1 Yohane 2:7 - AHYERƐLƐ KRONGRON

⁷ Aliɛmaa mɔ, nna ahyɛdeɛ foforɛ, na mmom ahyɛdeɛ daa ne ala bɔ ahyɛaseɛ ne ɛmɔnyane ye ne yeɛ mekyerɛ mebrɛ ɛmɔ ɔ. Na sɔ ahyɛdeɛ daa ne ole edwirɛ bɔ ɛmɔate fite ahyɛaseɛ ne.

1 Yohane 2:7 Iomraidhean Croise

Lewitikɔso 19:18

Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Lewitikɔso 19:34

Ɛwɔfoɛ bɔ waatena ɛmɔ nu ne, ɛ́mɔfa ye kyɛ ɔte kuromani; ná kuro ɛwɔfoɛ ne dwirɛ kyɛ wɔ bɔbɔ wɔ nwo, ofikyɛ né ɛmɔte ɛwɔfoɛ wɔ Misraim aseɛ so: Me ole AWURADE wɔ Nyameɛ.

Mateo 5:43

“Ɛmɔate kyɛ bahã ye kyɛ, ‘Kuro ebiɛngo dwirɛ, ná pɔ wɔ pɔfoɛ.’

Yohane 13:34

Ahyɛdeɛ foforɛ yeɛ mefa mema ɛmɔ ɔ, kyɛ ɛmɔhurohuro ɛmɔ nwo dwirɛ; na kyɛbɔ mahuro ɛmɔ dwirɛ nen, sɔ ala yeɛ ɛmɔ koso ɛmɔhurohuro ɛmɔ nwo dwirɛ ɔ!

Asomafoɛ 17:19

Yiti bɛ ne ye hɔle Areopago na bɛhane kyɛ, “Ɛkɔhora kohyire yɛ ngyerɛkyerɛ foforɛ bɔ ɛkã ye nwo dwirɛ ne bo?

Deuteronomi 6:5

Fa w’ahone mukoraati, wɔ kra mukoraati, ɔne w’anwoserɛ mukoraati kuro AWURADE wɔ Nyameɛ dwirɛ.

Hebrifoɛ 6:9

Nakoso aliɛmaa mɔ, sɛ yɛkã sɔ po a, y’adwene si yɛ pi wɔ ɛmɔ nwo, kyɛ atee paa bɔ ɔkɔ ngoalelɛ nu yeɛ ɛmɔnate so ɔ.

1 Yohane 2:24

Yiti ɛ́mɔma edwirɛ bɔ ɛmɔate bafi ahyɛaseɛ ne ɔtena ɛmɔ nu. Na sɛ bɔ ɛmɔate bafi ahyɛaseɛ ne tena ɛmɔ nu a, ɛmɔ koso ɛmɔkɔtena Baa ne ne Baba ne nu daa.

1 Yohane 3:11

Edwirɛ bɔ ɛmɔate fi ahyɛaseɛ ne ɛhe: kyɛ yɛhurohuro yɛ nwo dwirɛ.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

1 Yohane 3:21

Aliɛmaa mɔ, sɛ yɛ tiboa mmua yɛ foɛ a, ye de yɛsi y’ahone yɛkɔ Nyameɛ nyunu.

1 Yohane 3:23

Na ye ahyɛdeɛ ne kyire kyɛ yɛle ɔwa Yesu Kristo dumaa ne yɛli, ná yɛhurohuro yɛ nwo dwirɛ kyɛbɔ wafa ahyɛdeɛ wama yɛ ne.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

1 Yohane 4:11

Aliɛmaa mɔ, sɛ sɔ yeɛ Nyameɛ kuro yɛ dwirɛ a, ye de odi kyɛ yɛ koso yɛkurokuro yɛ nwo dwirɛ.

1 Yohane 4:21

Na ahyɛdeɛ bɔ wafa wama yɛ ɛhe: ebiala bɔ okuro Nyameɛ dwirɛ ne, odi kyɛ okuro oliɛma koso dwirɛ.

1 Yohane 4:7

Aliɛmaa mɔ, ɛ́mɔma yɛhurohuro yɛ nwo dwirɛ, ofikyɛ ɔdɔ fi Nyameɛ berɛ, na ebiala bɔ ole ɔdɔ ne te Nyameɛ awa, na ɔse Nyameɛ.