1 Yohane 3:11 - AHYERƐLƐ KRONGRON

¹¹ Edwirɛ bɔ ɛmɔate fi ahyɛaseɛ ne ɛhe: kyɛ yɛhurohuro yɛ nwo dwirɛ.

1 Yohane 3:11 Iomraidhean Croise

Yohane 13:4

yiti odwɔsole yakyili adidie ne, ɔyele ye ataadeɛ guale berɛ; na ɔfale nzasrɛ pɛle ye bo.

Yohane 15:12

M’ahyɛdeɛ ne ɛhe: kyɛ ɛmɔhurohuro ɛmɔ nwo dwirɛ, kyɛbɔ mahuro ɛmɔ dwirɛ ne.

Galatiafoɛ 6:2

Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

1 Tɛsalonikafoɛ 4:9

Onhia kyɛ ngɔhyerɛ ngɔkɔbrɛ ɛmɔ kyɛ ɛmɔhurohuro ɛmɔ aliɛma mɔ bɛ dwirɛ ɔ, ofikyɛ Nyameɛ ahyirehyire ɛmɔ kyɛ ɛmɔhurohuro ɛmɔ nwo dwirɛ.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.

1 Petro 4:8

Bɔ ɔtra so ɔ, ɛmɔhurohuro ɛmɔ nwo dwirɛ nahorɛ nu, ofikyɛ ɔdɔ kata bɔne pee so.

1 Yohane 1:5

Edwirɛ bɔ yate yafi ye berɛ ná yɛ́bɔ ye dawure yɛkyire ɛmɔ ɛhe: Nyameɛ te kanea, na awosii kaala nne ye nu.

1 Yohane 4:11

Aliɛmaa mɔ, sɛ sɔ yeɛ Nyameɛ kuro yɛ dwirɛ a, ye de odi kyɛ yɛ koso yɛkurokuro yɛ nwo dwirɛ.

1 Yohane 4:21

Na ahyɛdeɛ bɔ wafa wama yɛ ɛhe: ebiala bɔ okuro Nyameɛ dwirɛ ne, odi kyɛ okuro oliɛma koso dwirɛ.

1 Yohane 4:7

Aliɛmaa mɔ, ɛ́mɔma yɛhurohuro yɛ nwo dwirɛ, ofikyɛ ɔdɔ fi Nyameɛ berɛ, na ebiala bɔ ole ɔdɔ ne te Nyameɛ awa, na ɔse Nyameɛ.

2 Yohane 1:5

Yiti afei, bra panyi, mesrɛ wɔ kyɛ ɛ́mɔma yɛhurohuro yɛ nwo dwirɛ; nna kyɛ mmeraa foforɛ yeɛ mekyerɛ mebrɛ ɛmɔ ɔ, na mmom mmeraa bɔ yɛnyane ye fili ahyɛaseɛ ne ala ɔ.