1 Yohane 2:6 - AHYERƐLƐ KRONGRON

⁶ Na ebiala bɔ ɔnwa ɔne Nyameɛ atira abiɛngoɛ nen, odi kyɛ ye koso ɔbɔ ye bra kyɛbɔ Kristo bɔle ye deɛ ne.

1 Yohane 2:6 Iomraidhean Croise

Edwein 85:13

Tenenee koli ye nyunu, na ɔkɔbɔ atimbire bɔ ɔkɔfa so ɔ kɔma ye.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Yohane 13:15

Ofikyɛ mama ɛmɔ ye nwo nhwɛsoɛ, na kyɛbɔ mayɔ mama ɛmɔ ne, ɛmɔ koso bɛ́yɔ sɔ ala.

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

1 Korintofoɛ 11:1

Ɛ́mɔsuasua me, kyɛbɔ me koso mesuasua Kristo ne.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

1 Petro 2:21

Na ɛhe ati yeɛ bɛfrɛle ɛmɔ ɔ, ofikyɛ ɔnate yɛ ti Kristo koso nwuni amaneɛ, na ɔfa yɛle nhwɛsoɛ mane yɛ, kyɛ ɛmɔ koso ɛ́mɔtu ye agyirɛ ne bie.

1 Yohane 2:28

Na afei me ngwadaa mɔ, ɛmɔhɔ so bɛtena ye nu, amaa sɛ ye walɛ ne dwu ná ɔye ye nwo ali a, yahora yasi y’ahone, na yamvɛre wɔ ye nyunu.

1 Yohane 2:4

Na sona bɔ ɔkã kyɛ, “Mese ye”, nakoso onni ye ahyɛdeɛ so ne, ɔte ngondomboniɛ, na nahorɛ nne ye nu.

1 Yohane 3:24

Na ebiala bɔ odi Nyameɛ ahyɛdeɛ so ne, ɔte ye nu, na ye koso ɔte ye nu. Na bɔ ɔmaa yɛnwu kyɛ ɔte yɛ nu ole Sunzum ne bɔ wafa wama yɛ ne.

1 Yohane 3:6

Yiti ebiala bɔ ɔte ye nu ne, ɔnyɔ bɔne; yeɛ ebiala bɔ ɔyɔ bɔne ne, onnwuni ye, anaa ɔnze ye.

1 Yohane 4:17

Ɛhe anu yeɛ ɔdɔ di mu wɔ yɛ nu ɔ, amaa yanya anyelasoɛ wɔ ndɛenbualɛ kyẽa ne; ofikyɛ kyɛbɔ ɔte ne, sɔ ala yeɛ yɛte wɔ wiase wa ɔ.