1 Yohane 2:5 - AHYERƐLƐ KRONGRON

⁵ Nakoso ebiala bɔ odi ye dwirɛ so ne yeɛ Nyameɛ dɔ ne di mu wɔ ye nu amba ɔ. Ɛhe yeɛ ɔmaa yɛnwu kyɛ yɛ ne ye atira abiɛngoɛ ɔ.

1 Yohane 2:5 Iomraidhean Croise

Edwein 105:45

amaa ɔnate so Yisraelfoɛ bali ye ahyɛdeɛ so, ná bali ye mmeraa so. Ɛ́mɔye AWURADE ayɛ!

Edwein 106:3

Bɛ bɔ bebua ndɛen turoloo ne, ɔne bɛ bɔ bɛyɔ bɔ ɔtengyɛ daa biala ne, benya saleɛ.

Edwein 119:146

Mesu mefrɛ wɔ; pepɛ de me, amaa ɔnate so mali w’ahyɛdeɛ so.

Edwein 119:2

Bɛ bɔ bedi ye noa dwirɛ so, ná bɛfa b’ahone amukoraa bedi ye si ne, benya saleɛ.

Edwein 119:4

Afa wɔ nhyehyɛleɛ ayɛ ahyɛdeɛ, kyɛ yɛli so nahorɛ nu.

Anyandera 28:7

Ebiala bɔ odi mmeraa so ne, ɔte baa nworɛniɛ, nakoso bɔ ɔfa ye nwo bɔ asanzafoɛ ne de, ɔtwetwe animguaseɛ brɛ ɔse.

Anyandera 8:32

“Afei, me mma mɔ, ɛ́mɔtie me e, bɛ bɔ bɛnate m’atee so ne, benya saleɛ.

Nworɛ Dwirɛhanɛniɛ 8:5

Sona biala bɔ odi mmeraa so ne, edwirɛ ndo ye, amba, nworɛniɛ adwene ɔse mmerɛ ne ne ndɛenbualɛ ne.

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Luka 11:28

Nakoso osele kyɛ, “Bɛ bɔ bɛte Nyameɛ dwirɛ ne ná bedi so ne mmom yeɛ banya saleɛ ɔ!”

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Yohane 15:5

“Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Yohane 6:56

Ebiala bɔ odi me nwonaen ná ɔno me mogya nen, ɔte me nu, na me koso nde ye nu.

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Yakobo 2:22

Yeɛ anwu kyɛ ye gyidie ne ye nnwumaa bɛbɔle nu bɛyɔle adwuma, na ɔnate nnwumaa ne aso yeɛ gyidie ne lili mu ɔ.

1 Yohane 3:24

Na ebiala bɔ odi Nyameɛ ahyɛdeɛ so ne, ɔte ye nu, na ye koso ɔte ye nu. Na bɔ ɔmaa yɛnwu kyɛ ɔte yɛ nu ole Sunzum ne bɔ wafa wama yɛ ne.

1 Yohane 4:17

Ɛhe anu yeɛ ɔdɔ di mu wɔ yɛ nu ɔ, amaa yanya anyelasoɛ wɔ ndɛenbualɛ kyẽa ne; ofikyɛ kyɛbɔ ɔte ne, sɔ ala yeɛ yɛte wɔ wiase wa ɔ.

1 Yohane 4:18

Esuronyi nne ɔdɔ nu, na mmom ɔdɔ bɔ odi mu ne, otutu esuronyi bo, ofikyɛ esuronyi ne asohwenɛ nwo ahunundetelɛ yeɛ bɛnate ɔ, na ebiala bɔ osuro ne, ye ɔdɔ nni mu.

1 Yohane 5:2

Na sɛ yɛkuro Nyameɛ dwirɛ ná yɛdi ye ahyɛdeɛ so a, ɛhe yeɛ ɔmaa yɛnwu kyɛ yɛkuro Nyameɛ mma dwirɛ ɔ.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

2 Yohane 1:6

Na ɔdɔ ole kyɛ yɛkoli ye ahyɛdeɛ ne aso ɔ’. Na ahyɛdeɛ ne, kyɛbɔ yate fi ahyɛaseɛ ne ole kyɛ yɛtena ɔdɔ nu.

Nyekyire 12:17

Afei sasrabɔnzam ne fɛle braa ne so yaa, na ɔɔfale koɛ toale ye bosofoɛ ngaa bɔ bedi Nyameɛ ahyɛdeɛ so, ná betira Yesu Kristo adanzeɛ nu ne.

Nyekyire 14:12

Na ɛhe hia anwoteefoɛ animia, bɛ bɔ bedi Nyameɛ ahyɛdeɛ so ná betira Yesu gyidie nu ne.”