1 Yohane 3:23 - AHYERƐLƐ KRONGRON

²³ Na ye ahyɛdeɛ ne kyire kyɛ yɛle ɔwa Yesu Kristo dumaa ne yɛli, ná yɛhurohuro yɛ nwo dwirɛ kyɛbɔ wafa ahyɛdeɛ wama yɛ ne.

1 Yohane 3:23 Iomraidhean Croise

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Mateo 22:39

Na bɔ ɔtɔ so nyɔ ne koso ɔte kyɛ ɛhene ala: Kuro ebiɛngo dwirɛ kyɛ wɔ bɔbɔ wɔ nwo!

Marko 9:7

Yeɛ munungum bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ne ɛhe, ɛmɔtie ye!”

Yohane 1:12

Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma;

Yohane 13:34

Ahyɛdeɛ foforɛ yeɛ mefa mema ɛmɔ ɔ, kyɛ ɛmɔhurohuro ɛmɔ nwo dwirɛ; na kyɛbɔ mahuro ɛmɔ dwirɛ nen, sɔ ala yeɛ ɛmɔ koso ɛmɔhurohuro ɛmɔ nwo dwirɛ ɔ!

Yohane 14:1

“Nnɛmɔma ɛmɔ wora bɔ! Ɛmɔ de, ɛmɔle Nyameɛ beli, ná ɛmɔle me koso beli.

Yohane 15:12

M’ahyɛdeɛ ne ɛhe: kyɛ ɛmɔhurohuro ɛmɔ nwo dwirɛ, kyɛbɔ mahuro ɛmɔ dwirɛ ne.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Yohane 2:23

Mmerɛ bɔ Yesu wɔ Yerusalem bɔ né bedi Abɔtra aluolue nen, mmeni pee lele ye dumaa lili, ɔnate nzɛngyerɛnneɛ bɔ benwuni kyɛ ɔyɔ ne ati.

Yohane 3:18

Ebiala bɔ ode ye di ne, bemmua ye foɛ; nakoso bɔ onne nni ne de, babua ye foɛ dada, ofikyɛ onne Nyameɛ Awa komapɛ ne dumaa nni.

Yohane 6:29

Na Yesu buale bɛ kyɛ, “Bɔ ɔte Nyameɛ adwuma ɛhe, kyɛ ɛmɔkole bɔ wasoma ye ne bekoli ɔ.”

Asomafoɛ 16:31

Bebuale ye kyɛ, “Dé Awurade Yesu di na ɛne w’awuro ama konya daa ngoa.”

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

1 Tɛsalonikafoɛ 4:9

Onhia kyɛ ngɔhyerɛ ngɔkɔbrɛ ɛmɔ kyɛ ɛmɔhurohuro ɛmɔ aliɛma mɔ bɛ dwirɛ ɔ, ofikyɛ Nyameɛ ahyirehyire ɛmɔ kyɛ ɛmɔhurohuro ɛmɔ nwo dwirɛ.

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Petro 4:8

Bɔ ɔtra so ɔ, ɛmɔhurohuro ɛmɔ nwo dwirɛ nahorɛ nu, ofikyɛ ɔdɔ kata bɔne pee so.

1 Yohane 2:7

Aliɛmaa mɔ, nna ahyɛdeɛ foforɛ, na mmom ahyɛdeɛ daa ne ala bɔ ahyɛaseɛ ne ɛmɔnyane ye ne yeɛ mekyerɛ mebrɛ ɛmɔ ɔ. Na sɔ ahyɛdeɛ daa ne ole edwirɛ bɔ ɛmɔate fite ahyɛaseɛ ne.

1 Yohane 3:11

Edwirɛ bɔ ɛmɔate fi ahyɛaseɛ ne ɛhe: kyɛ yɛhurohuro yɛ nwo dwirɛ.

1 Yohane 4:15

Na ebiala bɔ ɔpakye nu kã kyɛ Yesu ole Nyameɛ Awa nen, Nyameɛ te ye nu, na ye koso ɔte Nyameɛ nu.

1 Yohane 4:21

Na ahyɛdeɛ bɔ wafa wama yɛ ɛhe: ebiala bɔ okuro Nyameɛ dwirɛ ne, odi kyɛ okuro oliɛma koso dwirɛ.

1 Yohane 5:13

Mekyerɛ ɛhemɔ mebrɛ ɛmɔ bɔ ɛmɔde Nyameɛ Awa ne dumaa bedi ne, amaa ɛmɔanwu kyɛ ɛmɔle daa ngoa, na ɛmɔahɔ so bale Nyameɛ Awa ne dumaa bali.