadeɛyɔlɛ tumi, né wama sona foforɛ koso ngɔmhyɛlɛ tumi. Ɔma ebie anyeɛ bɔ ɔfa nwu sunzum ahoroɔ nu nzonzoleɛ ɔ; ɔma ebie edwudwolɛ ahoroɔ tumi, né wama ebie koso tumi bɔ ɔfa kyire edwudwolɛ ahoroɔ bo ɔ.

1 Korintofoɛ 14:29

Na ngɔmhyɛlɛfoɛ ne de, ma mmenia nyɔ anaa nza bedwudwo, na bɛ ngaa ne bua edwirɛ ne nwo ndɛen.

1 Tɛsalonikafoɛ 5:20

nnɛma ɛmɔbu ngɔmhyɛlɛ animtia,

1 Tɛsalonikafoɛ 5:21

na mmom ɔsɛ kyɛ ɛmɔso nningyein amukoraa bɛnea: na bɔ ɔte paa ne, ɛ́mɔsɔ nu yé,

2 Tɛsalonika 2:2

Nyekyire, anaa edwirɛ anaa krataa bɔ ebiemɔ nwa ofi yɛ berɛ ne, bɔ okyire kyɛ Awurade kyẽa ne wawa nen, nnɛmɔma ɛmɔ ti anu yɛ ɛmɔ kesenee ndɛndɛ wɔ ye nwo, anaa nnɛmɔma ɔha ɛmɔ.

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

1 Yohane 2:18

Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.

1 Yohane 2:7

Aliɛmaa mɔ, nna ahyɛdeɛ foforɛ, na mmom ahyɛdeɛ daa ne ala bɔ ahyɛaseɛ ne ɛmɔnyane ye ne yeɛ mekyerɛ mebrɛ ɛmɔ ɔ. Na sɔ ahyɛdeɛ daa ne ole edwirɛ bɔ ɛmɔate fite ahyɛaseɛ ne.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.

Nyekyire 2:2

Mese wɔ nnwumaa, wɔ fɛɛ ne w’animia, ɔne kyɛbɔ ɛngora nzosɔ bɔnefoɛ so, ná mmom aso bɛ bɔ bɛnwa bɛte asomafoɛ nakoso bɛtte asomafoɛ ɔ anea, na anwu bɛ kyɛ bɛte ngondombofoɛ.