1 Yohane 3:15 - AHYERƐLƐ KRONGRON

¹⁵ Ebiala bɔ ɔpɔ oliɛma ne te wudiniɛ, na kyɛbɔ ɛmɔse ne, daa ngoa ndena wudiniɛ biala nu.

1 Yohane 3:15 Iomraidhean Croise

Gyenesise 27:41

Na ɔnate saleɛ bɔ ye baba fa yirale Yakob ne ati, Yisɔ pɔle Yakob. Na Yisɔ susuli ye nwo kyɛ, “Me baba ye wue ne ye sɛen ngyẽa apingye; na ɛhe asi ne, ngohũ nniɛma Yakob.”

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

Marko 6:19

Na ɔnate ɛhe ati, Herodiase fale Yohane nwo dwirɛ siele ye ti anu, kyɛ onya ye a okohu ye. Nakoso wannya ye nwo ate,

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Asomafoɛ 23:12

Aleɛ hyene nen, Yudafoɛ biemɔ yɛle ko bɛfale adwene; na bɛtale ndaen kyɛ bengodidi anaa bɛngɔno hwee, sana banya Pɔɔlo bahu ye koraa.

Asomafoɛ 23:14

Na bɛhɔle asɔfo mbanyi ne maen mbanyi nemɔ berɛ beesele bɛ kyɛ, “Yata ndaen kyɛ ɛhwee ngɔhã yɛ noa, sana yahu Pɔɔlo koraa.

Deuteronomi 19:11

“Nakoso sɛ ebie pɔ obiɛngo, ná ɔtɛ ye atunu bobɔ ye ku ye, ná ɔnwati kɔ sɔ nguro nemɔ ko aso a,

Yakobo 1:15

Na sɛ akɔnnɔ ne ɔnwonzɛ a, ɔwo bɔne; yeɛ sɛ bɔne koso onyi yie a, ɔwo ewue.

1 Petro 1:23

Banwo ɛmɔ bamvi nikyee bɔ ɔporɔ ɔ nu, na mmom befili bɔ ɔmborɔ ɔ nu, bɔ bɛnate Nyameɛ dwirɛ bɔ ngoa wɔ nu ná otimu berɛ daa ne aso yeɛ bawo ɛmɔ foforɛ ɔ.

1 Yohane 2:11

Nakoso ebiala bɔ ɔpɔ oliɛma ne te awosii nu, ɔnate awosii nu, na ɔnze nekaa bɔ ɔkɔ ɔ, ofikyɛ awosii ne ama ye nye asi.

1 Yohane 2:9

Na ebiala bɔ ɔkã kyɛ ɔwɔ kanea ne anu, nakoso ɔpɔ oliɛma ne, ɔtɛte awosii nu.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”