1 Yohane 3:10 - AHYERƐLƐ KRONGRON

¹⁰ Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 3:10 Iomraidhean Croise

2 Samuel 13:22

Nakoso Absalom anga edwirɛ biala wangyire Amnɔn, kyɛ edwirɛ paa oo, anaa tɛɛ oo. Absalom pɔle Amnɔn, ofikyɛ né wato oliɛma Tamar mmɔnaa.

Mateo 13:38

eboo ne ole ewiase, na mmakaammaa paa ne ole ahennie ne mma; yeɛ ngyɛngyɛma ne ole bɔnefoɛ ne mma.

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Yohane 1:12

Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma;

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Yohane 8:47

Ebiala bɔ ofi Nyameɛ nu ne, otie Nyameɛ dwirɛ. Na nikyee ti bɔ ɔmaa ɛmɔndie ne ole kyɛ, nna Nyameɛ nu yeɛ ɛmɔfi ɔ.”

Asomafoɛ 13:10

na osele ye kyɛ, “Ɛte abɔnzam sona! Ɛte tenenee mukoraa pɔfoɛ, nnakannaka ne amumuyɛɛ ayi wɔ ti anu tɛkyɛ, aso ɛngɔyakyi kyɛ ɛkɔhyea Awurade tenenee atee ne ɔ?

Romanfoɛ 13:8

Nnɛmɔma ebiala kerɛ, sana ɔdɔ bɔ ɛmɔfa bekurokuro ɛmɔ nwo dwirɛ ɔ; ofikyɛ ebiala bɔ okuro obiɛngo dwirɛ nen, né wali mmeraa ne aso.

Ɛfesofoɛ 5:1

Yiti ɛ́mɔsua Nyameɛ, kyɛ ye mma bɔ ɛmɔla ye ahone nwo ɔ.

Kolosefoɛ 3:14

Bɔ ɔtra so ɔ, ɛ́mɔye ɔdɔ behyire, na ɛhe yeɛ ɔkã nningyein mukoraa bɔ nu maa bedi mu ɔ.

1 Timoteo 1:5

Na kɔkɔbɔlɛ ne, ye botaeɛ ole ɔdɔ bɔ ofi ahone bɔ nu te ɔ nu, tiboa paa ne gyidie kaenn nu.

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

1 Yohane 4:21

Na ahyɛdeɛ bɔ wafa wama yɛ ɛhe: ebiala bɔ okuro Nyameɛ dwirɛ ne, odi kyɛ okuro oliɛma koso dwirɛ.

1 Yohane 4:6

Yɛ de, yɛte Nyameɛ deɛ, na ebiala bɔ ɔse Nyameɛ ne, otie yɛ dwirɛ; nakoso bɔ ɔtte Nyameɛ deɛ ne de ondie yɛ dwirɛ. Na ɛhe yeɛ ɔmaa yɛnwu nahorɛ Sunzum ne ngondombo sunzum ɔ.

1 Yohane 4:8

Nakoso ebiala bɔ olle ɔdɔ ne, ɔnze Nyameɛ, ofikyɛ Nyameɛ te ɔdɔ.

1 Yohane 5:19

Yɛse kyɛ yɛte Nyameɛ deɛ, yeɛ ewiase amukoraa wura bɔnefoɛ ne bo.

1 Yohane 5:2

Na sɛ yɛkuro Nyameɛ dwirɛ ná yɛdi ye ahyɛdeɛ so a, ɛhe yeɛ ɔmaa yɛnwu kyɛ yɛkuro Nyameɛ mma dwirɛ ɔ.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.