1 Yohane 3:5 - AHYERƐLƐ KRONGRON

⁵ Ɛmɔse kyɛ ɔwale kyɛ ɔbaasoa yɛ bɔne kɔ; na ye de bɔne nne ye nwo.

1 Yohane 3:5 Iomraidhean Croise

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Luka 23:41

Yɛ deɛ ne de, ɔfata yɛ; ofikyɛ bɔ yayɔ ne, ye nwo akatuaa yeɛ yanya ye ne; nakoso biaa he de, ɔyyɔle bɔne nikyee biala bɔ ɔtte mayee ɔ.”

Luka 23:47

Na asraafoɛ ɛyaa so panyi ne nwuni bɔ wasi nen, ɔyele Nyameɛ ayɛ, na ɔhane kyɛ, “Amba, biaa he te teneneeniɛ!”

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 1:31

Me bɔbɔ de, ahaa menze ye; nakoso mmale kyɛ mebaafa nzue mebɔ asu, kyɛbɔ ɔkɔyɛ bɔ bɛkɔye ye bekohyire Yisrael ɔ.”

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

Yohane 8:46

Ɛmɔ nu nwa yeɛ obua me foɛ wɔ bɔne bie nwo ɔ? Na sɛ mekã nahorɛ ne a, nzu ati yeɛ ɛmɔnne me benni ɔ?

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

Hebrifoɛ 9:26

Na sɛ ɔtte sɔ de a, ahaa ɔsɛ kyɛ Kristo taa nwu amaneɛ fite kyɛ Ɛdangama bɔle aleɛ ɔ. Nakoso waye ye nwo ali komapɛ wɔ mmerɛ bɔ ewiase kɔ ye ayieleɛ ye, na wafa ye bɔbɔ ye nwo wabɔ afɔleɛ wakyikyi bɔne.

Hebrifoɛ 9:28

sɔ ala yeɛ Kristo bɔ bɛfale ye bɛbɔle afɔleɛ komapɛ kyɛ ɔsoa mmeni pee bɛ bɔne ne, okosa kɔwa ye pɛen so ɔ; ɔmmangyikyi bɔne, na mmom ɔbaale bɛ bɔ bɛ́nea ye ate nemɔ ngoa.

1 Petro 1:18

Ofikyɛ ɛmɔse kyɛ, bra fiɛ bɔ ɛmɔ nana mɔ fa yakyili ɛmɔ ne, nna nningyein bɔ bɛporɔ te kyɛ ɛdwetɛ anaa sikaa kɔkorɛ yeɛ bɛfa bɛyɛle ɛmɔ ti nyɔboɛ bɛpɔle ɛmɔ befili nu ɔ,

1 Petro 1:20

Ye yeɛ bɛyele ye besiele berɛ koraka yeɛ bɛbaabɔ wiase ɔ, nakoso ɔnate ɛmɔ ti yeɛ bala ye ali bahyire wɔ mmerɛ bɔ oli nziɛ ye anu ɔ.

1 Petro 2:22

Ye de, wanyɔ bɔne, biala, yeɛ ngondombo dwirɛ biala amvi ye noa.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

1 Yohane 1:2

sɔ ngoa ne yele ye nwo ali, na yanwu ye, yɛdi ye nwo adanzeɛ, na daa ngoa bɔ né ɔne Baba ne wɔ berɛ na afei bɛyele ye ali behyirele yɛ ne yeɛ yɛbɔ ye nwo dawure yɛkyire ɛmɔ ye.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 2:1

Me ngwadaa mɔ, mekyerɛ he mebrɛ ɛmɔ amaa ɛmɔanyɔ bɔne. Nakoso sɛ ebie yɔ bɔne a, yɛle kamafoɛ wɔ Baba ne nyunu bɔ ye ole teneneeniɛ Yesu Kristo.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,