1 Yohane 3:2 - AHYERƐLƐ KRONGRON

² Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

1 Yohane 3:2 Iomraidhean Croise

YOB NWOMAA NE 19:26

Na sɛ anwonyerɛ didi me wereɛ sɛkye ye yie a, ndɛ wɔ anwoɔnaen nu ye de, ngonwu Nyameɛ.

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Edwein 31:19

Ao, wɔ lolɛ bɔ ahyehyɛ ato berɛ ama bɛ bɔ besuro wɔ ne, ɔyɛ nwanwa soma! Bɛ bɔ bɛnwati bɛbafea wɔ nu ne, ye yeɛ ɛfa bɔ bɛ nwo waen bɔ adasa bɛ nye tua ɔ!

Yesaya 56:5

ngɔma bɛ ngayeɛ nikyee ne dumaa wɔ m’awuro ɔne me fasue ne akunu, na sɔ nningyein nemɔ bedi mu bɛtra mmaa mmienzua ne mmaa mmrasua. Ngɔma bɛ dumaa afebɔɔ bɔ ongomini le ɔ.

Malaki 3:2

Nakoso kyẽa bɔ ɔ́ba ne, nwa yeɛ ɔkɔhora kogyina ye noa ɔ? Ɔye ye nwo ali a, nwa yeɛ ɔkɔhora kogyina ye nyunu ɔ? “Ofikyɛ ɔte kyɛ sona bɔ ohuro buralɛ ɔ ye see ne, ɔne bɔ ɔkɔ atapoɛ ɔ ye saminaen;

Mateo 5:8

“Bɛ bɔ bɛ ti anu te fufue ne banya saleɛ, ofikyɛ bɛ yeɛ bekonwu Nyameɛ ɔ.

Luka 17:30

Na sɔ ala yeɛ ɔkɔyɛ ɔ wɔ kyẽa bɔ Sona Awa ne kɔye ye nwo ali ne.

Luka 20:36

na bɛngora benwu ko; ofikyɛ bɛtɛ kyɛ abɔfo mɔ, na bɛte Nyameɛ mma, ofikyɛ bɛte ewutingyelɛ nu mmaa.

Yohane 1:12

Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma;

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Romanfoɛ 8:16

Sunzum ne bɔbɔ ɔne yɛ sunzum bedi adanzeɛ kyɛ yɛte Nyameɛ mma.

Romanfoɛ 8:18

Mebu amaneɛ bɔ yɛnwu ye kekesaala ye ne kyɛ, yɛngora yɛngɔfa ngɔtoto animnyam bɔ bɛbaala ye ali bekyire yɛ ne anwo.

Romanfoɛ 8:19

Na abɔdeɛ ɔnwondɛ serɛserɛ kyɛ bɛkɔla Nyameɛ mma nemɔ ali ɔ.

Romanfoɛ 8:29

Bɛ bɔ onwuni bɛ siele ne, osa tuli bɛ siele berɛ, kyɛ benya Ɔwa ne sue ne bie, amaa ɔnate so wayɛ aliɛmaa mɔ pee nu bamuɛbaa.

1 Korintofoɛ 13:12

Kekesaala ye de, yɛnwu nikyee wusiwusi wɔ neanu nu. Nakoso kyẽa bie yɛkonwu ye pefee. Kekesaala ye de, bɔ mese ne onni mu, nakoso kyẽa bie okoli mu kyɛbɔ Nyameɛ koso se me ne.

1 Korintofoɛ 15:49

Na kyɛbɔ yanya bɔ ofi nnɛterɛ nu ne sona sue nen, sɔ ala yeɛ yɛkonya bɔ ofi nyameɛso ne sue ɔ.

1 Korintofoɛ 2:9

Nakoso bahyerɛ kyɛ, “Bɔ anyeɛ nnwuni ye, anaa bɔ asoɛ ɔttele ye le, anaa bɔ ebiala ɔddwenene ye nwo le ne, yeɛ ɔte nikyee bɔ Nyameɛ asiesie ama bɛ bɔ bekuro ye dwirɛ ɔ.”

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:17

Ofikyɛ kekesaala ye amaneɛ kãa bɔ yɛnwu ye ne, osiesie yɛ ma animnyam kandinga bɔ ɔwɔ berɛ afebɔɔ, bɔ ɔtra so ɔ.

Galatiafoɛ 3:26

Ofikyɛ ɛmɔ amukoraa bɛnate gyidie so bɛte Nyameɛ mma wɔ Kristo Yesu nu.

Galatiafoɛ 4:6

Na ɔnate kyɛ ɛmɔte mmaa ne ati, Nyameɛ asoma Ɔwa ne Sunzum maa waatena ɛmɔ ahone nu, bɔ ɔtea nu kyɛ “Abba! Baba!”

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.

Kolosefoɛ 3:4

Na kyẽa bɔ Kristo bɔ ɔte yɛ ngoa ne ɔkɔla ye nwo ali nen, yeɛ bɛkɔla ɛmɔ koso ne ye ali wɔ animnyam nu ɔ.

Hebrifoɛ 9:28

sɔ ala yeɛ Kristo bɔ bɛfale ye bɛbɔle afɔleɛ komapɛ kyɛ ɔsoa mmeni pee bɛ bɔne ne, okosa kɔwa ye pɛen so ɔ; ɔmmangyikyi bɔne, na mmom ɔbaale bɛ bɔ bɛ́nea ye ate nemɔ ngoa.

2 Petro 1:4

Na ɔnate ɛhemɔ aso yeɛ wafa ye bɔhyɛ mbiri mbiri bɔ odi mu ne wahyɛ yɛ ɔ; amaa ɔnate ɛhemɔ aso ɛmɔanwati bafi prɔlowaa bɔ ɔwɔ wiase bɔ ɔnate akɔnnɔ so yeɛ ɔba ne anu, ná ɛmɔanya Nyameɛ sue ne bie.

1 Yohane 2:28

Na afei me ngwadaa mɔ, ɛmɔhɔ so bɛtena ye nu, amaa sɛ ye walɛ ne dwu ná ɔye ye nwo ali a, yahora yasi y’ahone, na yamvɛre wɔ ye nyunu.

1 Yohane 2:7

Aliɛmaa mɔ, nna ahyɛdeɛ foforɛ, na mmom ahyɛdeɛ daa ne ala bɔ ahyɛaseɛ ne ɛmɔnyane ye ne yeɛ mekyerɛ mebrɛ ɛmɔ ɔ. Na sɔ ahyɛdeɛ daa ne ole edwirɛ bɔ ɛmɔate fite ahyɛaseɛ ne.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 3:21

Aliɛmaa mɔ, sɛ yɛ tiboa mmua yɛ foɛ a, ye de yɛsi y’ahone yɛkɔ Nyameɛ nyunu.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.

Nyekyire 2:28

Na ngɔfa Ngyerɛmɔ Nzramaa ne ngɔma ye.

Nyekyire 22:4

Bekonwu ye nyunu, na ye dumaa kɔbobɔ bɛ nwoma so.