1 Yohane 3:22 - AHYERƐLƐ KRONGRON

²² Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.

1 Yohane 3:22 Iomraidhean Croise

YOB NWOMAA NE 22:26

ye de ekonya anika wɔ Tuminiɛ ne anu, ná ama wɔ nye so anea Nyameɛ.

Edwein 10:17

Ao AWURADE, etie anwobrɛaseɛniɛ ye abisadeɛ; ɛhyɛ ye nguraen, etie ye sufrɛ,

Edwein 34:4

Mbenane AWURADE si atee, na obuale me, na ɔpepɛ lele me fili nikyee bɔ mesuro biala ɔ nu.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Anyandera 15:29

AWURADE ne bɔnefoɛ b’afia atee wale, nakoso teneneefoɛ de, otie bɛ mbaeɛ.

Anyandera 28:9

Sɛ ebie prapra ye so asi wɔ mmeraa ne anwo a, ye mbaeɛ po ɔte akyiwadeɛ.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 21:22

Na nikyee biala bɔ ɛmɔkobisa ye wɔ mbaeɛbɔlɛ nu, ná ɛmɔde bedi nen, ɛmɔ sa kɔhã ye.”

Marko 11:24

Yiti, mekã mekyire ɛmɔ kyɛ: Nikyee biala bɔ ɛmɔbisa wɔ mbaeɛbɔlɛ nu ne, ɛmɔle beli kyɛ ɛmɔ sa kɔhã ye, na ɔkɔyɛ berɛ kɔma ɛmɔ.

Yohane 14:13

Na nikyee biala bɔ ɛmɔkɔsrɛ ye me dumaa nu ne, ngɔyɔ, amaa ɔnate so Baba ne anya animnyam wɔ Baa ne nu.

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Yohane 6:29

Na Yesu buale bɛ kyɛ, “Bɔ ɔte Nyameɛ adwuma ɛhe, kyɛ ɛmɔkole bɔ wasoma ye ne bekoli ɔ.”

Yohane 8:29

Na bɔ ɔsomane me ne, ɔboka me so; ɔyyakyili me ngome nu, ofikyɛ meyɔ bɔ ɔsɔ ye nye mmerɛ biala.”

Yohane 9:31

Yɛse kyɛ Nyameɛ ndie bɔnefoɛ mɔ, nakoso sɛ ebie sɔne Nyameɛ ná ɔyɛ ye apɛdeɛ a, ye yeɛ Nyameɛ tie ye ɔ.

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Yakobo 4:3

Ɛmɔbisa, na ɛmɔ sa nga ye, ofikyɛ nna adwene paa yeɛ ɛmɔfa bebisa ɔ, kyɛbɔ ɔkɔmaa ɛmɔkɔfa bɛkɔyɔ bɔ ɛmɔ akɔnnɔ kuro ɔ.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.

1 Yohane 2:3

Sɛ yɛdi ye ahyɛdeɛ so a, yeɛ okyire kyɛ yɛse ye ɔ.

1 Yohane 5:14

Na anyelasoɛ bɔ yɛle wɔ ye nu ne ole kyɛ, sɛ yɛbisa nikyee biala kyɛbɔ ye pɛ te a, otie yɛ.