1 Yohane 2:8 - AHYERƐLƐ KRONGRON

⁸ Nakoso ɛnea a, ahyɛdeɛ foforɛ yeɛ mekyerɛ mebrɛ ɛmɔ ɔ, na ɔte nahorɛ wɔ ye nu ne ɛmɔ nu; ofikyɛ awosii ne gu so ɔpɛ nu kɔ, na nahorɛ kanea ne ata dada.

1 Yohane 2:8 Iomraidhean Croise

Edwein 27:1

AWURADE te me kanea ne me ngoalelɛ, nwa yeɛ mesuro ye ɔ? AWURADE te me ngoa ye anwoserɛ afealeɛ, nwa nwo suronyi yeɛ ɔkɔtɔ me so ɔ?

Edwein 36:9

Ofikyɛ wɔ yeɛ ɛte ngoa asue ti ɔ, na wɔ kanea ne anu yeɛ yɛnwu kanea ɔ.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Yesaya 9:2

Maen bɔ né ɔnate awosii nu ne, wanwu kanea piri ne, bɛ bɔ né bɛte awosii kabii aseɛ so ne, kanea ata bɛ so.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Mateo 4:16

maen bɔ ɔte awosii nu ne, wanwu kanea hyireinn; na bɛ bɔ bɛte ewue aseɛ awosii kabii so ne, kanea bie apukye ama bɛ.”

Luka 1:79

kyɛ ɔkɔta kɔma bɛ bɔ bɛtete awosii nu ɔne ewue wawoɛ nu ɔ, ná wayɛ yɛ taataa wahɔ asomdwee atee so.”

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 12:46

Mawa wiase kyɛ kanea, na ebiala bɔ ode me di ne, ɔngɔtena awosii nu.

Yohane 13:34

Ahyɛdeɛ foforɛ yeɛ mefa mema ɛmɔ ɔ, kyɛ ɛmɔhurohuro ɛmɔ nwo dwirɛ; na kyɛbɔ mahuro ɛmɔ dwirɛ nen, sɔ ala yeɛ ɛmɔ koso ɛmɔhurohuro ɛmɔ nwo dwirɛ ɔ!

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 13:12

Aleɛ sane ɔ ahyɛ, na alehyeleɛ apingye. Yiti ɛ́mɔma yɛgyi awosii nu yɔleɛ nemɔ yɛgua, ná yɛfa kanea nu akodeɛ yɛwura.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

2 Timoteo 1:10

Na afei de, ɔnate yɛ Ngoadefoɛ Yesu Kristo nwo aliyelɛ ne aso wala ye ali. Ye bɔ watu ewue bo, ná ɔnate nzɛmba ne aso wala ngoa ɔne tebea bɔ ewue nne nu ɔ ali wahyire ɔ.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Yohane 3:23

Na ye ahyɛdeɛ ne kyire kyɛ yɛle ɔwa Yesu Kristo dumaa ne yɛli, ná yɛhurohuro yɛ nwo dwirɛ kyɛbɔ wafa ahyɛdeɛ wama yɛ ne.

1 Yohane 4:11

Aliɛmaa mɔ, sɛ sɔ yeɛ Nyameɛ kuro yɛ dwirɛ a, ye de odi kyɛ yɛ koso yɛkurokuro yɛ nwo dwirɛ.

1 Yohane 4:21

Na ahyɛdeɛ bɔ wafa wama yɛ ɛhe: ebiala bɔ okuro Nyameɛ dwirɛ ne, odi kyɛ okuro oliɛma koso dwirɛ.