1 Yohane 3:19 - AHYERƐLƐ KRONGRON

¹⁹ Ɛhe yeɛ ɔmaa yɛnwu ye kyɛ nahorɛ ne wɔ yɛ nu ɔ, amaa y’ahone atɔ yɛ kunu wɔ ye nyunu:

1 Yohane 3:19 Iomraidhean Croise

Edwein 119:56

Ɛhe ayɛ me deɛ, ofikyɛ mali wɔ nhyehyɛleɛ so.

Yesaya 32:17

Ɔnate tenenee so asomdwee kɔwa, na tenenee kɔfa bɛ soanutɔlɛ ne bɛ nwo waenbɔlɛ kɔwa afebɔɔ.

Yohane 13:35

Na sɛ ɛmɔkurokuro ɛmɔ nwo dwirɛ a, ɔnate ɛhe aso mmenia amukoraa bekonwu kyɛ ɛmɔte m’asuafoɛ.”

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Romanfoɛ 4:21

Na ole lili paa kyɛ Nyameɛ kɔhora kɔma ye anohoba bɔ wabɔ ye ne kɔwa nu.

Romanfoɛ 8:38

Na mese ye pefee kyɛ ewue anaa ngoa, anaa abɔfo mɔ, anaa ewienu atumifoɛ, anaa nningyein bɔ ɔwɔ berɛ kekesaala ye, anaa nningyein bɔ ɔbaawa, anaa tumi,

2 Timoteo 1:12

Na ɔnate ɛhe ati yeɛ menwu amaneɛ hemɔ ye, nakoso ɔnyɛ me nya; ofikyɛ mese bɔ male ye mali ne, na mede medi kyɛ ɔkora ɔbɔ bɔ mafa mawura ye sa ne nwo waen maa okoodwu Kyẽa ne.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 11:13

Gyidie nu yeɛ sɔ mmenia hemɔ amukoraa bewuli ɔ. Bɛ sa anga bɔhyɛ ne, nakoso befitele dedeede na benwuni bɔhyɛ ne nwo nningyein nen, bele belili, na bele bɛtole nu kyɛ bɛte ɛwɔfoɛ ne amanvrafoɛ wɔ aseɛ he aso.

1 Yohane 1:8

Sɛ yɛkã kyɛ yɛnyɔ bɔne a, né yɛlakalaka yɛ nwo, na né nahorɛ ne ɔnne yɛ nu.

1 Yohane 2:21

Nna kyɛ ɛmɔnze nahorɛ ne ti yeɛ mekyerɛ he mebrɛ ɛmɔ ɔ, na mmom kyɛ ɛmɔse, na afei ɛmɔsa bɛse kyɛ ngondombo biala mvi nahorɛ nu mma.

1 Yohane 3:14

Yɛse kyɛ yɛfi ewue nu yawa ngoa nu, ofikyɛ yɛkuro aliɛmaa nemɔ dwirɛ. Na bɔ onguro oliɛma dwirɛ ne tɛte ewue nu.

1 Yohane 3:20

sɛ yɛ tiboa bua yɛ foɛ a, Nyameɛ te piri tra yɛ tiboa, na ɔse nikyee biala.

1 Yohane 3:21

Aliɛmaa mɔ, sɛ yɛ tiboa mmua yɛ foɛ a, ye de yɛsi y’ahone yɛkɔ Nyameɛ nyunu.